Xanım Zəhranın (s.ə) Fədək xütbəsinin tərcümə və şərhi (Silsilə 16)
Düşmənçiliyin üzə çıxması
1.
فَلَمَّا اِختارَ اللَّهُ لِنَبِيِّهِ دارَ اَنْبِيائِهِ وَ مَأْوى اَصْفِيائِهِ
Allah təala Öz Peyğəmbərini(s) peyğəmbərlərin və övliyaların yanına aparmaq istədikdə (o həzrətin (s) vəfatına və uca məqamına işarədir)
2.
ظَهَرَ فيكُمْ حَسيِكَةُ النِّفاقِ
Birdən sizin aranızda ikiüzlülük və düşmənçilik kini aşkara çıxdı,
3.
وَسَمَلَ جِلْبابُ الدّينِ
Geyindiyiniz din donu çürüdü və aradan getdi,
4.
وَنَطَقَ كاظِمُ الْغاوينَ
Susmuş azğınlar dilə gəldilər,
5
وَنَبَغَ خامِلُ الْاَقَلّينَ، (الآفِلينَ)
Alçaq şəxslər üzə çıxdılar.
6.
وَهَدَرَ فَنيقُ الْمُبْطِلينَ
Fəsadçıların başçısı bağırdı
7.
فَخَطَرَ في عَرَصاتِكُم
Toplaşdığınız meydanda quyruğunu qaldıraraq cövlan etməyə (dolanmağa) başladı
8.
وَاَطْلَعَ الشَّيْطانُ مِنْ مَغْرَزِهِ، هاتِفاً بِكُمْ
Şeytan vəziyyəti münasib görüb başını yuvasından çıxartdı və sizi özünə tərəf çağırdı.
Xanım Zəhranın(s.ə) çəkdiyi məsəllərin izahı:
Həzrət Peyğəmbərin (s) həyatı zamanı meydan cahil və münafiqlərin qalıqlarının üzünə daralmışdı. Ancaq o həzrət (s) dünyasını dəyişən kimi onlar başlarını yuvalarından çıxarıb meydanı ələ keçirdilər.
Həzrət Fatimə(ə) buyurur:
ظَهَرَ فيكُمْ حَسيكَةُ النِّفاقِ
Qəlblərinizdə olan keçmiş kin-küdurətləriniz bir-birinin ardınca aşkar oldu. Bununla da sizin müsəlman olmağınızın əsl "mə'nası" mə'lum oldu. Əvvəllər dini don geyməklə gizlətdiyiniz batil məqsədiniz indi üzə çıxdı. Nə qədər də tez bir zamanda sizin aranızda müsəlmanlıq çürüməyə başladı. Bir yerdə onunla vidalaşaraq əvvəlki halınıza-küfrə, şirkə və dini dəyərlərə diqqətsiz olmağa-qayıtdınız.
وَنَطَقَ كاظِمُ الْغاوينَ
Özünü hər yerdə dindar bir şəxs kimi göstərən susmuş azğınlar danışmağa və öz şeytani hədəflərini açıqlamağa başladılar. Bu iş İslam Peyğəmbərinə (s) xəstə halında yatarkən edilən hörmətsizliklə başlandı.
Ömər Peyğəmbər(s) yataqda olarkən Peyğəmbər (s) haqqında
إِنَّ الرَّجُلَ لَيَهْجُر
"bu kişi (yə'ni Peyğəmbər (s)) sayıqlayır və ağzına gələni danışır, onun söylədiklərinə qulaq asmayın !” demiş və Əhlul-Beytin (s) siyasi arenada Qur'andan ayrılmasına səbəb olduşdur.
Hansı ki, həm sünni hədis mənbələrinin, həm də şiə hədis mənbələrinin ali dərəcəli mö'təbər kitablarında mütəvatir sənədə malik olan Səqəleyn hədisində Hz.Peyğəmbərin (s) son nəfəsində bu cür buyurduğu nəql olunur:
لن يفترقا
Qur'an və Əhlu-Beytim bir-birindən heç vaxt ayrılmaz!
Amma Ömər Hz.Peyğəmbərin (s) buyurduğu Səqəleyn hədisinin müqabilində " bu kişi ağzına gələni danışır və bizə Qur'an yetər!" deyərək Peyğəmbərin(s) çatdırdığı "Qur'an və Əhlul-Beyt bir-birindən ayrılmaz!" sözünü yalanlayaraq "yalnız Qur'an ümmətə kifayət edər" deyərək dində bid'ət yaratdı!
وَنَبَغَ خامِلُ الْاَقَلّينَ
Alçaq və şəxsiyyətsizlər meydana çıxıb baş qaldırdılar və özlərini İslamın müdafiəçiləri kimi qələmə verdilər ki, dinin həqiqi müdafiəçilərinə böhtan atmaq və hörmətsizlik etmək üçün öz zəlil və bixəbər ardıcıllarına yol aça bilsinlər.
وَهَدَرَ فَنيقُ الْمُبْطِلينَ
Zalımların başçısı bağırmağa başladı. Yığışdığınız hər yerdə aranızda hazır oldu və fikirlərinizi zəhərlədi, sizi dinin ehtiramını pozmağa həvəsləndirdi.
Şərh
Birinci: Nifaq bə'zi heyvanların özlərini qorumaq öçün torpaqda hazırladıqları iki deşiyə deyilir ki, hansı birindən ona hücum olunarsa, o birisindən qaça bilsin.
Münafiq, öz cahiliyyət dövrünün küfr və şirk əqidəsindən dönməmiş, lakin öz çirkin hədəflərindən ötrü İslamı qəbul edən kimsəyə deyilir. İslama daxildən zərbə vursun deyə dini dona girməklə özünü müsəlman kimi qələmə verir, lakin daim öz batil fikrində və əqidəsindədir. Həzrət Fatimə (ə) buyurur ki, həzrət Peyğəmbərin (s) vəfatı ilə öz kin və düşmənçiliyinizi aşkar etdiniz. Əyninizə geyindiyiniz sizi müsəlman kimi göstərən dini don necə də tez çürüyüb aradan getdi. İndi isə öz küfr və şirk əqidənizi həyata keçirmək istəyirsiniz. Lakin cəmiyyətin dəyişməsilə camaatın bu əqidəni qəbul etməsinə imkan olmadığı üçün, öz cahil əqidənlərinizi İslam dininin rənginə boyayırsınız ki, tanınmayasınız. Bu oxşatma şüşələri, oturacaqlarının qarşısı və hər bir tərəfi Qur'an ayələri ilə bəzədilmiş avtobus kimidir. Ancaq sürücünün isə ona heç bir əqidəsi və inamı yoxdur. Əksinə öz cahil əqidəsində möhkəm qalaraq müəyyən məqsədə doğru gedir və öz hədəfinə çatmaq üçün sürücülük edir.
İkinci: Münafiqlər hansı İslamla zidd idilər?
Əgər İslam hər kəsin öz məqsədinə və mənafeyinə çatması üçün bir vasitə olsa, hamı tərəfindən sevilər. Ancaq əgər İslam hədəf olsa və kiminləsə uyğunlaşmazsa, nəfsin istəkləri yolunda böyük bir maneə olarsa, onda bir çox insanlar tərəfindən sevilməz.
Səmavi din hər əsrdə pak, Mə'sum və Allah tərəfindən dəstəklənən insanlar və Mə'sum peyğəmbərlər, İmamlar ilə özünü göstərir. Onların vəzifələri budur ki, Allahın dininin keşiyində durub canları bahasına onun sərhədlərini qorusunlar ki, öz mənafeyini güdən şəxslər onu alətə çevirməsinlər.
İslam Peyğəmbərinin (s.ə.a.v) vəfatından sonra bu böyük məs'uliyyəti təkcə Əmirul-Mu'minin Əli (ə) öz öhdəsinə götürmüşdü. Bu da münafiqlərin qəzəbinə səbəb olmuşdu. Çünki Əli (ə) heç kəsə dini oyuncaq kimi istifadə etməyə, öz istəklərinə nail olmağa icazə vermirdi.
Əhlul-Beytin(ə) vilayəti və imaməti ilə yayılan İslam hər zaman şeytanların, münafiqlərin, küfr və şirk dəstələrinin qalıqlarının hücumuna mə'ruz qalırdı. Çünki hər əsrdə imamət ilahi qanunları nəfsani və şeytani istəklərin, meyllərin çirkabından qoruyur.
Üçüncü: Niyə həzrət Fatimə(ə) bu məsələnin üstünü bu cür tə'kidlə açır?
Belə görünür ki, həzrət Fatimə(ə) Əhlul-Beytin(ə) əleyhinə olan düşmənlərin birliyinə o qədər də çox narahat deyildi. Əksinə, onun bütün narahatçılığının səbəbi nifaq əhlinin, küfr və cahil dəstənin İslamı öz batil əqidələri üçün alətə çevirdiklərinə görə idi. Xanımın (s.ə) təhlili vəhyə arxalandığı üçün tezliklə həyata keçdi. Çünki hadisələri bu cür diqqətlə təhlil etmək varlıq aləmini əlinin içi kimi tanıyan kəslərin işidir. Bu da Allahın töhfəsi həzrət Fatimə (ə) idi. O, öz uca məqamı ilə təhlükənin ciddi olmasından və şeytanların İslam ordusunun rəhbərinə hücumundan tam xəbərdar olması ilə imamət və vilayəti qorumaq üçün özünü qamçı zərbələrinə, qapı və divar arasında qalmağa, ən başlıcası isə gecə-gündüz göz yaşları axıtmağına və sonda da fədakarlığa, şəhadətə hazır etdi. Əgər bunlar olmasaydı, Əmirul-Mu'mininin (ə) sıxıntıları lap çox olardı. Çünki o gün o qədər böhranlı bir vəziyyət yaranmışdı ki, Əli (ə) özü öz haqqını müdafiə edərək həqiqəti bu şəkildə açıqlaya bilmirdi. Lakin Əli(ə.s)-ın Allah və Peyğəmbər tərəfindən həzrət Fatimə (ə) kimi haqq olmasını təsdiq edən möhkəm və güclü bir sənədi var idi. Bununla düşməni məhv edib onların İslamı aradan aparmaq üçün çox təhlükəli olan hiylələrinin qarşısını ala bildi.
Kitabın adı: Həzrət Fatimənin (ə) xütbəsi
Müəllif: Seyyid Həmid Fəttahi
Tərcümə edən: Hacı Tərlan Seyfullah
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6704
Bu gün: 0
