Qəlbin bağlanmasının səbəb və aqibəti
Bismillahir-rəhmanir-rəhim
Ayətullah Cavadi Amulinin məhzərində
Qəlbin bağlanmasının səbəb və aqibəti
Qəlb qıfıllandıqda yaylaq sularının duz və çöküntüləri kimi olur. Sağlam və şəffaf bulaqlar illər boyu davamlı olaraq qaynayır. Onun daş və qumları da şəffafdır. Amma çox duzu olan suyun daşları da duz bağlayır. Getdikcə bu duz artır, həm yeri qurudur, həm də bulağın özünü bağlayır.
Qəlbin qıfılı da belədir. Əvvəl toz bağlayır, sonra yavaş-yavaş çirk bağlayır və bu çirk ürəyi bağlayır. Qurani-kərim də bu çirk barədə buyurur:
كَلَّا ۖ بَلْ ۜ رَانَ عَلَىٰ قُلُوبِهِمْ مَا كَانُو ا يَكْسِبُونَ
"Xeyr (belə deyildir). Əslində onların qəlblərini qazandıqları (günahlar) qaplamışdır". ("Mutəffifin" surəsi, ayə 14)
"Rəyn" həmin çirkdir; etdiyi əməllər, danışdığı sözlər, yediyi yeməklər, gedilməsi icazəli olmayan yerlərə getmələri hamısı çirkdir. Əgər şəffaf bir güzgünü toz tutsa, daha heç nə göstərməz. Bu toz güzgnün qıfılıdır.
Qəlbin qıfılı da günahlardır. Bundan sonra Quranla mənus olmayacaq, onda tədəbbür etməyəcək. Ona görə də Quran buyurur:
أَفَلَا يَتَدَبَّرُونَ الْقُرْآ نَ أَمْ عَلَىٰ قُلُوبٍ أَقْفَالُهَا
Onlar Quran barəsində düşünməzlərmi? Yoxsa ürəklərinə kilid vurulmuşdur? ("Muhəmməd" surəsi, ayə 24.)
Belə aydın olur ki, əgər bir kəs Quranla məhşur deyilsə, onun ayələrində təfəkkür və tədəbbür etmirsə, ürəyi bağlı və qıfıllıdır. Bunun çarəsi tövbədir.
Hazırladı: Füruği-Tövhid Təhqiqat Qrupu