Kərbəla türbəti qəbir əzabından qoruyur
Bu təsir İslam Peyğəmbərinin məqamı ilə bağlıdır. Çünki onun vasitəsi ilə
əzab aradan qaldırılır. Gizli deyildir ki, həqiqətdə, insanın ən ehtiyaclı olduğu şey qəbir evində əmin-amanlıqda olmasıdır. Çünki həmin məkanda
onun Allahdan başqa heç bir yardımcısı yoxdur.
Allah öz rəhməti ilə insana əmin-amanlığın baş verməsini və bərzəx
aləmində əzabın aradan qaldırılmasını öyrədib. Bunlara misal olaraq, saleh
övlad, faydası olan elm və davamlı olaraq fayda verə biləcək sədəqəni
nümunə kimi göstərmək olar. Bütün bunlar ilahi rəhmətin bu ümmətə
məxsus etdiyi səbəblərdir. Görəsən, bu səbəblər birbaşa olaraq İslam
Peyğəmbəri (s.ə.s) və onun balası İmam Hüseyn (ə) ilə əlaqədar olarsa,
təsiri necə olar?! Belə ki, Allah-taala Peyğəmbəri (s.ə.s.) vəsf edərək
buyurur:” (Ya Muhəmməd!) Biz səni aləmdəkilər üçün yalnız bir rəhmət
olaraq göndərmişik.” Burada Əhli-beytdən (ə) daxil olan bəzi hədislərə işarə edək:
1) Kərbəla türbəti meyitlə birlikdə qəbrə qoyulur və onun hənutuna
qarışdırılır:
Himyəridən nəql olunur ki, bir nəfər İmam Zaman (ə.f) ağaya məktub
yazaraq İmam Hüseynin (ə) qəbrinin türbəti haqqında soruşur ki, onu
meyitlə birlikdə qəbrə qoymaq olarmı? İmam (ə.f) cavabında belə
buyurur: "(Kərbəla türbəti) İnşallah, meyitlə birlikdə qəbrə qoyulur
və hənutuna qarışdırılır.”
2) Kərbəla türbəti meyitin üzü bərabərində qoyulur:
Cəfər ibn İsa nəql edir ki, bir gün İmam Rzadan (ə) eşitdim ki, o
həzrət belə buyurur: "Sizlərdən biriniz əgər meyiti dəfn edib torpağı
onun başı altında yastıq edərsə, onun üzü müqabilində türbət qoysun
və onu meyitin başı altına qoymasın.”
Əllamə Nuri bu hədisi öz sözü ilə davam edərək belə yazır: hədisdə
sözügedən türbət İmam Hüseynin (ə) qəbrinin türbətidir. Şeyx Tusi
həmin mənanı bu hədisdən anlamışdır.
3) Kərbəla türbəti meyitlə birlikdə onun günahlarının örtülməsi üçün
qoyulur: Şeyx Hurr Amuli Həsən ibn Yusif ibn Mutəhhərin "Müntəhəlmətləb”
kitabından rəvayət edərək belə deyir: "Zinakar bir qadın
qeyri-qanuni şəkildə dünyaya gətirdiyi uşaqları ailəsinin qorxusundan
odda yandırırmış. Bu hadisəni anasından başqa kimsə bilmirmiş. Bu
qadın öləndən sonra dəfn edilir. Lakin torpaq onu qəbul etmir. Bu
hadisədən sonra onu digər bir məkana aparıb dəfn edirlər. Lakin
həmin hadisə yenə təkrar olunur. Ailəsi İmam Sadiqin (ə) yanına
gəlib, əhvalatı ona danışır. İmam Sadiq (ə) anasından soruşur: "Bu
qadın diri olarkən hansı günahları edirdi?” Anası ona həqiqəti
danışdıqdan sonra İmam Sadiq (ə) buyurur: "Həqiqətən, torpaq bunu
qəbul etməz. Çünki o, Allahın xəlq etdiyini onun əzabı ilə
əzablandırırdı. Onun qəbrinə bir az İmam Hüseynin (ə) türbətindən
qoyun.” Elə də edirlər və Allah-taala onun günahlarını örtür.” Bu hədislər açıq-aşkar Kərbəla türbətinin qəbir əzabını götürməsinə
və əzabın nazil olmasının qarşısının alınmasına dəlalət edir. Bu qeybi
və fiziki təsirlər Allah-taalanın İslam Peyğəmbərinin vasitəsilə bu
türbətə ikram etdiyi bir məqamdır.
Bu hədisdən də gördük ki, günahkar qadına nazil olan bəla Kərbəla
türbətinin bərəkəti ilə və onun şamil olduğu qeybi təsirlər nəticəsində
aradan qalxır. Həmçinin Allah-taala İslam Peyğəmbərinin mübarək
vücuduna görə bu ümmətdən, hətta içərisində münafiqlər olmasına və
o həzrətə, Əhli-beytinə cürbəcür hiylə qurmalarına baxmayaraq, əzabı
aradan qaldırmışdır.
Kitabın adı: İmam Hüseyn (ə) türbətinin qeybi təsirlərinin həqiqəti
Müəllif: Seyyid Nəbil Əl-Həsəni
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6734
Bu gün: 2
