Birinci təsir - Şəfa
Şəhidi Əvvəl (Şəmsuddin Abu Abdullah Məhəmməd ibn
Camaluddin Məkki Amuli) "Durus” kitabında belə yazır:
"Fəqihlər
Kərbəla türbəti ilə (Allahın salamı olsun onu şərəfləndirənə) şəfa əldə
edilməsi və onunla zikr deyilməsi məsələsində həmrəydirlər. Bu barədə
hədislər mütəvatirdir. Türbəti onun hərəmindən, hətta uzaq olsa belə, götürmək icazəlidir. Türbət nə qədər zərihə yaxın olarsa, daha əfzəldir.
Əgər türbət zərih üzərinə qoyularsa, yaxşı olar. Kərbəla türbəti götürülən
və istifadə edilən zaman nəql olunan məşhur dualardan oxunulsun. Onunla şəfa tapmaq istəyən insan noxud ölçüsündən çox istifadə etməsin.”
Mütəvatir hədislərdən üçünü qeyd edirik:
1) Şeyx Kuleyni Hüseyn ibn Əlidən, o, isə Yunis ibn Rəbidən, sonuncu
da İmam Sadiqdən (ə) rəvayət edir: "İmam Hüseynin (ə) baş tərəfində
qırmızı rəngdə türbət var ki, zəhərdən başqa hər bir dərdin
dərmanıdır.”
2) Şeyx Tusi Muhəmməd ibn Süleyman əl Bəsridən, o isə atasından,
sonuncu da İmam Sadiqdən (ə) rəvayət edir: "İmam Hüseynin (ə)
qəbrinin türbəti hər bir dərdin dərmanıdır. Həqiqətən, o böyük bir
dəvadır.”
3) Hürr Amuli İmam Sadiqdən (ə) rəvayət edir: "Əgər xəstə insan, Əba
Abdullah Hüseynin (ə) haqqını tanısaydı, Hüseynin (ə) qəbrinin
torpağından barmaq ucu qədərində torpaq götürülüb onun üçün dəva
və şəfaya çevrilərdi.”
Bu hədislər müqəddəs Kərbəla türbətinin həmin üç aləmdən keçəndən
sonra qazandığı qeybi təsirlərə – belə ki insan bədəni və nəfsinin
xəstəliklərdən paklanmasına işarə edir. mam Sadiqin (ə) buyurduğu kimi,
Kərbəla türbəti böyük məlhəmdir. Bu məlhəm, antibiotiklərin təsirindən
daha çox təsirlərə malikdir. Onu heç bir dava-dərman ilə müqayisə etmək
olmaz. Çünki İmam Hüseyn (ə) türbəti həm Cəbrail (ə), həm də əziz İslam
Peyğəmbərinin (s.ə.s.) təsirlərini daşıyır. Lakin qeyd etmək lazımdır ki, bu
təsirlərin aşkar olması həmin türbət sahibinin imamətinə etiqad və imandan asılıdır. Bu şərt açıq-aşkar İmam Sadiqin (ə) hədisində qeyd edilmişdir.
Həmin bu mənanı İbn Quləveyhin İmam Sadiqdən (ə) nəql etdiyi hədisdə
də görə bilərik: "Əgər mömin xəstələrdən bir kəs Əba Abdullahın (ə)
haqqı, hörməti və vilayətini tanıyaraq onun qəbrindən barmağın ucu boyda
torpaq götürsə, həmin torpaq ona məlhəm olar.” Hansı dəva-dərmanda bu türbətdəki kimi qüvvə və təsirlər vardır?! Şübhəsiz, bu təsiri yaradan fərqlidir, çünki o, ilahi əmr aləmindəndir: "Bir şeyin var olmasını istədiyi zaman Onun (Allahın) əmri və məqamı ona
ancaq: "Ol!” – deməkdir. O da dərhal olar.”
Kitabın adı: İmam Hüseyn (ə) türbətinin qeybi təsirlərinin həqiqəti
Müəllif: Seyyid Nəbil Əl-Həsəni
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6678
Bu gün: 0
