İmam Hüseyn əleyhissalamın türbətinin fəziləti və ədəbləri
Bəzi rəvayətlərdə nəql olunmuşdur ki, İmam Hüseyn əleyhissalamın türbətində ölümdən başqa, bütün xəstəliklərin şəfası vardır. Rəvayət olunmuşdur ki, behişt huriləri, müəyyən işləri yerinə yetirmək üçün yerə gələn mələyi gördükdə, ona yalvarıb təsbih və İmam Hüseyn əleyhissalamın türbətinin onlar üçün hədiyyə aparmasını istəyirlər. İmam Hüseyn əleyhissalamın türbətinin istifadə olunması barədə nəql olunmuş rəvayətlərdə belə gəlmişdir ki, mübarək türbəti götürüb öpsün. İki gözün üzərinə qoyub sonra bədənin sair üzvlərinə sürtərək desin:
"Allahummə bihəqqi hazihit-türbəti bə bihəqqi mən həllə biha və səva fiha və bihəqqi cəddihi əbihi və ummihi və əxihi vəl-əimməti min vuldihi və bihəqqi məlaikətil-haffinə bihi illa cəəltəha şifaən min kulli dain və burən kulli mərəzin və nəcatən min kulli afətin və hirzən mimma əxafu və əhzər.
Duanın tərcüməsi
İlahi, bu türbətin haqqına, onu halal edən şəxsin haqqına, onun cəddinin haqqına, atasının, anasının, qardaşının, onun sülbündən olan İmamların haqqına və bu türbətin dövrəsində toplaşıb ona müvəkkil olan mələklərin haqqına, sən bu türbətdə bütün xəstəliklərə şəfa, bütün mərizlərə bür, bütün afətlərə (ziyanlara) nicat və bütün qorxub həzərdə olanlara pənahgah qərar vermisən.
O Həzrətinin türbətinin çoxlu faidləri vardır ki, biz burada bir-neçəsini qeyd edirik:
Meyytilə birgə İmam Hüseyn əleyhissalamın türbətindən bir miqdar qəbrə qoymaq, həmçinin kəfəni onunla yazmaq müstəhəbdir. Səcdə səhih olan şeylərin içində səcdə etmək üçün ən fəzilətli şey İmamın türbətidir. Bu barədə nəql olunmuşdur ki, o Həzrətin türbətinə səcdə, 7 pərdəni yırtar. Yəni namazın qəbul olunmasına səbəb olar. İmam Hüseyn əleyhissalamın türbətindən təsbih düzəltmək, o təsbihlə zikr demək və həmçinin Həzrətin türbətindən düzəldilmiş təsbihi əldə tutmağın da çoxlu fəzilətləri vardır. İmam Rza əleyhissalamdan nəql olunmuşdur ki, İmam Hüseyn əleyhissalamın türbətindən düzəldilmiş təsbihi çevirib
"Subhanəllahi vəl-həmdulillahi vəla ilahə illəllahu vəllahu əkbər"
deyən şəxs üçün, təsbihin hər dənəsi üçün altı min həsənə yazılıb, altı min günah ondan pozular, altı min dərəcə onun məqamına artırılar və altı min şəfaət onun üçün yazılar.
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6678
Bu gün: 0
