354. Dil
1615. Dil.
5670. Allahın Peyğəmbəri (s): «Gözəllik dildədir.»
5671. Allahın Peyğəmbəri (s): «Dilin gözəlliyi (insan üçün) sərmayədir.»
5672 Allahın Peyğəmbəri (s): «Adam səhəri açanda bütün bədən üzvləri dilin qarşısında baş əyərək (xahişlə, yalvarışla) deyərlər: Bizim haqqımızda ilahi təqvaya riayət et. Çünki biz səndən asılıyıq. Çünki sən düz olsan, biz də düzük, əyri olsan, biz də əyri olarıq.»
5673. İmam Əli (ə): «Dil insanı ölçmək üçün vasitədir.»
5674. İmam Əli (ə): «İnsanın düşüncəsi onun dili, ağlı və dinidir.»
5675. İmam Əli (ə): «Söz danışın ki, tanınasınız. Çünki insan öz dilinin altında gizlənib.»
5676. İmam Əli (ə): «Dilin, sənin ağlının tərcümanıdır.»
5677. İmam Əli (ə): «Allahın Peyğəmbəri buyurmuşdur «Hər bir bəndənin ürəyi düzəlməmiş imanı düzəlməz. Onun dili düzəlməmiş isə ürəyi düzəlməz.» Buna görə də sizlərdən kim müsəlmanların qanına və malına bulaşmamış əl, onların heysiyyatını və abrını (tökməkdən) azad dillə Allah-taalanın görüşünə gələ bilən belə etməlidir.»
5678. İmam Əli (ə): «Ağıl sahibinin dili onun ürəyinin arxasında, axmağın ürəyi isə onun dilinin önündədir.»
5679. İmam Baqir (ə): «Doğrudan da bu dil hər yaxşılıq və pisliyin açarıdır. Buna görə də möminin öz qızıl–gümüşünün (kisəsinin) ağzını bağladığı kimi dilinə də möhür vurması daha layiqlidir.»
1616. İnsanın salamatlığı dilini saxlamasındadır.
5680. Allahın Peyğəmbəri (s): «İnsanın salamatlığı, onun dilini saxlamağındadır.»
5681. Allahın Peyğəmbəri (s): «Kim öz dilini ağzına çəkməsə, günahlardan amanda qalmaz.»
5682. Allahın Peyğəmbəri (s): «Dilini saxlamayan heç bir işi ərsəyə gətirməmişdir.»
5683. Allahın Peyğəmbəri (s): «İnsanın çətinlikləri onun dilindədir.»
5684. Allahın Peyğəmbəri (s): «Dilini saxla! Çünki dilini saxlamaq özünçün verdiyin sədəqədir.»
5685. İmam Əli (ə): «Kim öz dilini saxlasa, Allah onun eybini örtər»
5686. İmam Əli (ə): «Dilin zərbəsi nizə ucunun zərbəsindən ağırdır.»
5687. İmam Əli (ə): «Dil bir yırtıcıdır. Açılıb buraxılarsa, dişləyər.»
5688. İmam Əli (ə): «Heç bir şey, dil qədər uzunmüddətli həbsə layiq deyil.»
Kitabın adı: Mizanul-Hikmət (xülasəsi) 2-ci cild
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6678
Bu gün: 0
