Mərhəmət və yaxşılıq haqqında

27.Allahın ən çox sevdiyi ev yetimə hörmət edilən evdir.

28.Bir kimsə bir mö'mini sevindirərsə,sanki məni sevindirər.Məni sevindirən kimsə Allahdan və'd alar.Allahdan və'd alana cəhənnəm odu dəyməz.

29.Bör nəfər Rəsuli-Әkrəmə öz qəlbinin bərkliyindən şikayət etdikdə həzrət-Peyğəmbər buyurdu:<<Yetimin başına sığal çək,fəqiri yedizdir>>.

30.Müsəlmanlara görə ən xeyirli ev (ailə) içində yetimə yaxşılıq edilən,ən şərli ev isə yetimə yamanlıq edilən evdir.

31.Müsəlman qardaşının ehtiyacını ödəmək məqsədilə yol gedən bir kimsənin hər addımına ondan ayrıldığı yerə dönüncəyə qədər Allah-təala yetmiş savab yazar və yetmiş günahından keçər.

32.Әn savab iş ehtiram və qohumlara mərhəmət göstərmək,cəza ilə bitəcək ən şər əməl isə zülm və qohumluq tellərini qırmaqdır.

33.Mərhəmət edənlərə Allah da mərhəmət edər.Yerdəkilərə mərhəmət ediniz ki,göydəkilər də sizə rəhm etsin.

34.Qohumluğun nə verdiyini böyüklərinizdən öyrənin,qohumluq yaxın adamlar arasında sevgi,bol varidat və uzun ömür deməkdir.

35.Məni haqq olaraq göndərən Allaha and içirəm ki,yetimlə mərhəmətlə davranana,ona gülərüz göstərib şirin sözlə nəsihət verənə,onun yetimliyinə və zəifliyinə acıyana,Allahın bəxş etdiyi ne'mətlərlə qonşusu önündə lovğalanmayana Allah-təala qiyamət günü əzab verməz.

36.Dul qadına və fəqirə yardım göstərən adam Allah yolunda cihad edən,gündüzləri oruc tutub gecələri isə ibadətdə keçirən kimsə ilə bir tutular.

37.Ey insanlar!Allahdan qorxun!And olsun Xaliqə ki,bir mö'min digərinə zülm etsə,qiyamət günü Allah-təala ondan mütləq intiqam alacaqdır.

Kitabın adı : 101 hədis