Qonşularınızdan muğayat olun!
İslam Peyğəmbərindən (səlləlləahu əleyhi və alehi və səlləm) nəql olunur,buyurur:
"Kənarında qonşusu ac olan halda, özü qarnı dolu yatan kəs mömin deyil!"(Müstədrəkül-Vəsail. C.2.səh.78. )
Başqa hədisdə buyurur: "Qonşusunun acından qarnı burulan halda, özü toxyatan kimsə, mənə iman gətirməmişdir. Qonşusu çılpaq olan halda, özü geyimli olan kimsə də mənə iman gətirməmişdir.”(Müstədrəkül-Vəsail. C.2.səh.78. )
Həzrət Əli (əleyhissalam) öz nümayəndəsi Osman ibni Hənifə məktub yazarkən belə buyurur:
"Məgər mən o halda toxolum ki, ətrafımda qarınları boş, qəlbləri və cigərləri teşnə olanlar olsunlar? "(Müstədrəkül-Vəsail. C.2.səh.78. )
İslam Peyğəmbərindən (səlləlləahu əleyhi və alehi və səlləm) nəql olunur,buyurur:
"Pis qonşudan Allaha pənah aparıram. Evində oturub gözləri ilə sənə baxır, qəlbi ilə səni izləyir. Əgər bir şey baş versə və səni xeyirdə görsə, narahat olar. Əgər sənə giriftarçılıq və bəla üz versə, xoşhal olar.”(Müstədrəkül-Vəsail. C.2.səh.78. )
Ev almamışdan əvvəl qonşudan xəbər tutmaq
İslam Peyğəmbəri (səlləlləahu əleyhi və alehi və səlləm) buyurur:"Ev və məskən almamışdan əvvəl, qonşusunda olanlar barəsində soruşun. Yol getməzdən yol yoldaşınızı təyin edin.(Müstədrəkül-Vəsail. C.2.səh.78. )"
İmam Sadiq (əleyhissalam)-dan nəql olunur, buyurur:
"Əmirəlmöminin Əli (əleyhissalam) buyurur: Məscidin və evin qonşusu, dörd tərəfdən qırx evdir.(Müstədrəkül-Vəsail. C.2.səh.78. ) "
İmam Səccad (əleyhissalam) qonşunun haqqı barəsində buyurur: "Evinin dörd tərəfindən qırx ev o tərəfə qonşularındır. Onların haqqına riayət edib onlarla sülh və əmin-amanlıqda yaşamaqdan ötrü Allahdan fürsət dilə!"
Kitabın adı: İslamda hüquq nəzəriyyəsi
Müəllif: Qudrətullah Məşayixi