Məkkəyə daxil olmaq qaydaları 

1. Ehram:

79. Həzrət imam Baqir (ə) Məhəmməd ibni Müslimin — (bir şəxs ehramsız halda Məkkəyə daxil ola bilərmi?) — sualının cavabında buyurdu: Xəstə və ya ishal olandan başqa heç kəsə olmaz.

80. Həzrət imam Sadiq (ə) buyurub: Allah-taala Məscidul-həramı Kə᾽bəyə görə və hərəmin Məscidul-hərama görə həram qərar verdi. Ehramı isə hərəmə görə vacib etmişdir.

81. Həzrət imam Kazim (ə) buyurub: Məkkədən on mil həddində fasiləsi olan şəxs ehramsız oraya daxil olmasın.

2. Qüsl:

82. İbni Ömər nəql etmişdir ki, həzrət Peyğəmbər (s) Məkkəyə daxil olmaq üçün «Fəxx» zonasında qüsl verdi.

83. Hələbi nəql edib ki, həzrət imam Sadiq (ə), Məkkəyə daxil olmazdan qabaq, Fəxxdə qüsl etməyimizi bizə göstəriş verdi.

84. Həzrət imam Sadiq (ə) buyurub: İnşaallah hərəmə çatdıqda daxil olmazdan qabaq qüsl etmək və əgər daha qabağa getsən «B᾽iri məymun» və ya «Fəxx» zonaları və yaxud öz mənzilində qüsl et.

85. Həzrət imam Sadiq (ə) buyurub: Allah-taala həzrət İbrahim (ə)-a həcc etməyi, İsmaili (ə) də özü ilə birəgə həcc etdirməyi və onu hərəmdə sakin etməsini göstəriş verdi. Beləliklə də onların hər ikisi hərəmə getmək üçün qırmızı bir dəvəyə minib yola düşdülər və Cəbraildən (ə) başqa heç kim onlarla birgə deyildi. Hərəm çatdıqda Cəbrail (ə) ona dedi: Ey İbrahim! Düşün və hərəmə daxil olmazdan qabaq qüsl edin. Onlar da (dəvədən) enib qüsl etdilər.

86. Həzrət imam Sadiq (ə) buyurub: Allah-taala öz kitabında buyurur: Mənim evimi təvaf edənlər, e᾽tikaf bağlayanlar, rüku və səcdə edənlər üçün təmizləyin. Beləliklə də bədənin pak halından başqa vəziyyətdə Məkkəyə daxil olması layiqlidir və habelə öz tərini yuyaraq çirkinliklərini aradan aparıb qüsl etsin.

3. Təvazökarlıq:

87. Müaviyətibni Əmmar imam Sadiq (ə)-dan nəql edib ki, o həzrət (ə) buyurmuşdur: Hər kəs sakitliklə Məkkəyə daxil olsa, bağışlanar. Soruşdum: Necə sakitliklə Məkkəyə daxil olsun? Həzrət buyurdu: Təkəbbürsüz və qürursuz halda daxil olsun.

88. İshaq ibni Əmmar rəvayət edir ki, həzrət imam Sadiq (ə) buyurdu: Məkkəyə sakitliklə daxil olan şəxsin (günahları) bağışlanar. Dedim: Sakitlik nədir? Həzrət (ə) təvazökarlıq etməsidir.

89. Əban ibni Təğib nəql edir ki, həzrət imam Sadiq (ə) ilə Məkkə və Mədinə yolunda birgə səfərdə idim ki, hərəmə çatdıqda yerə enib qüsl etdi və ayaqqablarını əlinə aldı. Daha sonra ayaqyalın hərəmə daxil oldu və mən də onun kimi etdim. Həzrət (ə) buyurdu: Ey Əban! Hər kəs Allah qarşısında mənif rəftarım kimi təvazökarlıq üzündən əməl edərsə, Allah-taala onun yüz min günahını bağışlayar, ona yüz min savab yazar, həmçinin onun üçün yüz min dərəcə qurar və onun yüz min hacətini rəva edər.

90. Həzrət imam Sadiq (ə) buyurub: Nəzər edin ki, sizlərdən biriniz Məkkənin vadisinə endikdə öz köhnə paltarlarınızı geyinin. Çünki qəlbində heç bir təkəbbür olmayan halda Məkkə vadisinə enən şəxs bağışlanar.

4. Məkkənin şimalından daxil olmaq:

91. Ayişə nəql edib ki, həzrət Peyğəmbər (s) Məkkəyə gəldikdə onun şimalından daxil olur və şəhərin cənubundan xaric olub gedirdi.

92. Həzrət imam Sadiq (ə) həzrət Peyğəmbəri (s) vəs edərək buyurur: Həzrət Peyğəmbər (s) Məkkənin yuxarısı olan əqəbədən və Mədənilər döngəsindən daxil olur və Məkkənin aşağısı olan Zi Tuvadan xaric olurdu.

93. Yunis ibni Yəqub nəql edib ki, həzrət imam Sadiq (ə)-a dedim: Mədinədən gələn halda, haradan Məkkəyə daxil olum? Həzrət (ə) buyurdu: Məkkənin yuxarı hissəsindən daxil ol və Mədinəyə getmək üçün xaric olduqda, Məkkənin aşağı (cənub) hissəsindən xaric ol.

Kitabın adı: Quran və hədis baxımından Həcc və Ömrə əməlləri