Ov etmək və ağacı sındırmaq 

42. Həzrət Peyğəmbər (s) Məkkə fəth olunan gündə buyurdu: «Bu elə bir şəhərdir ki, Allah-taala göylər və yeri yaratdıqda ona hörmət bağışlamış və Allahın bu hörmətli şəhəri qiyamət gününədək haram (möhtərəm)-dir. Belə ki, tikanı dərilməz, ovu qovulmaz e᾽lan edib, (sahibi tapmaq) istəyən şəxsdən başqa tapılmış şeyi götürülməz və təzə bitmiş otları dərilməz. Abbas dedi: Ey Allahın elçisi! Bəzək və evlərinin xoşətirli olması üçün «İzxir otundan başqa?

Həzrət (s) buyurdu: Bəli izxir otundan başqa.

43. Həzrət Peyğəmbər (s) buyurub: Hərəmin otu dərilməz, ağac və tikanı qırılmaz və ovu qovulmaz… Beləliklə hərəmin otundan dərən, ağacı və tikanını qıran və ovunu qovan şəxsi gördükdə ona nalayiq söz deməyiniz rəvadır və ya hərəmdə halal olan həddə onun kürəyini ağrıya salın.

44. Həzrət imam Baqir (ə) buyurub: Allah-taala izxir otu və ya ovlanmış quşundan başqa hərəmin otunu dərmək və ya ağacını sındırmağı haram etmişdir.

45. Həzrət imam Sadiq (ə) buyurub: Xurma və meyvə ağacından başqa Məkkə ağaclarından qırmaq olmaz.

46. Həzrət imam Sadiq (ə) buyurub: Özünün hərəmdə əkib-becərdiyin ağac və otdan başqa hərəmdə bitmiş hər bir şeyi dərmək bütün xalqa haramdır.

Ovlanmış heyvan və ya quşun başını kəsmək

47. Həzrət imam Sadiq (ə) buyurub: Hərəmdən çöldə ovlanmış heyvan və ya quşun başını hərəmdə kəsmək olmaz.

48. Şihab ibni Əbdi Rəbbih nəql edib ki, Həzrət imam Sadiq (ə)-a ərz etdim. Məkkədən kənar bir yerdən gətirilən cücələrlə səhər yeməyi yeyirəm. Belə ki, onların başını hərəmdə kəsir və mən də onunla səhər yeməyi yeyirəm. Həzrət (ə) buyurdu: Sənin səhər yeməyin çox pis səhər yeməyidir. Diri halda hərəmə gətirilən heyvanların başının kəsilməsi və onların saxlanılmasının haram olduğunu bilmirsənmi?!

49. Həzrət imam Sadiq (ə) buyurub: Məkkədə dəvə, inək, qoyun və toyuqdan başqa bir heyvanı kəsmək olmaz.

Kitabın adı: Quran və hədis baxımından Həcc və Ömrə əməlləri