Əli (ə) şiəsi ilə ateistin bəhsi ( hissə 14)
Ateist:
Bu gün üçün sizin vəziyyətiniz çox mürəkkəbdir. Siz isbat etməlisiniz ki, insan bir anda yaranmışdır. Yaradıcı gil götürüb, qarışdırıb, əzişdirib, insan fiquru düzəldib, üfürüb və bu fiqur Adəmə çevrilib. Bu məntiq elmə ziddir. Bəs siz insanın bir anda yaradılmasına nə deyirsiz?
Əli (ə) şiəsi:
Mən sənin sözüvə düzəliş vermək istəyirəm. Allah insanı bir anda yaratmayıb. Quran Adəmin yaranmasından xəbər verir, bunlar sənin anlayışına müafiq deyil. Orada yazılır ki, yaranma mərhələlərlə, uzun bir ilahi müddətdə olmuşdur. Quran təsdiq etmir, insan bilavasitə gildən yaranmışdır. Allah quranda buyurur: "Biz həqiqətən, insanı xalis palçıqdan yaratdıq"(Muminun surəsi ayə 12)
"Sonra onu nütfə halında möhkəm bir yerdə yerləşdirdik. Sonra nütfəni laxtalanmış qana çevirdik, sonra laxtalanmış qanı bir parça ət etdik, sonra o bir parça əti sümüklərə döndərdik, sonra sümükləri ətlə örtdük və daha sonra onu bambaşqa (yeni) bir məxluqat olaraq yaratdıq. Yaradanların ən gözəli olan Allah nə qədər (uca, nə qədər) uludur!" (Muminun surəsi ayə 13, 14)
Əvvəl insan heç nə kimi yaradılıb.
"İnsanın elə bir dövrü olub keçmişdir ki, o, xatırlanmağa layiq bir şey olmamışdır." (İnsan surəsi ayə 1)
Onun yaranması mərhələlərlə olmuşdur. "Sizə nə olub ki, Allahın əzəmətindən çəkinmirsiniz? (Sizə nə olub ki, Allahın əzəmət və qüdrətindən qorxmur, Onu layiqincə uca tutmursunuz? Halbuki O sizi cürbəcür (və ya müxtəlif mərhələlərlə əvvəl nütfə, sonra laxtalanmış qan, sonra bir parça ət və, nəhayət, insan şəklində) xəlq etdi." (Nuh surəsi ayə 13, 14)
Sizi (babanız Adəmi) yaratdıq, sonra sizə surət verdik və mələklərə: "Adəmə səcdə edin!" - dedik. İblisdən başqa hamısı səcdə etdi. O, səcdə olanlardan olmadı.(Əraf surəsi ayə 11)
(Ya Peyğəmbər!) Xatırla ki, o zaman sənin Rəbbin mələklərə belə demişdi: "Mən palçıqdan bir insan (Adəmi) yaradacağam.Mən onu tamamlayıb Öz ruhumdan üfürən kimi ona səcdə edin!" (Sad surəsi ayə 71, 72)
Bu onu göstərir ki, yaranma mərhələlərlə - yaranma, formavermə, sonra diriltmə - olub.
Bu mərhələləri izlə: " O , yaratdığı hər şeyi gözəl yaratdı, insanı yaratmağa palçıqdan başladı. Sonra onun nəslini nütfədən - bir qətrə zəyif dəyərsiz sudan əmələ gətirdi. Sonra onu düzəldib insan şəkilinə saldı və ona öz ruhundan üfürdü. O sizə ki, qulaq və ürək verdi.Siz (bu ne´mətlərə) az şükür edirsiniz!" (Səcdə surəsi ayə 7, 8, 9.)
Əvvəlcə palçıq, sonra dəyərsiz sudan əmələ gələn nəsil - bu insanın yaranmasının başlanğıcıdır; sonra isə onun yapılması, şəkilə salınması. ona ruh üfürülməsi, qulaq , göz və ürək verilməsi nəticəsində o Adəmə çevirldi. Belə olduqda insan inkşafın son mərhələsidir, yəni bu o demək deyil ki, bir ovuc palçıq götürüb ona ruh üfürməklə o bir anda insana çevrilir. "Və Allah sizi (atanız Adəmi) yerdən (torpaqdan) bir bitki kimi göyərtdi." (Nuh surəsi ayə 17)
Əllahummə salli əla Muhəmməd və ali Muhəmməd
Allahın izni ilə 15 - ci hissədə bu suala cavab veriləcək :
Ruhun mövcudluğuna, insanın öldükdən sonra dirilməsinə sizin hansı dəlilləriniz var. İslam bu haqda nə deyə bilərsiz?
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6712
Bu gün: 0
