Həsrətin yandırır bizləri ağa..
Gün kecir, ay, ömür illər dolanır,
Dərdimiz üstünə dərdlər qalanır,
Dünya su içində od tutub yanır,
Hicranın döndərib qəlbləri dağa,
Həsrətin yandırır bizləri ağa.
Qaralıb göylərin üzü dumandan,
Əlamət qalmayıb dindən-imandan,
Zaman paltar geyib tökülən qandan,
Bənzəyir bu dünya quruyan bağa,
Həsrətin yandırır bizləri ağa.
Şad ola bilməyir sənsiz könüllər,
Dəxi çəmənlərdə açılmır güllər,
Zindanlar bağlayıb ağa, çox əllər,
Zəhra hicabına qoyub qadağa,
Həsrətin yandırır bizləri ağa.
Nə dözüm qalıbdır, nədə taqətim,
Bilkirəm bədəli var məhəbbətin,
Sənə yetməyimiz olsada çətin,
Dönürəm hey sola, baxıram sağa,
Həsrətin yandırır bizləri ağa.
Sənsiz boşluqdayam boğuluram mən,
Cəm ola bilmirəm dağılıram mən,
Elə bil çəkilib yox oluram mən,
De: Nədən gəlmirsən görünməz ağa,
Həsrətin yandırır bizləri ağa.
Sənsiz zəmanədə varı neylirəm,
Dövləti, övladı, yarı neylirəm,
İstini, soyuğu, qarı neylirəm,
Hər günüm bənzəyir düşən yarpağa,
Həsrətin yandırır bizləri ağa.
Yorğun qəlbimdəki həqiqətimsən,
Arayıb sorduğum ədalətimsən,
Sən mənim qiymətli itirdiyimsən,
Sənsiz ürəyimiz dönübdür dağa,
Həsrətin yandırır bizləri ağa.
Çölləri ngəzirsən tənha nə qədər,
Yorğun bənizini bürüyüb kədər,
Səbr də, səbrindən heyrətə gələr,
Pərvanə olmusam yanan çirağa,
Həsrətin yandırır bizləri ağa.
Bilmirəm Məkkədə, ya Minadasan,
Bəlkə Xorasanda, Kərbəladasan,
Ağacan, gəl, söylə sən haradasan,
Nəzər et görüşə gələn qonağa,
Həsrətin yandırır bizləri ağa.
Canlar fəda olsun ağıar gözünə,
Kaş layiq olaydıq ağa, sözünə,
Bir qismət olaydı baxmaq üzünə,
Deyək darıxmışıq səninçün ağa,
Həsrətin yandırır bizləri ağa.
Ananın əmrini gəzirik səndə,
Ol məzlum Zəhra ki, bəşər fövqündə,
Neylirik cənnəti siz olan yerdə,
Aşiqin ümid olub gələn sabaha,
Həsrətin yandırır bizləri ağa.
Ağa, aşiqlərin səni sorağlar,
Kərbəla deyəndə qaralar bağlar,
Hüseynə gecədə, gündüzdə ağlar,
Əllərim titrəyir yazdım varağa,
Həsrətin yandırır bizləri ağa.
Elə ki, yetişir Nimeyi-Şəban,
Qəlbimdə qanıyır böyüyən yaran,
Axı necə sənsiz eyləyək bayram,
Göz yaşım sel olur dönür bulağa,
Həsrətin yandırır bizləri ağa.
Gəl, ey aşiqlərin eşqi-diləyi,
Al sinən üstünə Hüseyn köynəyi,
Nurinin dayanar yoxsa üəyi,
Qəlbində intizar gəlib sorağa,
Həsrətin yandırır bizləri ağa.
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6678
Bu gün: 0
.jpg)
.jpg)
