Bilmək istəyirsən, mehmandar kimdir?
Şəhzadə ``mehman`` edən şamlıdan soruş
Bilmək istəyirsən, ata həsrətin?
İçində baş gələn, sinidən soruş...
Bilmək istəyirsən, atanın səbrin?
Boğaza saplanan şiş oxdan soruş.
Bilmək istəyirsən, qorxmazlıq nədir?
Əkbəri doğrayan qılıncdan soruş.
Bilmək istəyirsən, yalnızlıq nədir?
Kimsəsiz, qan dolmuşmeydandan soruş.
Bilmək istəyirsən, hicran qəmini?
72 canə tapılmayan,kəfəndən soruş.
Bilmək istəyirsən, əmi qeyrətin?
Ləbə toxunmayan Fəratdan soruş.
Bilmək istəyirsən,əyilməz kimdir?
Əbbası atdan salan nizədən soruş.
Bilmək istəyirsən, Bayraqdar kimdir?
Sən onu kəsilmiş biləkdən soruş.
Bilmək istəyirsən, ana laylasın?
Rübab yellədiyi beşikdən soruş.
Bilmək istəyirsən, yiyəsiz kimdir?
Od vurulub yanan ətəkdən soruş.
Bilmək istəyirsən, həsrət kim çəkdi?
Leylaya zindan olmuş xeymədən soruş.
Bilmək istəyirsən, gözəllik nədir?
Kərbəlanı vəsf edən Zeynəbdən soruş.
Bilmək istəyirsən, İmamın hanı?
Zühuru gecikdirən özündən soruş