Peyğəmbəri-Əkrəm (s) bəndəlik qəhrəmanı
4. Genişlənmiş köks sahibi
«أَلَمْ نَشْرَحْ لَكَصَدْرَك * وَ وَضَعْنا عَنْكَ وِزْرَك»
"(Ya Peyğəmbər!) Məgər Biz sənin köksünü (qəlbini) açıb genişlətmədikmi?! Ağır yükünü səndən götürmədikmi?!" ("Şərh" surəsi, ayə 1-2.)
Bəndəlik, dünyanın bütün ağrılığını insanın üzərindən götürür. Amma nə qədər ki, insanın fikri özündədir, həmişə narahatdır və rahatlıq tapmır. Köksün genişlənməsi, Allahın insanın sinəsini açması deməkdir. İnsan Allahçı olmalıdır ki, Allah da onun vücudunu genişləndirsin. Allah, Peyğəmbərə (s) xitab edərək buyurur: "Məgər Biz sənin köksünü (qəlbini) açıb genişlətmədikmi?!" Hər bir bəlaya dözdün və narazılıq etmədin. "(Ya Rəsulum!) Sənə əmr edildiyi kimi, düz (yolda) ol". ("Hud" surəsi, ayə 112.) Sən dözdün, səni yüksəltdik və ucaldın, Allahın cazibsi səni tutdu.
Şərh surəsini oxumaq helm və qəlbin genişlənməsi üçün çox təsirlidir. Əgər qəlb genişlənsə, ağırlıq da insandan götürülər.
وَرَفَعْنَا لَكَ ذِكْرَكَ
"Sənin ad-sanını (şan-şöhrətini) ucaltmadıqmı?!" ("Şərh" surəsi, ayə 4.)
Səni yüksəltdik, adını göydə və yerdə dillər əzbəri etdik. Bütün aləm deyir: Ya Muhəmməd (s). Varlıq aləminin hər bir zərrəsi deyir: Ya Muhəmməd (s). Bütün varlıq onun ardıncadır. Çünki bütün zərrələr onun əlindən həyat suyu içir.
Sonra buyurur:
فَإِنَّ مَعَ الْعُسْرِ يُسْرًا إِنَّ مَعَ الْعُسْرِ يُسْرًا
"Şübhəsiz ki, hər çətinlikdən sonra bir asanlıq gələr! Həqiqətən, hər çətinlikdən sonra bir asanlıq gələr!" ("Şərh" surəsi, ayə 5-6.)
Sonda isə buyurur:
فَإِذَا فَرَغْتَ فَانْصَبْ
"(Ya Peyğəmbər!) Elə ki, azad oldun, qalx (dua et)!" ("Şərh" surəsi, ayə 7.)
Yenə buyurur ki, çalış! Əgər azad vaxt tapdınsa, dayanma və çalış, özünü zəhmətə sal, fürsəti əldən vermə. Çünki hələ çox yol qalmışdır. Allah merac barəsində buyurur: "Ayələrimizdən bəzilərini göstərmək üçün" ("İsra" surəsi, ayə 1.) Biz ayələrimizdən bəzilərini ona göstəririk, hamıya yox! Çalış ki, hamısını görə biləsən. Ona görə də Peyğəmbərin (s) meracı bir dəfə deyil, dəfələrlə olmuşdur və onu yuxarı aparıblar. Bəzi rəvayətlərdə onun 120 dəfə meraca aparılması deyilir. Davamlı surətdə düşərgəyə və xüsusi qonaqlığa aparılıb. Peyğəmbər (s) bu xüsusi qonaqlıqda Allahdan bəndəlik alıb. Hər şey bəndəlikdə toplanıb.
5. Kövsər sahibi
«إِنَّا أَعْطَيْناكَ الْكَوْثَر»
"(Ya Peyğəmbər!) Həqiqətən, Biz sənə Kövsər bəxş etdik!"
Kövsər behiştdə bir çeşmədir. Kövsər, yəni həqiqətlər. Böyük alimlərdən bəziləri Kövsər surəsinə üç cild təfsir yazıblar. Bütün həqiqətlər Kövsərdə toplanıb. Peyğəmbər (s) həm Kövsərə çatmışdır, həm də özü Kövsərdr. İnsan bir dəfə çeşməyə çatır, bir dəfə də özü çeşmə olur. O, insanın həyat çeşməsidir.
İnsan bir dəfə çeşməyə yetişir, bir dəfə də özü çeşmə olur. O, insanın həyat çeşməsidir.
İnsan gərək təkasürdən (çoxluqdan) Kövsərə çatsın. Təkasür, şor su kimidir. Nə qədər içsən də yenə susuzlayırsan. Ona görə də buyurur: "Çoxluq (mal-dövlət, oğul-uşaq və qohum-əqrəba çoxluğu) ilə öyünmək sizi şirnikləndirdi". ("Təkasur" surəsi, ayə 1.)
Hər ikisinin kökü "kəsr" olsa da, Kövsər həyat çeşməsidir, içsən doyacaqsan. Həm əməl məqamında ən yüksək ləzzətə yetişəcəksən, həm də elm məqamında elmin həqiqətinə yetişəcəksən. Mütəal Allah buyurur: "Həqiqətən, Biz sənə Kövsər bəxş etdik!" Bütün həqiqətiləri Peyğəmbərin (s) fitrətinin daxilində qərar verdik. Bütün həqiqətlər Peyğəmbərin (s) fitrərindən aləmə axır. Ona görə də buyurur: "Batildən haqqa tapınaraq üzünü Allahın fitri olaraq insanlara verdiyi dinə (İslama) tərəf tut". ("Rum" surəsi, ayə 30.)
Bu fitrətinizi qoruyun. Çünki hər şey onda toplanıb. Yəni, qoruyun ki, canınızın çöhrəsinin diqqəti daim Allahda olsun. Peyğəmbərin (s) canının diqqəti daim Allaha yönəlmşdi. Bütün vücudu və bütün varlıq sərmayəsi ilə daim diqqəti Onda idi. Mütəal Allah buyurur: "De: "Mənim namazım da, ibadətim də, həyatım və ölümüm də aləmlərin Rəbbi Allah üçündür!" ("Ənam" surəsi, ayə 162.)
Yenə buyurur: "O gün neçə-neçə üzlər sevinib güləcək, Öz Rəbbinə baxacaqdır!". ("Qiyamət" surəsi, ayələr 22-23.)
Qiyamətdə insanın bütün diqqəti Allaha yönəlir, çöhrələr təravətlənir, sevinir. Onun üçün tövhid yağışı yağır. Bütün bunlar Peyğəmbərin (s) mübarək vücudunda toplanıb. Biz də bu susuzluqdan qurtulmaq istəyiriksə, Peyğəmbərə (s) çatmalıyıq.
Özləri həqiqətin və Kövsərin eyni olanlara özümüzü çatdıraq ki, bizi də suzuzluqdan qurtarsınlar və bizə də həqiqət bəxş etsinlər.
Hazırladı: Füruği-Tövhid Təhqiqat Qrupu