Peyğəmbəri-Əkrəm (s) bəndəlik qəhrəmanı
Bu gün bütün kainatın əşrəfi, Adəm övladının ağası, Həzrət xətmi mərtəbətin (səlləllahu ələyhi və alihi və səlləm) mövlud günüdür. Rəsuli-əkrəm (s) bütün peyğəmbərlər arasında ibadət və bəndəlik qəhrəmanıdır. Allahın məhz əbdidir. Quranda insanın tərbiyəsi üçün örnəklər göstərilib və bu örnəklərin təbiət hasarlarını necə uçurduqları izah olunub.
Quran buyurur: "Həqiqətən, Allahın Rəsulu Allaha, qiyamət gününə ümid bəsləyənlər (Allahdan, qiyamət günündən qorxanlar) və Allahı çox zikr edənlər üçün gözəl örnəkdir!" ("Əhzah" surəsi, ayə 21)
Bu Peyğəmbərin (s) düşərgəsi "ayələrimizi göstərmək üçün"dür. Bəzən təzə şeyləri göstərmək üçün bir qrupu düşərgəyə aparırlar. Peyğəmbəri (s) xüsusi düşərgəyə apardılar. Niyə? "Ayələrimizi göstərmək üçün". Necə oldu ki, Peyğəməbər (s) ora gedə bildi? "Bəndəsini (Peyğəmbər səlləllahu ələyhi və alihi və səlləm) seyr etdirən Allah pak və münəzzəhdir". ("İsra" surəsi, ayə 1.) Bu uçuş və seyrin səbəbi bəndəlikdir. Bəndə olmayınca, insanı yuxarı aparmazlar. Peyğəmbərin (s) həyatında hər nə varsa, bəndəlikdən olan şənindəndir. O, hamı üçün bəndəlik güzgüsüdür. Peyğəmbərin (s) bütün kamalları – Quranda o kamalladan bəzilərinə işarə olunub və mən də toxunacam – bəndəliyinin sayəsində həzrətə verilmişdir.
Mütəal Allah Qurani-kərimdə Peyğəmbəri-əkrəmin (s) bir neçə xüsusiyyətinə işarə etmişdir:
1. Peyğəmbərin (s) böyük əxlaqı
Nə üçün Peyğəmbərin (s) əxlaqı əzim, yəni çox böyükdür? Çünki dünya kiçikdir və insanın sinəsi dardır, düşüncəsi kiçilib və baxışı məhdudlaşıb. Belə bir insan "böyük əxlaq"a yetişə bilməz. Mütəal Allah, Rəsuli-əkrəmə (s) xitab edərək buyurur: "Şübhəsiz ki, sən böyük bir əxlaq üzərindəsən!" ("Qələm" surəsi, ayə 4).
Onun əxlaqının əzəməti və böyüklüyü bəndəliyinin əzəmətinə görədir. Çeşmə bəndəlikdir. Bəndəlik yəni fəqr.
2. Rəhmət Peyğəmbəri (s)
Quran buyurur: "Səni də (Ya Rəsulum!) aləmlərə ancaq bir rəhmət olaraq göndərdik". ("Ənbiya" surəsi, ayə 107).
İnsan öz bəndəliyi miqdarında başqaları üçün rəhmət ola bilər. Nə qədər ki, bəndə deyil, rəhmət deyil. Çünki özünə rəhm etməmişdir ki, başqaları üçün də rəhmət ola. Hər kəs bəndəlik yolunda addım atmayıbsa, öz haqqında məhəbbət etməmişdir. Ona görə də başqalarına məhəbbət edə bilməz.
Peyğəmbər (s) rəhmətən-lilaləmindir (aləmlərə rəhmətdir). Aləmlərə rəhmət, yəni aləmin hər zərrəsi onun vücudu ilə qidalanır. Hamı ondan almışdır. Varlığın və yaradılışın atasıdır.
Vücudunun genişliyinə diqqət edin. Onun rəhmət qanadları bütün aləmi əhatə etmişdir. Hamı Peyğəmbərin (s) qanadları altında əyləşib.
Həzrət Cəbrail də onun rəmət qanadının altındadır. Bütün aləm və mələkut onun rəhmət qanadlarının altındadır. Çünki Allah Təbarəkə və Taalanın rəhmətinin təcəllası yeridir. Hamıya vilayəti vardır. Məhz bəndəlik ilə tam vilayət məqamı hasil olur. Deyirlər: "Rübubiyyət izzətin bəndəlik və übudiyyət zəlilliyi sayəsində görmək olar". İnsan bəndəlik zəlilliyinə çata bilsə və Allahın qarşısında zəlil olsa, rübubiyyət izzəti onda təcəlli edər. Biz bunu Peyğəmbərdə (s) görürük. Ona görə də Peyğəmbəri-əkrəm (s) bizim həyatımıza örnəkdir.
Hamını bu məqamla çağırırlar və hamını dəvət edirlər. "Bacarmaram", deməyin. Sizə örnək olaraq gəlmiş şəxs, bacarıb. Siz də bacararsınız, onunla birgə ola bilərsiniz. "Ustad sorağına get".
3. Peyğəmbərin (s) mülayim əxlaqlı olması
"(Ya Rəsulum!) Allahın mərhəməti səbəbinə sən onlarla mülayim rəftar etdin". ("Ali-İmran" surəsi, ayə 159)
Sənin yumşaq və mülayim əxlaqın var, Allahın rəhməti sənə təcəlla etdi və yumşaq əxlaqlı oldun. Sərt deyilsən. İnsanlar üçün mülayim əxlaqlı oldun və hamını cəzb etdin. Mülayim olmaqlıq qüvvəsi, cazibə gətirir və hamını insanın ətrafına toplayır.
Ardı var...
Hazırladı: Füruği-Tövhid Təhqiqat Qrupu