Əl görüşmək
Sual 1363: Əgər insan məcbur olsa, ləzzət qəsdi olmadan müsəlman olmayan qadınla əl görüşə bilərmi?
Cavab: Məcbur olduğu surətdə əlcək kimi mane olacaq bir şeylə eybi yoxdur.
Sual 1364: Əl rütubətli olsa, kitab əhli və kafirlə əl görüşə bilərmi?
Cavab: Kitab əhli olan şəxsin əlinin murdar olmasına yəqinliyiniz olsa və kitab əhli olmayan kafir olsa, namaz üçün əlinizi yumalısınız.
Sual 1365: Naməhrəm qadınla əl görüşməmək qohumlar arasında narahatlığa və ya bir-birləri ilə əlaqələrin kəsilməsinə, ya ata-ananın etirazına səbəb olarsa, hökm nədir?
Cavab: Naməhrəm qadınla əl görüşmək olmaz, amma əlcək kimi əlin ələ dəyməsinə mane olacaq bir vasitə ilə olsa, eybi yoxdur.
Sual 1366: Kafir qadınlarla görüşmək öz-özlüyündə haramdırmı?
Cavab: Haramdır.
Sual 1367: Avropa ölkələrində salam üçün əl görüşürlər. Bəzən bu işi tərk etmək şəxsin işdən, məktəbdən və s. çıxarılmasına səbəb olur. Müsəlman kişi və ya qadın belə müstəsna hallarda əl görüşə bilərmi?
Cavab: Əgər əlcək və onun kimi vasitələrdən istifadə edərək görüşməklə bu problemlərdən qaçıb qurtarmaq mümkün olmazsa, görüşməmək insanı dözülməz zərər-ziyana salarsa, müsəlman kişi və ya qadın başqası ilə əl görüşə bilər.
Kitabın adı: İstiftaat, Şəri suallara cavablar
Müəllif: Ayətullah Əl-Uzma Seyid Əli Hüseyni Sistani