Dəstəmaz - 2
Sual 151: Qaşlara qələm çəkmək və ya rəng vurmağın dəstəmaza bir iradı varmı?
Cavab: Əgər suyun onlara çatmasına mane olmasına ehtimal versəniz, gərək təmizləyəsiniz.
Sual 152: Dəstəmaz aldıqda üzüyü barmaqda üç dəfə fırlamaq barədə hədis doğrudurmu?
Cavab: Bunun doğruluğu sübuta yetməmişdir. Əlbəttə, əgər dəstəmaz aldıqda üzün suyun barmağa çatmasına mane olsa, onu əldə hərəkət vermək lazımdır ki, su onun altına yetişssin. Lakin, təyəmmümdə əllərinə məsh çəkən vaxtda gərək üzüyünü barmağından çıxarsın.
Sual 153: Sizin "İzahlı şəriət məsələləri" kitabında yazılmışdır ki, başa məsh çəkdikdə başın tüklərini ortadan ayırmalı və başın dərisinə məsh edilməlidir. Sizdən sualı budur ki, burada sizin məqsədiniz başdan aşağı çəkməkdir, yoxsa qaşlardır?
Cavab: Başın məshində onun dərisin çəkilməsi lazım (vacib deyil), ön hissəsindəki tüklərə də məsh çəkilməsi düzgündür. Amma başın qabağının tükü darananda üzə tökülərsə, yaxud başın o biri hissəsinə çatarsa, onda tüklərin dibinə məsh çəkilməlidir. Əgər üzünə tökülən, yaxud başın başqa yerinə çatan tükləri başın qabağında bir yerə yığıb onlara məsh çəksə və ya başın yerlərinin qabağa gələn tüklərinə məsh çəksə, batildir.
Sual 154: Dəstəmaz aldıqda kirpiklər də islanmalıdırmı? Əgər suyun onlara yetişməsinə bir maneə olsa, dəstəmaz batil olurmu?
Cavab: Gərək kirpiklərə də su yetişsin və suyun onlara yetişməsinə mane olacaq şey aradan qaldırılsın.
Sual 155: Əgər qələmin ucu qədər onun mürəkkəbindən əldə qalsa, dəstəmaz batildirmi?
Cavab: Əgər suyun yetişməsinə mane olmasa, eybi yoxdur. Amma suyun yetişməsinə mane olub-olmamağında şəkk etsəniz, gərək suyun çatmasına qədər əminlik hasil edənə kimi təmizlənsin. Amma namazdan sonra onun suyun yetişməsinə mane olub-olmamağında şəkk etsəniz, qıldığınız namaz düzgündür.
Sual 156: Dəstəmaz aldıqda yuyulmalı olan üzvlərə əl çəkmək lazımdır, yoxsa hər bir hissəyə suyun yetişməsi kifayətdirmi?
Cavab: Kifayət edir və əl çəkmək lazım deyil.
Sual 157: Dəstəmaz suyunun tualetə tökülməsi günahdır, ya yox?
Cavab: Günah deyil.
Sual 158: Ayağın iki kiçik barmaqları üstündən məsh çəkmək düzgündür, ya yox?
Cavab: Düzgündür.
Sual 159: Barmağın ucundan dirsəyə qədər əl sarğılı olsa, dəstəmaz necə alınmalıdır?
Cavab: Onu yumaq əvəzinə o biri əlinizlə məsh çəkin.
Sual 160: Suyu işlətməkdə israf etmək dəstəmaz və qüslü batil edirmi?
Cavab: Batil etmir.
Sual 161: Dəstəmaz aldıqda başqa bir şəxsin bizim əlimizə su tökməsinin iradı varmı?
Cavab: Əgər yumağı şəxsin özü əncam versə, iradı yoxdur.
Sual 162: Əli yuduqda bilmədən əlimizin dəyməsi nəticəsində su yuxarı getsə, dəstəmaz düzgündür?
Cavab: Dəstəmaz düzgündür.
Sual 163: Əgər bir şəxsin burnunun içində qan olsa və dəstəmaz alsa, dəstəmazdan sonra burnunun çölündə qan görsə, aldığı dəstəmazın hökmü nədir? Dəstəmaz suyu yetişən hər bir yer murdar olurmu?
Cavab: Dəstəmazı düzgündür və bədəni pakdır.
Sual 164: Mənim saçım sünidir və camaat içində onu çıxara bilmirəm. Mən necə məsh etməliyəm?
Cavab: Süni tüklərə məsh çəkmək düzgün deyil və əgər camaatın sizin süni saçınızdan xəbəri olmasını istəmirsinizsə, camaat olmayan yerdə dəstəmaz alın.
Sual 165: Müəyyən bir məqsədlə məsələn, kərahətin aradan qalxması, ya nəzirə əməl etmək və ya Qurana əl vurmaq üçün dəstəmaz alınsa, həmin dəstəmazla namaz qılmaq olarmı?
Cavab: Namaz qılmaq olar.
Kitabın adı: İstiftaat, Şəri suallara cavablar
Müəllif: Ayətullah Əl-Uzma Seyid Əli Hüseyni Sistani
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6677
Bu gün: 0
