Namaz qılanın paltarı
Sual 390: Qadın namaz qıldıqda corab geyinməlidirmi?
Cavab: Lazım deyil.
Sual 391: Odekolon və ətir vurulmuş paltar və ya bədənlə namaz qılmaq olarmı?
Cavab: Eybi yoxdur.
Sual 392: Qadın, naməhrəm onu görmədiyi təqdirdə dar libasla namaz qıla bilərmi?
Cavab: Qıla bilər.
Sual 393: Kişi qısaqol köynəklə namaz qıla bilərmi?
Cavab: Eybi yoxdur.
Sual 394: Namaz qılanın paltarının şərtləri barədə əti haram olan quşların lələyi, əti haram olan heyvanların tükü hökmündədirmi?
Cavab: Əti haram olan quşun lələyinin namaz qılanın paltar və ya bədənində olmasının eybi yoxdur.
Sual 395: Deyirlər ki, pişiyin tükü murdardır və insanın bədənində və ya paltarında olsa, onunla qılınan namaz batildir. Bu söz doğrudurmu?
Cavab: Pişiyin tükü murdar deyil və insanın bədən və ya paltarında olsa, namazı batil etmir.
Sual 396: Namazda kişinin bədəni nə qədər örtülməlidir? Bu məsələ dəstəmazda necədir?
Cavab: Namazda övrəteynin örtülməsi vacibdir və bu miqdardan artığı vacib deyil. Baxmayaraq ki, göbəkdən dizə qədər örtülməsi daha yaxşıdır. Amma dəstəmazın düzgünlüyündə heç bir örtük şərt deyil.
Sual 397: Sizin müqəllidlərinizin namazda alt paltarı geyinmələri vacibdirmi?
Cavab: Vacib deyil və başqa geydikləri paltarlarla kifayətlənə bilərlər.
Sual 398: Əgər qadın elə bir yerdə namaz qılmaq istəsə ki, oraya naməhrəmin gəlməsi mümkün deyil və özü də naməhrəm gələ bilməyəcəyinə əmindir. Bu halda hicabsız namaz qıla bilərmi?
Cavab: Naməhrəmin onu görməsinin mümkün olmamasına baxmayaraq, qadının namazda hicaba riayət etməsi vacibdir.
Sual 399: Mən tibb bacısı işləyirəm və öz peşəmə uyğun olaraq qolumu dirsəyə qədər örtən qısaqol paltar geyməyə məcburam. Bu geyim mənim 14 saatlıq iş müddətimdə əynimdə olmalıdır. Bu paltarla namaz qıla bilərəmmi?
Cavab: Qadının namazda qolu biləyə kimi örtməsi vacibdir.
Sual 400: Əgər paltarın xümsü olmasını bilmədən onunla namazı qılmışıqsa, bildikdən sonra həmin namazları qəza etməliyikmi?
Cavab: Fərz olunmuş sualda namazlarınız düzgündür.
Sual 401: Qadının saçının bir az açıldığından və yaxasının bir az açıq olmasından xəbərsiz olaraq namaz qılır. Namazın ortasında bunu bildikdən sonra açıq yerlərini örtür. Onun namazı düzgündürmü?
Cavab: Namazı düzgündür.
Kitabın adı: İstiftaat, Şəri suallara cavablar
Müəllif: Ayətullah Əl-Uzma Seyid Əli Hüseyni Sistani