İnnəllahə və məlaikətəhu yu-səllunə ələn nəbiy, ya əyyu-həlləzinə amənu səllu ələyhi və səllimu təslima, Əllahummə səlli əla Muhəmmədin nəbiyyi, və əla zuriyyətihi və əla əhli bəytih.
Bismillahir rəhmanir rəhim, və la həvlə və la quvvətə illa billahil əliyyil əzim.
Əlhəmdu lillahilləzi yəf`əlu ma yəşa, və la yəf`əlu ma yəşau ğəyruh.
Subhanəkə la ilahə illa ənt, iğfir li zunubi kulləha cəmia, fəinnəhu la yəğfiruz zunubə kulləha cəmiən illa ənt.
Əllahummə inni əs`əlukə bi-vəchikəl kərim vəsmikəl əzim, və mulkikəl qədim, ən tusəlliyə əla Muhəmmədin və alih, və ən təğfirə li zənbiyəl əzim, innəhu la yəğfirul əzimə illəl əzim.
Ma şaəllahu la quvvətə illa billahi əstəğfirullah.
Əllahummə inni əs`əlukə mucibati rəhmətik, və əzaimə məğfirətik, vən nicatə minən nar, və min kulli bəliyyəh, vəl fəvzə bil cənnəti vər rizvanə fi daris səlam, və civari nəbiy-yikə Muhəmmədin ələyhi və alihis səlam, Əllahummə ma bina min ni`mətin fəminkə la ilahə illa ənt, əstəğfirukə və ətubu iləyk.
Tərcüməsi
Fatimə Zəhra (s)-nın təsbihatından sonra de:
Həqiqətən, Allah və mələkləri Peyğəmbərə salavat göndərirlər. Ey iman gətirənlər! Siz də ona salavat göndərib layiqincə salamlayın. İlahi! Məhəmmədə, onun övladları və Əhli-beytinə salam və salavat göndər.
Sonra yeddi dəfə de:
Mehriban və bağışlayan Allahın adı ilə! Böyük və uca Allahdan başqa güc və qüdrət sahibi yoxdur.
Üç dəfə de:
İstədiyini yerinə yetirən və başqasının istədiyini yerinə yetirməyən. Allaha həmd olsun.
Sonra de:
İlahi, Sən bütün eyiblərdən pak və uzaqsan! Səndən başqa məbud yoxdur, bütün günahlarımı bağışla. Çünki Səndən başqa bütün günahları bağışlayan olmaz.
Sonra məğrib namazının nafiləsini qılırsan. Məğrib namazının nafiləsi iki salamla dörd rükətdir (yəni sübh namazı kimi iki rükət qılıb salam verirsən, sonra məğrib namazının nafiləsi niyyəti ilə yenidən iki rükət namaz qılırsan.) Şeyx demişdir: "Rəvayət olunmuşdur ki, birinci rükətdə "Kafirun” surəsi, ikinci rükətdə "İxlas” surəsi, qalan iki rükətdə isə istənilən surə oxunsun.” Rəvayətə görə, Həzrət İmam Əli Nəqi (ə) üçüncü rükətdə "Həmd” surəsindən sonra "Hədid” surəsinin əvvəlindən "Və huvə əlimun bizatis sudur” ayəsinə qədər və dördüncü rükətdə "Həmd” surəsindən sonra "Həşr” surəsinin axırını, yəni "Ləv ənzəlna hazəl Quranə...” ayəsindən surənin axırına qədər oxuyardı. Müstəhəbdir ki, nafilə namazlarının axırıncı rükətində, xüsusilə, cümə gecəsində bu dua yeddi dəfə oxunsun:
İlahi, Sənin uca zatını, böyük adını və əbədi hakimiyyətini and verib Səndən istəyirəm ki, Məhəmməd və onun Əhli-beytinə salam və salavat göndər, mənim böyük günahlarımı bağışla! Çünki böyüyü böyükdən başqası bağışlamaz.
Nafilə namazı qurtardıqdan sonra, istədiyin duanı oxu və daha sonra on dəfə de:
Allahın istəyi labüddür. Allahdan başqa qüdrət yoxdur. Allahdan bağışlanma diləyirəm.
Sonra de:
İlahi, Səndən rəhmət və bağışlamağına səbəb olanları, hər cür bəla və atəşdən qurtuluşu, cənnətinə çatmağı, "Sağlamlıq” yurdunda (cənnətdə) razılığını və peyğəmbərin Məhəmmədin (ona və Əhli-beytinə salam olsun) kənarında olmağı diləyirəm. İlahi, ixtiyarımızda olan hər nemət Səndəndir. Səndən başqa məbud yoxdur. Səndən məğfirət diləyir və tövbə edərək Sənə doğru üz tuturam.
Kitabın adı: Məfatihul Cinan
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6678
Bu gün: 0
