Xorasana səfər etdikdə Həzrət Rza (ə.s)-ın ibadət proqramı
Rica bin əbi Zəhhak Abbasilər dövlətinin xadimlərindən və maliyyə məhkəməsinin başçılarından idi. Ona əmr olunmuşdur ki, Həzrəti Rza (ə.s) -ı Mədinədən Mərvə, Məmunun yanına aparsın, və Həzrəti qorusun və Bəsrə, Əhvaz, Fars şəhərlərindən hərəkət etsin, Qum şəhərindən keçməsin. O belə nəql edir: Mən Mədinədən Mərvə kimi Həzrətlə idim. Allaha and olsun onun kimi təqvada, Allahı zikr etməkdə və Allahdan o qədər qorxu şiddətin heç bir kişidə heç zaman görmədim. Həzrətin vərdişi bu cür idi ki, sübh namazından sonra oturub, bu zikrləri "subhanəllahi vəl - həmdu lillahi vəllahu əkbər və la ilahə illəllah” və Peyğəmbər və ali Peyğəmbərə salavat zikr etməklə özünü məşğul edərdi. Gün çıxana qədər, səcdəyə gedərdi. Sonra başını qaldırıb camaatla danışardı, onlara moizə edərdi, və zöhr vaxtı gedib dəstəmaz alıb namaz qıldığı yerdə hazır olub, günorta namazının səkkiz rükət nafiləsini qılardı (kamilliyi ilə) sonra əzan və iqaməni deyib günorta namazını qılardı. Namazdan sonra bir müddətə qədər təsbih, həmd və təkbir ( allahu əkbər ) və "la ilahə illəllah” deyib şükür səcdəsi edərdi, və ondan sonra yüz dəfə deyərdi: "şukrən-lillah” sonra əsr namazının səkkiz rükət nafiləsini qılardı (kamilliyi ilə) sonra əsr namazına məşğul olardı və namazdan sonra bir müddətə qədər təsbih, həmd və təkbir və "la ilahə illəllah” deyib səcdəyə gedərdi yüz dəfə "həmdən-lillah” deyərdi. Gün oturandan sonra dəstəmaz alıb əzan, iqamə deyib şam namazın qılardı və namazdan sonra bir müddətə qədər təsbih, həmd və təkbir və "la ilahə illəllah” deyərdi. Sonra şükür səcdəsi yerinə yetirib və heç kəslə danışmadan dörd rükət şam namazının nafiləsini iki salam və qunut ilə yerinə yetirərdi. Sonra bir müddətə qədər namazın müstəhəbbatın yerinə yetirib iftar edərdi, gecənin üçdə bir hissəsi keçəndən sonra xiftən namazın qılıb sonra bir müddət namaz qıldığı yerdə oturub Allaha zikr, həmd, "la ilahə illəllah” deyərdi. Müstəhəb əməlləri və şükür səcdəsini yerinə yetirəndən sonra yatmağa gedərdi. Gecənin axırıncı üçdə bir hissəsinə çatanda təsbih və təkbir, "la ilahə illəllah” və istiğfar deməklə yerindən qalxıb dişlərini fırçalayıb, dəstəmaz alıb onbir rükət gecə namazı qılardı. Müstəhəbbatı ilə namazdan sonra dua oxumağa oturardı sübh namazı vaxtı iki rükət fəcr nafiləsini qılıb əzan iqamə deyib sübh namazını qılardı. Gün çıxana kimi dua və müstəhəb əməllərlə məşğul olardı, o zaman subhə kimi iki şükür səcdəsi yerinə yetirərdi... . Hər şəhərdə on gündən artıq qalmağı qəsd edərdisə, həmin günlər oruc tutardı gecə olanda iftardan qabaq namaz qılardı, əgər qalmaq qəsdi olmasaydı şam namazından başqa vacib namazlarını iki rükət qılardı. Həzrət şam namazının və gecə namazının nafilələrini nə səfərdə və nə də təhlükə anında tərk etməzdi, amma zöhr və əsr namazının nafilələrini səfərdə tərk edərdi, hər qəsr qıldığı namazdan sonra otuz dəfə "təsbihati ərbəə” deyərdi və buyurardı: Bu namazın kamil olması üçündür. Səfərdə heç vaxt oruc tutmazdı, və həmişə duasının əvvəlində Peyğəmbər və onun Əhlibeyt (ə.s) –ına salavat zikr edərdi və bu salavatı namazda və namazdan sonra çox təkrar edərdi. Gecə yataqda olanda çox Quran oxuyardı, hər zaman bir ayədə ki, cəhənnəm və onun atəşindən hekayət olunub, həmin ayəni oxuyanda ağlayardı, Allahdan behişt istəyərdi. Həzrət bütün namazlarda Bismillahı uca səslə deyərdi... Hər şəhərə çatanda camaat onun yanına gələr və öz dinləri barəsində sual verərdilər. Həzrət onlara cavab verərdi və çoxlu hədisləri atalarının vasitəsi ilə Əli (ə.s) və Rəsulullah (s.ə.v.a) -dən rəvayət edərdi. Həzrəti, Məmunun yanına apardığım zaman Məmun məndən yol haqqında məlumat istədi və mən Həzrətin yoldakı əhvalatın ona danışdım. Dedi: bəli ey əbi Zəhhakın oğlu, Əli bin Musa – Rza (ə.s) yer əhlinin ən yaxşısı, savadlısı və abididir. Gördüklərini heç kimə demə. İstəyirəm o cənabın fəziləti mənim dilimdən deyilsin. Allahdan kömək istəyirəm və bir niyyətim var o da onun dəyərini qiymətləndirməkdir.
Kitabın adı: Günəşin hekayəti
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6678
Bu gün: 0
