Övliyaların İmtiyazları
Me’rac hədisinin davamında oxuyuruq: "Ey Əhməd, behiştdə üst-üstə dürr və mirvariddən tikilmiş bir qəsr var... Bu qəsrdə mənim xüsusi bəndələrim yaşayır. Hər gün yetmiş dəfə onlara nəzər salır, onlarla danışır və mülklərini yetmiş dəfə ucaldıb genişləndirirəm. Behişt əhli behişt təamları və pak şərablarından ləzzət aldıqları vaxt onlar mənim zikrimdən söz və kəlamımdan ləzzət aparırlar.” İslam Peyğəmbəri (s) sual verir: "Pərvərdigara, onların əlamətləri nədir?” Allah-təala həzrətin cavabında buyurur: "Onlar dillərini çox danışmaqdan, qarınlarını çox yeməkdən həbs etmiş məhbuslardır.” Bəli, haqqında danışılan övliyalar onların təkamülü üçün xeyirsiz olan faydasız sözlərdən və faydasız yeməklərdən çəkinirlər. Onlar ibadət və itaətə mane olan hər şeydən uzaq dayanırlar. Onlar Allahın razılığı xatirinə danışır, vəzifələrini icra etmək üçün qidalanırlar.
Me’rac hədisində behişt qəsrinin təsvirindən mə’lum olur ki, biz axirət həqiqətlərini təsəvvür etmək imkanına malik deyilik. Axirət aləmi bir çox xüsusiyyətləri ilə bizim dünyamızdan fərqlənir. Bizim düşüncə səviyyəmiz axirət həqiqətlərinin dərk olunmasına imkan vermir. Yalnız bu dünyada mövcud olan xüsusiyyətləri qavraya bilirik. Hansı ki, axirət aləmi bizim dünyamızdan köklü şəkildə fərqlənir. İnsanın beş hiss üzvü axirət aləminin gerçəkliklərini duymaq gücünə malik deyil.
Axirət aləminin ayə və rəvayətlərdə bəyan olunan xüsusiyyətləri həmin aləm haqqında səthi bir təsəvvür yaradır. Həmin aləmlə bağlı həqiqətləri yalnız öz dünyamıza bənzətmələr əsasında təsəvvür edirik. Əslində isə həmin həqiqətləri dərk etmək imkan xaricindədir.
Hədisdə bizim dərk edə bilmədiyimiz bəyanlardan biri də dürr və mirvariddən tikilmiş qəsrlərdir. Adı çəkilən cavahirlər o qədər şəffafdır ki, onlarda heç bir ləkə və düyün müşahidə olunmur. Rəvayətdə uyğun qəsr haqqında deyilənlər bizim düşüncə səviyyəmizdən çox-çox üstündür. Bə’zi rəvayətlərdə behişt evlərinin qızıl və gümüş kərpiclərdən tikildiyi bildirilir. Mə’lumat verilir ki, bə’zi qəsrlərin daxili bayırından görünür. Demək, bu günkü dünyamızda mövcud olan ən müasir tikililər də behişt sarayları ilə müqayisədə qamış komanı xıtırdalır. Behiştin ən sadə qəsrləri dünyanın ən əzəmətli saraylarından minlərlə dəfə üstündür. Behişt qəsrləri arasında fərqli xüsusiyyətə malik bir qəsr də var. Bu qəsrin sakinləri çox dəyərli behişt təamlarından yox, bu təamlardan qat-qat üstün bir hikmətdən ləzzət alırlar. Əgər bir qrup dünya əhli behişt təamlarına çatmaq məqsədi ilə dünyada haram işlər görməmişlərsə, bu qəsrdə olan insanların behişt təamlarında gözü olmamışdır. Əslində behiştin təamları və pak şərabları çox misilsiz ne’mətlərdir. Bu barədə Qur’ani-kərimdə oxuyuruq: "Behişt əhlinin əyinlərində yuxa və qalın ipəkdən yaşıl libaslar olacaq, onlara gümüşdən bilərziklər taxılacaq, Rəbbi onlara pak bir şərab içirəcəkdir.” Onlara gözəl ətirli, pak, ağzı müşklə möhürlənmiş şərab içirdiləcəkdir.”
Kitabın adı: Dost diyarının yolçuları
Müəllif: Doktor Misbah Yəzdi
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6678
Bu gün: 0
