Nəzirə Xanım Türbəsi
XIV əsrə aid tarixi-dini abidə olan Nəzirə xanım türbəsi
Masallı rayonunun Hişkədərə kəndində yerləşən böyük
ziyarətgahlardan biridir. El arasında bu ziyarətgaha "İmamzadə”
və "Nəzirə xanım ocağı” deyilir. Rəvayətə görə burada İmam
Museyi-Kazımın qız nəvələrindən biri olan Nəzirə xanım dəfn
edilmişdir. Nəzirə xanım təqiblərdən yaxa qurtarmaq üçün Azərbaycana
pənah gətirən Əhli-beyt nümayəndələrindən biridir. Bu
ziyarətgah uzun əsrlər boyu xalqın inanc yerinə çevrilmişdir.
Sovetlər dönəmində bir çox tarixi-dini abidələrimiz kimi ziyarət-
Məqalələr toplusu
119
gah da dağıdılmışdır. Lakin yerli əhalinin dini dəyərlərə olan
hörməti nəticəsində sonralar yenidən bərpa edilmişdir.
Son illərdə isə kəndin xaricdə yaşayan imkanlı şəxslərindən
biri ziyarətgahı yenidən qurmuş, milli memarlıq üslubunda
yeni bina-türbə inşa olunmuş, ziyarəgahın həyəti abadlaşdırılmış,
yüzlərlə agaç əkilmiş, ziyarətə gələnlər üçün xüsusi
qurbangah və xeyir-şər evi inşa edilmişdir. Hər cümə axşamı
burada ətraf bölgələrdən olan insanlar üçün ehsan süfrəsi açılır,
dualar oxunur. Bu ziyarətgahda fəaliyyət göstərən dini icma
nümunəvi dini icmalardan biridir. İcmanın sədri bu ziyarətgahı
himayəsinə götürən xeyirxah insanın atası Nəriman Qafarov təmiz
ürəklə, saf niyyətlə, Allah naminə ziyarətgahda xidmət göstərir.
Xalqın sınanmış inanc yeri olan bu müqəddəs məkan
Allahdan arzu və istəklərinin yerinə yetirilməsi üçün vəsilə yerinə
çevrilmişdir. Xüsusilə Məhərrəm ayında, Aşurada ziyarətgaha
minlərlə insan gəlir. Ziyarətgaha gələnlərin arasında bölgə əhalisi ilə
yanaşı, ölkənin müxtəlif yerlərindən təşrif buyuran insanlar da olur.
Kitabın adı: Azərbaycan və Əhli-beyt irsi
|
Mətndə qramatik səhv var? Onu siçan ilə seçin və
"Ctrl+Enter" düyməsini sıxın (Savab qazanmağa çalışın) |
Bilgilendirme
Yorum Ekleyebilmeniz için Sitemize Kayıt Olmanız Gerekmektedir.