Xalqın əli ilə haqqın xar olması
Agah olun! And olsun Allaha! Mən sizi rahat və başağrısız yaşayışa meyl etmiş halda görürəm. Rəhbərlik mənsəbinə layiq olan şəxsi öz məqamından uzaqlaşdırıb rahatlığı qəbul etdiniz. Geniş yeri qoyub darısqal bir yerə pənah apardınız. Dindən üz döndərdiniz,qoruduğunuz şeyləri,uzağa atdınız və asanlıqla yediyinizi geri qaytardınız.
Əgər siz və yer üzündə olan şəxslər hamısı kafir olsa, Allah-təalanın onlara heç bir ehtiyacı yoxdur. Allah şükür olunmuşdur. Sizdən qabaqkı şəxslərin, Nuh, Ad və Səmud qövmlərinin və onlardan sonra gələn qövmlərin xəbəri (hadisəsi) sizə çatmayıbmı? Allahdan başqa heç kim onların başına gələn hadisəni bilmir. İlahi elçilər dəlil və sübutlarla o qövmlərə sarı gəldilər. Amma onlar əllərini ağızlarına qoyub dedilər:
Biz,o şeylər ki,siz onun üçün (onu bizə çatdırmaq üçün) göndərilibsiz, qəbul etmir və kafirik. Biz,siz dəvət etdiyiniz şeylərə şəkk edirik.
Peyğəmbər qızını xar edən şəxsə ar və əzab olacaq
Hər nə lazım idi,mən dedim. Halbuki, bilirəm kömək etməmək sizin vücudunuzu bürüyübdür və vəfasızlıq bir paltar kimi sizin qəlblərinizə geyindirilibdir. Amma bu sözlər canım boğazıma yığıldığına görə idi.Bu ahları qəzəb atəşini söndürmək üçün çəkdim. Bu sözlər dayanacaq yerimin sustluyu idi, ürəyimdə daha gizlədə bilmədiyim qəm-qüssələrim idi və son sözümü deyib,vəzifəmi tamamlamaq istəyirdim.
Bəs xilafət dəvəsini tutun. Dəvənin yəhərini bir ip ilə onun qarnına möhkəm bağlayın! Halbuki o dəvənin beli yaralanıb, sümükləri sınıb, ayaqları zəifləyib ayaqlarının ortası nazikləşib və onun eybi həmişə qalacaq. (O dəvə) Allahın qəzəbi və əbədi ar ilə nişanlanmışdır və həmişə Allahın atəşi ilə işiqlanıbdır. O, elə bir atəşdir ki,qəlblərə təsir edir.
Hər nə iş görsəniz Allahın yanında qorunub saxlanılacaq. Tezliklə zülm edən şəxslər hara gedəcəklərini başa düşəcəklər.
Mənbə: "Fatimə Zəhra (s.ə) xütbəsi" kitabı
|
Mətndə qramatik səhv var? Onu siçan ilə seçin və
"Ctrl+Enter" düyməsini sıxın (Savab qazanmağa çalışın) |
Bilgilendirme
Yorum Ekleyebilmeniz için Sitemize Kayıt Olmanız Gerekmektedir.