Əli (ə) risalətin təbliğində
Allah-təala həzrəti Muhamməd (s)-ın bərəkəti vasitəsi ilə sizi xilas edənə qədər bu vəziyyətiniz davam etdi. Peyğəmbər (s) sizi xilas etmək üçün, kafir pəhləvanların, ərəb canavarlarının və inadcıl yəhudilərin əlində giriftar oldu. Onlar döyüş atəşini alışdırarkən, Allah onu söndürdü. Zəlalətin davamçılarının qüdrəti qarşısında və ya müşrik düşmənlər sizi məhv etmək istəyəndə Peyğəmbər (s) öz qardaşı Əli (ə)-ı onlarla mübarizə etmək üçün göndərərdi. Əli (ə) onları məğlub etməyincə və alovlandırılmış atəşlərini söndürməyincə geri qayıtmırdı.
O, (yəni Əli (ə)) Allah yolunda çətinlik və müşküllərə dözən bir şəxsiyyət idi. Əli (ə) bu yolda həmişə mətin idi. O, Peyğəmbər (s)-ha ən yaxın olan şəxs və Allah dostlarının ağası idi. Allah yolunda çalışır, hər bir əziyyətə və danlağa dözürdü. Siz isə o zaman sakit və rahat yaşayışda idiniz. Ləzzətli yemək yeyib, təmiz su içirdiniz. Bizlərə bəlanın yetişməsini gözləyirdiniz. Qızğın döyüş zamanı kənara çəkilir və ya döyüşdən qaçırdınız.
Fatimə Zəhra (s.ə) xütbəsi
Peyğəmbər (s)-ın vəfatından sonra camaatın rəftarları.
Elə ki, Allah-təala Peyğəmbər (s) üçün peyğəmbərlik məqamını seçdi və ona vədə verdiyi şeyləri sona çatdırdı, sizin iki üzlülükdən doğan kin və düşmənçiliyiniz aşkar oldu. (Sizin gözlərinizdə) Dinin paltarı köhnəlib, sümükləri zəiflədi. O zəif qüdrət məhv oldu. Susmuş azğınlar dilə gəldilər. Adsız zəlillər aşkar oldular. Batil əhlinin qəbul etdiyi şəxs səsləndi və sizin aranızda qüdrət göstərməyə başladı.
Şeytan gizləndiyi yerdən baş qaldırıb sizi özünə tərəf dəvət etdi. Gördü ki, siz onun dəvətini qəbul edirsiniz və sizi aldada bilər. Ona görə də sizi haqqın əleyhinə qalxmağa çağırdı. Şeytan sizin, haqqın əleyhinə qalxmağınızı və onun dəvətini bu tezliklə qəbul etməyinizi gördü. Haqqın əleyhinə qəzəbləndirərkən sizi qəzəbli halda gördü. Sonra siz başqasının dəvəsini özünüz üçün nişanlayıb, onu özünüz üçün malik olmadığınız suyun başında hazır etdiniz.
Bu hadisələrin hamısı hələ qəlblərin yarası sağalmamış və Peyğəmbər (s) dəfn olunmamış baş verdi. (Hiylə və yalan ilə camaatı aldatdınız ki, güya sizin Səqifədə olmağınız fitnənin qarşısını almaq üçündür. ) Fitnə yaranmasından qorxmaq bəhanəsi ilə, surətlə işə başladınız. Amma bilin ki, özünüz fitnəyə düşdünüz. Cəhənnəm kafirləri hər tərəfdən əhatə edəcək.
Bu işlər sizdən uzaq idi. Necə belə bir iş görməyə razı oldunuz? Haraya qayıdacaqsınız? Bu halda ki, Allahın kitabı sizin aranızdadır. O, bir kitabdır ki, bütün işləri aşkar, əhkamları nurlu, əlamətləri aydın, nəhy etdikləri şeylərin hamısı bəyan olunmuş və bütün əmrləri (göstərişləri) gün kimi aydındır. Bu cür İlahi kitaba arxa çevirdiniz. Vay olsun sizə! Ondan üz çevirmək və ya onda olmayan bir şeyə hökm vermək istəyirsiniz? Zalımlar üçün ən pis məkan vardır. Hər kəs İslam dinindən başqa bir dini seçsə, ondan qəbul olunmayacaq. Axirətdə də ziyan edənlərdən olacaq.
Fitnə sakit olana qədər gözlədiniz. Sonra fitnəni şölələndirib hiyləgər şeytanın nidasını qəbul etdiniz. Daha sonra sinin nurlarını söndürüb, Peyğəmbərin (s)-ın qayda-qanunlarına etina etmədiniz. Zahirdə dinin tərəfini saxlayır, batində isə öz xeyrinizə çalışırsınız. Əhli-beyt və onun övladlarına qarşı hiylə ilə rəftar edirsiniz. Biz, sizin əziyyətlərin müqabilində, bədən üzüvləri böyük bir bıçaq ilə tikə-tikə doğranan və iti nizə bədəninə batırılmış bir adam kimi səbr edirik.
Mənbə: "Fatimə Zəhra (s.ə) xütbəsi" kitabı
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6704
Bu gün: 0
