Necə dua etmək barədə Məsumların (ə) göstərişləri
İmam Cəfər Sadiq (ə) buyurub:
"Əgər sizlərdən biri istəklərinin yerinə yetməsini istəyirsə, xalqın hamısından naümüd olmalı və Allahdan başqa heç bir kəsə ümüdvar olmamalıdır. Belə olduqda və Allah-təala onun qəlbində belə bir haləti gördükdə, onun Allahdan olan bütün istəklərini həyata keçirər." (Vəsailuş-şiə)
Bir nəfər Həzrət Peyğəmbər (s)-a ərz etdi:
İstəyirəm ki, duam qəbul olsun.
Həzrət buyurdu:
"Yeməyini paklaşdır və haram (tikəni) qarnına getməməsi üçün çalış."
İmam Cəfər Sadiq (ə) buyurdu:
"Dua edərkən öz qəlbini Allaha tərəf yönəlt və sanki hacətinin qapı ağzında hazır olduğunu güman et."
Həzrət Peyğəmbər (s) buyurdu:
"Duanızın qəbul olmasına yəqin edən halda dua edin."
İmam Cəfər Sadiq (ə) buyurub:
"Bəni İsraildən olan bir kişi 33 il müddətində dua edərək Allahdan özü üçün bir oğlan övladı istəyirdi."
O duasının qəbul olmadığını gördükdə Allaha xitab edərək dedi:
"İlahi Səndən çox uzaq olduğumu, duamı eşitmədiyini və yaxud mənə yaxın olub duamı eşitdiyini, amma cavabımı vermədiyini bilmirəm(başa düşə bilmirəm)"
Elə bu vaxt bir nəfər onun cavabında dedi:
"Duanın qəbul olmasının sirri dilinin pis, dua edərkən qəlbinin napak və pərişan, niyyətinin isə düz olmamasından ibarətdir. Duanın qəbul olmasını isdəyirsənsə, hər 3 eybi özündən uzaqlaşdır.
Yəni xoş dilli olub qəlbini paklaşdıraraq, Allahdan qəlbən qorx və bir də niyyətini paklaşdır. (Allaha ümüdvar ol)."
Bundan sonra kişi sifarişlərə əməl etmək qərarına gəldi və o göstərişlərə əməl etmək nəticəsində Allah təala ona bir oğlan övlad mərhəmət etdi."
Həzrət Peyğəmbər (s) buyurub:
"Allah-təala qəlb pərişan halda olan və nə dediyini bilməyən (dua edərkən diqqəti yayınıq olan) şəxsin duasını qəbul etməz".
Mənbə: "Mənəvi xəzinələr" kitabı
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6678
Bu gün: 0
