Fitnə-fəsad zamanı nə minilməli beli, nə də ki, sağılmalı əmcəyi bir erkək dəvə balası kimi ol.
*****
Tamah və hərisliyi öz şüarı edən kəs özünü kiçildib. Çətinlik və pərişanlığını bildirən kəs zillət və xarlığa qol qoyub. Dilini özünə hakim edən kəs də xar və zəlil olub.
*****
Paxıllıq ar, qorxaqlıq isə nöqsan və çatışmazlıqdır. Kasıblıq, zirək şəxsi öz dəlil və sübutunu bəyan etməklə lal və dilsiz edər.
*****
Yoxsul öz şəhərində olsa belə, qəribdir. Acizlik bəla və biçarəlik, səbir şücaət, zahidlik sərvət, pəhrizkarlıq (günahlardan uzaqlaşmaq) isə (ilahi əzab qarşısında) qalxandır.
*****
İlahi təqdirə (Allahin yazdığı taleyə) razı olmaq gözəl yoldaşdır. Elm, müqəddəs və əziz bir mirasdır. Gözəl xasiyyətlər təzə və yeni zinətlərdir. Fikirləşmək, təmiz və pak güzgüdür. (Necə ki, güzgüdə insan öz zahiri gözəlliyini və ya qüsurlarını müşahidə edə bilir, fikirləşən şəxs də fikir aynasında işin xeyir və ziyanını görə bilir).
*****
Ağıllı adamın sinəsi, onun sirlərinin xəzinəsidir. Gülərüzlülük və xoş xasiyyətlilik dostluq tələsidir. Çətinliklərə dözüb səbir etmək eyiblərin qəbridir. Özündənrazı qəzəb edən çox olar (çoxlarının qəzəbinə tuş gələr).
*****
Sədəqə xeyirli və şəfaverici dərmandır.Bəndələrin dünyadakı əmmələri Axirətdə gözləri önündə olacaq.
*****
Piylə görən, ətlə danışan, sümüklə eşidən və dəlikdən nəfəs alan insana (bu heyrətləndirici yaradılışa) heyran qalın!
*****
Dünya bir dəstə üz tutan zaman başqalarının məziyyətlərini ( üstün cəhətlərini) müvəqqəti olaraq onlara verər. Arxa çevirdikdə isə, öz məziyyətlərini də əllərindən alar. (Yəni, birisi var-dövlətə və vəzifəyə sahib olduqda yaltaq dünyapərəstlər, həmin şəxs üçün üstün cəhətlər uydurarlar. Elə ki, var-dövlət və vəzifəsi əlindən çıxar, hətta sahib olduğu üstün cəhətləri belə unudulur.
*****
Düşmənini ələ keçirdiyin zaman onu bağişlamağı, qalibiyyətinin şükrü et.
*****
İnsanla elə qaynayıb-qarışın (rəftar edin) ki, əgər həmin halda ölsəniz, sizə ağlasınlar və əgər sağ qalsanız, sizinlə ünsiyyətdə olmağa can atsınlar.
Mənbə: "İmam Əli (ə) xatirələri" kitabı.
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6678
Bu gün: 0
