Əli
yay tətilini babasının yanında keçirməyə gəlmişdi. Əli babasını çox
istəyirdi və onun elədiyi hər şeyi təkrar edirdi. Babasının hər səhər
tezdən mətbəxdə Quran oxuduğunu görən Əli bir gün soruşdu: "Baba, mən də
səni kimi hər gün Quran oxumaq istərdim. Amma oxuduğumu onsuz da başa
düşmürəm, yadımda da qalmır. O zaman mənim Quran oxumağımda nə fayda
var?
Babası Əliyə gülümsəyib ona kömür saxladığı səbəti verdi:
"Al bu səbəti, get mənə çaydan su gətir."
Əli
babası dediyi kimi etdi. Amma o, evə çatana qədər bütün su axıb
getmişdi. Babası güldü və dedi: "Gərək gələn dəfə bir az cəld
tərpənəsən." Əli səbəti götürüb yenidən çaya tərəf qaçdı və qaça - qaça
geri döndü. Amma səbətdə yenə də su qalmamışdı. Taqətdən düşüb Əli
babasına dedi ki, səbətdə su gətirmək mümkün deyil və əvəzinə vedrə
istədi. Babası, "Mən səndən bir vedrə su istəmədim, bir səbət su
istədim. Sən su gətirmək istəmirsən" – dedi və qapının yanına çəkilib
kənardan nəvəsinə baxdı. Əli bilirdi ki, səbətdə su gətirmək mümkün
deyil, amma o babasına göstərmək istəyirdi ki, o nə qədər qaçsa da,
səbətdə su qalmayacaq. O, bir daha su dalınca qaçdı və təngənəfəs səbəti
babasının yanına gətirdi: "Bax, görürsən baba, mənasızdır."
"Sən düşünürsən ki, bu mənasızdır? Onda səbətə bax!"
Əli səbətə baxıb indi fikir verdi ki, səbət elə bil təzədir. Kömürdən qap qara olmuş səbətin içi və çölü təmizlənmişdi.
"Budur,
oğul. Sən Quran oxuyanda da belə olur. Ola bilər sən çox şeyi başa
düşməyəsən, amma oxuduqca dəyişəcəksən, həm daxilin həm xaricin. Hər
dəfə oxuduqca yenidən anlayacaq və təmizlənəcəksən. Bu Allahın Sözüdür,
və Allah bu kitabla bizə təsir edir. Oxuduqda da, hər hərfi üçün on
həsənət – saleh əməl yazılır."