❀⊱╮Xanımlar,Bayramımız Mübarək olsun╰⊰❀

Bu gün bəşəriyyət üçün çox şərafətli bir gündür. Xanımlar xanımı, bəşəriyyətin ən üstün qadını, Hz.Məhəmmədin (s.ə.v.v)gözünün nuru, qəlbinin meyvəsi olan Xanım Fatimeyi Zəhra(s.ə)-nın mübarək Mövlud günüdür.Başda İmam Zaman (əccələllahu fərəcəhu şərif) Həzrətləri olmaqla bütün dünya müsəlmanlarını, bütün Zəhra (s.ə) balalarını (seyyidləri) və Xanım Zəhra (s.ə)-nı özünə ana bilən hər kəsi bu mübarək mövlud münasibətilə səmimi qəlbdən təbrik edir, sizə bu günün feyzindən lazımınca bəhrələnməyi arzu edirik. Allah-Mütaəldan hər birinizə bu dünyadaXanımın ziyarətin, axirətdə isə şəfaətin nəsib etməsini arzu edirik. Müsəlman dünyasında əgər ki, “Qadınlar Bayramı” –adında bir gün bayram kimi elan ediləcəksə, məhz bu gün elan edilməlidir, çünki bəşəriyyətin ən üstün Qadını məhz bu gün dünyaya göz açaraq, dünyanı gəlişi ilə zinətləndirmiş və Allahın qadına verə biləcəyi ən yüksək dəyərləri özündə cəm edərək kamil qadın nümünəsin bütün bəşəriyyətə göstərmişdir. Bu münasibətlə bütün Müsəlman Xanımları “Qadınlar Günü” münasibətilə təbrik edir, onlara Xanım Zəhra (s.ə)-nın layiqli ardıcılları olmağı arzu edirik!

Fatimə sənə qurbandı canım ,
Allaha əzizsən ismətli xanım .
O qədər əzizsən bütün cahanı ,
Sənə xatir etdi inşa Zəhra .

Siz olmasaydız aləm olmazdı ,
Həvva olmazdı Adəm olmazdı.
Siz Əhli-Beytə eyləyibdi əta,
Nurundan Haqqu-Təala Zəhra .

Sən idin səadəti Peyqəmbərin , ( ə )
Sən qızıydın Həzrəti Peyqəmbərin .
Baxdı nurlu gözlərlə gözlərinə ,
Sən anamsan dedi Mövla Zəhra .

Sən idin onun tükənməz ümidi ,
Ali sevdayla sənə bağlı idi .
Mən heç vaxt inanmaram ki sığışa ,
Iki dünyaya o sevda Zəhra .

Tanri nurundan əta etdi sənə ,
Etdi imdan dili Zəhra deyənə .
Səni pak pakizə xəlq etdi Xuda ,
Var bunun özündə məna Zəhra .

Hüseyin ( ə ) və 72 şühəda ,
Canların İslama etdilər fəda .
İmam Hüseyin ( ə ) şəhadəti ilə ,
Müqəddəs oldu Kərbəla Zəhra .

İsmin Allahdan ətadır ,
Bu ismi verən Xudadır .
Sənə canımda fədadır ,
Ya Zəhra , ya Zəhra .

Qalmışıq biz yenə sənsiz ,
Gözlər ağlar sənə sənsiz .
Nə gərəkdir bizə sənsiz 
Axı dünya Zəhra .

Qəlbinin parçasıdır Hüseyni ( ə ) sən ,
Dünyaya mərd gətirdin onları sən .
Onların şəninə söz söyləməyə ,
Azdı bu bir neçə misra Zəhra .

Hz. Peyğəmbər (s): Ya Fatimə, Allah sənə salam göndərəni bağışlar!

Əllahummə səlli əla Fatimətə və əbiha və bəliha və bəniha, ədədə ilmillah, zinətə ərşillah, baqiyətən bi bəqaillah, daimətən bi dəvami mulkillah, ədədə ma xələqə və ma yuxləq, vəl-ən əədaəhum kəzalik.

Allahım, Fatiməyə, onun atasına, həyat yoldaşına, iki oğluna Allahın elmi qədər, Allah ərşinin ağırlığı qədər, Allahın sonsuzluğu qədər davamlı, Allahın səltənəti davam edənədək, yaradılmışlar və gələcəkdə yaradılacaqların sayı qədər rəhmət göndər və onların düşmənlərini Öz rəhmətindən uzaqlaşdır...