Ey Kə’bə evində göz açan insan, 

Gövhərsən, cisminin sədəfi Məkkə. 

Kə’bədə mövludun heyrət doğurdu, 

Haqqın evi saldı üstünə kölgə.

Əli əleyhissalam aşiqlərinə Allahın salamı olsun. Bu gün möminlərin əmiri, İslamı ilk qəbul edən şəxs, əziz peyğəmbərimizin (s) qardaşı, İslamın sütunu, qiyamətədək bütün bəşəriyyətə öndər olan Həzrət Əli (ə) mövlud günüdür. O elə bir dahi şəxsiyyət olmuşdur ki, Allah onun Xəndək müharibəsində vurduğu bir zərbəni bəşəriyyətin ibadətindən üstün bilmişdir. Hz. Əli (ə) möminlərlə mehriban, kafirlərə qarşı isə sərt idi. Bütün ömrü boyunca əməllərində İlahi rizayəti öndə tutmuşdur. Allahın

əmrlərindən çıxmamış və İslam üçün malından, canından keçmişdir. Kəlamları hər biri bəşəriyyətə dərs verəcək qədər təsirli, sürdüyü həyat yolu möminlərə nicat, haqq yolu olaraq qalmışdır. Bu gün bayram günüdür. Sizləri əziz Peyğəmbərimizdən (s) sonra bəşəriyyətin ən əşrəfi, Allah evində dünyaya gələn və Allah evindəcə də İlahiyə qovuşan, «Elm şəhərinin qapısı», Zülfüqar sahibi, kamillik təcəssümü - Əmirəlmö’minin Həzrət imam Əlinin (ə) mübarək

mövludu münasibətilə təbrik edirik! Mövlud bayramınız mübarək! Bu müqəddəs mövlud münasibətilə cəmi müsəlmanları, haqq aşiqlərini və ən əsası zamanımızın imamı olan İmam Zamanı (ə.f.) təbrik edirik. ALLAH hamınıza o insanın dünyada ziyarətin, axirətdə isə şəfaətin nəsib eləsin. ALLAH sizə Əlinin (ə) xanımı kimi xanım, övladları kimi övlad nəsib etsin. Sizə Əli (ə) kimi yetim haqqını qoruyan biri olmağı arzu edirəm. ALLAHdan sizə və

 yaxınlarınıza İmam Əli (ə) şücaəti, Əli (ə) rəhmi və Əli (ə) səbri əta etməsini diləyirəm. Uca Allahdan hər birimiz üçün, xalqımız üçün, bütün ümmət üçün Əli şücaəti, Əli kamilliyi, Əli dönməzliyi, Əli mətinliyi, ən əsası da Əli (ə) kimi yalnız Allaha tapınmağı diləyirik! Uca Allah bu işdə hər birimizə tofiqlər inayət etsin, inşAllah! 

P.S Bugün iki rukət namaz qılıb Əmirəl-Möminin (ə) ruhuna hədiyyə etməyi unudmayaq inşallah...

Dünyavi həyatından min neçə yüz il keçmiş
Vücudun hər an edir bizləri heyran, Əli can 

 Cəlb edib diqqəti dünyaya qədəm qoyduqda
Sənə heyrətdə qalıb dost ya da düşman, Əli can 

Özünün parlaq həyatı, əzəmət cazibəsi
Bəşəriyyəti edib vurğunu hər an, Əli can 

Vücudun hər kəsə, eşqi doğuran sirlərini
 Yenə də qalmadadı bizlərə pünhan, Əli can

Özü övliyadı, peyğəmbərin haqq canişini
Əsl örnəkdi bizə, adına qurban, Əli can 

Rəsulun qayğısını, həm də görüb tərbiyəsin
Sənə peyğəmbər olub candan əziz can, Əli can 

Büsbütün fəzilətlər mənbəyi, meyarı odur
 Səni axtaran tapar, dərdinə dərman, Əli can 

Nökərinin nökəri olmağa səy göstərirəm
Edirəm mən sənə öz eşqimi elan, Əli can 

Əli can, son nəfəsimdə başımı al dizinə
O çətin gündə məni qoyma nigaran, Əli can 

https://www.youtube.com/watch?v=OxdYhFAl69c