İmam Əli (ə) və birinci xəlifənin siyasi çətinlikləri
Peyğəmbər (s)-in öz dostlarının və səhabələrinin hüzurunda Əmirəl-möminin Əli (ə)-ı hərtərəfli şəkildə təqdim etməsi nəticəsində Əli (ə) o həzrət vəfat edəndən sonra elmi və ideoloji baxımdan ümmətin müraciət yeri kimi tanındı. Hətta Peyğəmbər (s)-in vəfatından sonra Əli (ə)-ı xilafətdən kənarlaşdıran şəxslər belə, elmi, əqidəvi və hətta siyasi müşküllərdə ondan kömək istəyirdilər. Xəlifələrin Imam (ə)-dan kömək istəmələri qəti və danılmaz tarixi məsələlərdəndir və onların saysız-hesabsız qəti dəlilləri vardır, heç bir insaflı adam onu inkar edə bilməz. Bunun özü göstərir ki, Əli (ə) ümmət içərisində kitab, sünnə, üsul, füru və islamın siyasi məsələlərində hamıdan artıq agah (ələm) idi.
Indi isə hər xəlifənin Əli (ə)-dan elm, siyasət barəsində kömək istəmələrindən bir neçə nümunəni qeyd edirik:
Əbu bəkrin elmi və siyasi müşkülləri və Əli (ə)
Birinci xəlifə siyasət, əqidə və təlim, Quran təfsiri və islam hökmləri kimi məsələlərdə Əli (ə)-a müraciət edərək onun göstərişlərindən tam şəkildə bəhrələnirdi. Burada bəzi nümunələri qeyd edirik:
Kitabın adı: Vilayət günəşi (birinci cild)
Müəllif: Ayətullah Cəfər Sübhani