Rəbbim, Sənə sığınıram
(Qurani-kərimə istinadən)
Gecəni örtüb bürüyən qaranlığın şərindən,
Paxıllığı tutan zaman bir paxılın şərindən,
Bəd nəzərlə baxanda bədxahın nəzərindən,
Düyünlərə üfürən qadınların şərindən
Rəbbim, Sənə sığınıram,
Rəbbim,Sənə sığınıram.
Qurani-Kərin oxudum ,vaqif oldum dərindən,
Siratəl-Müstəqim tutdu bu yolda əllərimdən.
Oxudum,öyüd aldım Onun ayələrindən
Bəşərə düşmən olan o Şeytanın şərindən
Rəbbim, Sənə sığınıram,
Rəbbim, Sənə sığınıram.
Haqqa tutdun üzümü imanı kamil edən
Qəlbi nura boyayan o ilahi sevgidən
Doymadım səhər-axşam öydüm onu ürəkdən
Bər-bəzəkli dünyada nəfsə boyun əyməkdən
Rəbbim, Sənə sığınıram,
Rəbbim, Sənə sığınıram.
O bir Qiyamət günüdür ürəkləri titrədən!
O bir Surun səslənişi qulaqları kar edən!
O bir hesab günüdür ki ölüləri dirildən!
O Qiyamət saatında qaralacaq bir üzdən
Rəbbim, Sənə sığınıram ,
Rəbbim, Sənə sığınıram.
Rəbbim, Sənə sığınıram.
Müəllif: Tamara Rüstəmova Şirvan şəhər 21 saylı məktəbin müəllimi