Əli can

Keçirir mövludunu cümlə-müsəlman, Əli can

Sənə aşiqdi bütün Azəribaycan, Əli can

Dünyavi həyatından min neçə yüz il keçmiş

Vücudun hər an edir bizləri heyran, Əli can

Cəlb edib diqqəti dünyaya qədəm qoyduqda

Sənə heyrətdə qalıb dost ya da düşman, Əli can

Özünün parlaq həyatı, əzəmət cazibəsi

Bəşəriyyəti edib vurğunu hər an, Əli can

Vücudun hər kəsə, eşqi doğuran sirlərini

Yenə də qalmadadı bizlərə pünhan, Əli can
Təki görsün bir anın arzu, ürəklərinə salıb

Tədqiqatçı neçə alim, neçə insan, Əli can

Özü övliyadı, peyğəmbərin haqq canişini

Əsl örnəkdi bizə, adına qurban, Əli can

Rəsulun qayğısını, həm də görüb tərbiyəsin

Sənə peyğəmbər olub candan əziz can, Əli can

Büsbütün fəzilətlər mənbəyi, meyarı odur

Səni axtaran tapar, dərdinə dərman, Əli can

Nökərinin nökəri olmağa səy göstərirəm

Edirəm mən sənə öz eşqimi elan, Əli can

Əli can, son nəfəsimdə başımı al dizinə

O çətin gündə məni qoyma nigaran, Əli can