Bu da bir Allahın nemətidir ki, Mən Əli yolunu gedənlərdənəm.
Dünyaya gözümü açandan bəri, Qürurla ya Əli deyənlərdənəm. Bu da bir Allahın nemətidir ki, Mən Əli yolunu gedənlərdənəm.
Əlinin sevgisi yaşıyır bu gün. O olub elmdə hamıdan üstün. Eşqini qəlbimə saldığı üçün. Allaha həmd-səna edənlərdənəm. Mən Əli yolunu gedənlərdənəm.
"Hüseyni sevəni Allah da sevər." Bunu ümmətinə dedi Peyğəmbər. Kəsilmiş başıyla o çaldı zəfər. Hüseynə göz yaşı tökənlərdənəm. Mən Əli yolunu gedənlərdənəm.
Şiə haqsızlığa susub əyilməz. Susdusa müsəlman ona deyilməz. Heç kimsə yolumdan döndərə bilməz. Həsəni, Zəhranı sevənlərdənəm. Mən Əli yolunu gedənlərdənəm.
Günahkar bəndəyəm etmərəm qürur. Əhli-beyt sevgisi gözlərimdə nur. Bir kəs gözləyirəm eyləsin zühur. Mehdi həsrətini çəkənlərdənəm. Mən Əli yolunu gedənlərdənəm.
Allahın müsəlman bəndəsiyəm mən. Həzrəti Muhəmməd sünnəsiyəm mən. Nüsrətəm Əlinin şiyyəsiyəm mən. Zəfəri vəhdətdə görənlərdənəm. Mən Əli yolunu gedənlərdənəm. Mən Əli yolunu gedənlərdənəm.