Öz dərdini çək, dünya qəminə batma
Öz hayımıza qalmalıyıq, qıraq qəmlər bizi udmamalıdır. Öz halımıza rövzə oxumalıyıq.
Ayətullah Pəhləvaninin (rh) ömrünün son vaxtlarında onun xidmətinə getdim. O, evin qapısının ağzında otururdu. Ömrünün son vaxtlarında çox zəifləmişdi və gözlərinin işığı azalmışdı. Ürək ağrıları var idi. Həkim demişdi ki, ürəyinin 25 faizi işləyir. Onu bu vəziyyətdə görəndə narahat oldum və ağladım. O dedi: "Öz dərdini çək, dünya qəmi nədir?!” Sonra dedi: "Mənim üçün ağlama, mən öz işimi görmüşəm və indi artıq gedirəm. Amma nəsihət edirəm ki, özün üçün qüssə çək. Nə qədər gözəldir ki, insan öz həqiqəti, əbədiyyəti, adam olması və mənəvi kamallara çatmaq üçün qüssə çəksin. Haqqın vüsalına yetişmək üçün qüssə, sərmayədir”.
Bir nəfər Rəsuli-əkrəmin (s) xidmətinə gəlib dedi: Arvadım mənə çox diqqət yetirir. Evdən çıxanda səfərə çıxırmışam kimi məni ötürür, qayıdanda görürəm ki, qapının ağzında yolumu gözləyir. Evdə mənimlə çox səmimidir. Narahat olsam deyir: Kişi! Nə qədər hüzünlüsən! Əgər ruzi qəmi çəkirsənsə, qəm yemə. Çünki Allah Özü rizi yetirməyi öhdəsinə alıb.
"Yer üzündə yaşayan elə bir canlı yoxdur ki, Allah onun ruzisini verməsin”( "Hud” surəsi, ayə 6) Böyüklərdən birinin təbirincə desək, daim təlaşda olan qarışqanın ruzi verəni Allahdır. Gül budağına qonmuş və daim oxuyan bülbülün ruzisini də verən Allaahdır. Bizim bu ayəyə imanımız zəifdir. Allah bu qədər nəsihət edir, amma biz yenə də ruzi dərdi çəkirik.
Əgər axirət qüssəsi çəkirsənsə, ümidvaram bu qüssən həmişəlik olsun.
Peyğəmbər (s) buyurdu: "Bu qadın Allahın yer üzündə xidmətçilərindəndir”. Tövhid xidmətçisi! "Onun üçün şəhidin əcrinin yarısı verilər”("Mən la yəhzəruhul-fəqih”, c. 3, səh. 389.)
Tövhid qəmi çəkmək çox yaxşıdır. Peyğəmbər (s) buyurur: "Allah hər bir hüzünlü qəlbi sevir”("Kafi”, c. 2, səh. 99.)Yenə buyurur: "Ey Əbazər! Allah uzun-uzadı hüzndən üstün heç bir ibadətlə ibadət olunmayıb”.
Allah bəzən insanı qəmə düçar edir ki, Onu çağıraq. Bu rəvayətə görə heç bir ibadət uzun sürən hüzn qədər üstün deyil. Həqiqət üçün qüssə çəkəsən və həmişə ürəyində rövzə məclisi qurasan. Yenə buyurur: "Ey Əbazər! Hər kim ağlaya bilirsə, ağlasın”. De ağlasın.
Nə olar ki, hər gecə bir damla göz yaşı Allaha təqdim edək?! Yalnız bir damla! Ən azından kipriklərini islat.
Peyğəmbər (s) başqa hədisdə yerə buyurur: "Əgər ağlaya bilmirsənsə, hüznü qəlbinə daxil et ki, ta hiss etsin. Ya qəlbinin şüarı hüzn olsun və özünü ağlamağa vur”. "Qəsavət bağlamış qəlb Allahdan uzaqdır, amma başa düşmürsünüz”("Məkarimul-əxlaq”, səh. 462.)
Qəsavət bağlamış qəlb tövhid dairəsindən qıraqdır. Ona görə də rəvayətdə gəlib: "Peyğəmbər (s) daim fikirdə idi”, "qəmləri bir-birinin ardınca idi”.
"Möminin üzündə təbəssüm var, amma qəlbində hüzn” ("Biharul-ənvar”, c. 66, səh. 410 Əgər zahirdə zikrlə məşğul olmadınsa, gərək daxilində qovğa yaransın. Seyri-süluk elə budur. Daim daxilində nalə etməlisən, Allah, Allah deməlisən ki, cavab gəlsin: "Ləbbeyk, ey Mənim bəndəm, ləbbeyk”.
Hazırladı: Füruği-Tövhid Təhqiqat Qrupu
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6677
Bu gün: 0
