Oruc insana bərabərlik dərsi verir. Çünki, oruc tutan şəxs ac qalmaqla və aclığın çətinliyini hiss etməklə istər-istəməz imkan dairəsində aclara və imkansızlara yardım etməyə çalışacaq. Buna aid hədis də var. Hişam ibn Həkəm İmam Sadiq əleyhissalamın belə buyurduğunu nəql edir: "Allah orucu varlı ilə yoxsulun bərabərləşməsi üçün vacib etdi.”   Belə bərabərləşmənin müxtəlif yozum və təfsiri ola bilməsi təbidir. O cümlədən:

-Allah-taalanın əmrinə itaət etməkdə varlı ilə yoxsulun fərqi yoxdur.

-Allahın verdiyi qanun ilə insanların yazdığı qanun arsında fərq bundan ibarətdir ki, varlılar ac qalmaqla yoxsulların halını daha yaxşı hiss edə bilər. Buna görə də yardım əllərini onlara tərəf uzadarlar.

      Oruc tutan hər bir müsəlman sələmə pul vermək və almaq, rüşvət verib-almaq, oğruluq, alış-verişdə başqasını aldatmaq və baha satmağın haram olduğunu biləcək. Oruc tutan müsəlmanın istər varlı istərsə də kasıb olsun belə işlərdən uzaq olması təbiidir.

      Demək Ramazanul-Mübarək adlanan orucluq ayının buraxdığı təsirlər də mübarəkdir və həqiqətən insanlar həqiqi insan kimi yaşamağa çalışırlar. Nəticədə ölkələr də sağlam və problemsiz olur.

Kitabın adı: Oruc

Müəllif: Seyyid Kazım Pərpənçi

Redaktor: Mir Cəfər Əyyubzadə