Allahın salamı və rəhməti üzərinizə olsun. Son zamanlar Ateistlik (Allahı inkar edən) məktəblərdə, unveristetlərdə çox yayılıb. Hətta bəzi şiə bacılar və qardaşlar da Ateistlərin sözlərinin təsiri altına düşüb ateist olublar. Mən bunun dəfələrlə şahidi olmuşam, mənim dostum da bu sözlərin təsirinə düşmüşdü. Şükür Allaha gec olmamış səhvini bilib hidayət oldu. Səhv yola düşənlərin səbəbi budur ki, zəif elmlidirlər, başqa məzhəblərə yenə Quranla cavab vermək olur, amma bunlara Quranla subut edəndə onlar deyir: Quran təhrif olunub. Əksinə Quran təhrif olunmayıb, biz bundan öncəki xəbərimizdə subut etmişdik ki Quran təhrif olunmayıb. (Növbəti bəhslərdə buna geniş cavab veriləcək) Bu səhv düşüncələri şeytan qulu olan kəslər yayır ki, cəmiyət də səhv, məntiqsiz düşüncələrə sahib olsunlar. Gərək insan haqq yolu (şiəliyi) tanıyıb, bilsin və nə qədər səhv düşüncəli insanlarla qarşılaşdıqda onlara haqlılığı sübut etsinlər. Bəzi insanlar bilmədiyi halda belə səhv düşüncəli insanlarla qarşılaşdıqda öz məzhəbin subut edə bilmir və qarşı tərəfin təsiri altına düşür. Mən bəhs etməyin qaydasını, kimlər bəhs edə bilər, kimlər bəhs edə bilməz bu haqda "Əli (ə) şiəsi ilə Əhli sünnənin dialoqu 1-ci hissəsin "də məlumat verdiyim üçün artıq indi onları yazmıram. Bu dialoq xəbərimi "Allahsızla Mübahisə" adlı kitaba əsasən hazırlayıram. Bu xəbərim təxmini 16 ya da 17 hissədən ibarət olacaq. Hər hissədə bir suala geniş cavab veriləcək inşallah. Allahım səni and verirəm Əlinin (ə) məzlumiyyətinə kömək ol bu xəbərləri hazırlayım bir daha haqqı isbat edək inşallah. Bu xəbərimi gənc oxucuları yormamaq üçün çox sadə üsulda, elmi terminlərdən istifadə etmədən hazırlayıram. Bu xəbərlərimin təsirli alınmasından ötrü və hidayətlərə vəsilə olmağımızdan ötəri Muhəmməd və ali Muhəmmədə salavat zikr edək.
Əllahummə salli əla Muhəmməd və ali Muhəmməd...
Əli (ə) şiəsi ilə ateistin bəhsi (1 hissə)
Ateist :
Siz təsdiq edirsiniz ki, Allah mövcuddur və deyirsiz ki, hər şeyin yaradıcısı olduğu kimi bizi də yaradan var. Məsələn deyirsiz rəsm varsa, demək rəssam vardır siz belə sübutlarla əsaslanıdırırsız. Deyirsiz Allah yaradıcıdır bunu qəbul edirik. Lakin belə məntiqi suallar olur, Allahın özünü kim törədib? Siz haqqında danışdığınız Allahı kim yaradıb? Bu məsələ haqqında sizin fikriniz nədir və bu suallara sübut kimi hansı dəlilləri gətirə bilərsiz ?
Əli (ə) şiəsi:
Hər bir məlumatın öz ixtiraçısı var, hər bir xilqətin öz yaradıcısı var və hər canlı vücudun öz yaradanı vardır. Əgər bir parça görürüksə, bu o deməkdir ki, onu toxuyan toxucu var. Rəsmin olması göstərir ki, onu çəkən rəssam var, əgər biz hətta müəllifi məlum olmayan heykəl və ya başqa incəsənət əsəri görürüksə biz demirik ki, onlar öz-özünə yaranmışlar. Zərgər bəzəkləri onu göstərir ki, onları düzəldən zərgər var.
Məntiqi qanunauyğunluğa görə kainatı, onu yaradan qadir Allahın mövcudluğuna ən qüvvətli sübutdur.
Deyirsiz Allahı kim törədib və ya kim yaradıb? və s. bunlar mənasız suallardı. Siz razılaşırsız Allah yaradıcıdır sonra deyirsiz onu kim yaradıb? Siz onu eyni vaxta həm Yaradıcı, həm də Yaradılan kimi göstərirsiniz. Bu isə ziddiyyətli və bir araya sığmazdır. Sizin sualınızın mənasızlığının ikinci bir tərəfi isə ondan ibarətdir ki, sən istəyirsən Yaradıcını onun Özü yaratdığı qanunlara tabe edəsən.
Məntiqin qanunu-Bizim qanunumuzdur, insanların, zamanın və məkanın qanunudur.
Zaman və məkanı yaradan Allah onlardan yuxarıda dayanmalıdır, yəni O, zaman və makan qanunlarına tabe olmamalıdır. Onu zaman, məkan və onların qanunlarına bağlı təsəvvür etmək mümkün deyil. Səbəb qanunları yaradan Allahı bu qanunların tabeliyində hesab etmək olmaz.
Sizin mülahizəniz yay üzərində hərəkət edən oyuncaq mülahizəsinə bənzəyir.
Belə oyuncaq hesab edir ki, onu yaradan insanlar da onun kimi yay köməyilə hərəkət etməlidirlər. Əgər ona desələr ki, insanlar sərbəst hərəkət edir, o, onu əhatə edən bütün varlıqların yay üzərində hərəkət etməsini təsəvvür etdiyindən cavab verər ki, heç bir şeyin sərbəst hərəkəti mümkün deyil.
Siz belə oyuncaqa bənzəyirsiz. Siz Allahın öz-özlüyündə yaradıcısız mövcudluğunu, ancaq ona görə təsəvvür edə bilmirsiz ki, sizi əhatə edən hər bir şeyin Yaradıcıya ehtiyacı vardır.
Dahi alman filosofu İmmanul Kant öz " Təmiz zəkanın tənqidi" kitabında deyir ki, əslində insan zəkası sonsuz dairəli bütün biliklərə yiyələnməyə qadir deyil. Həqiqətən ağıl cisim və hadisələri qismən dərk etmək üçün yaradılmışdır. O, Allahın mövcudluğu kimi hər şeyi əhatə edən bir anlayışı dərk etməkdə gücsüzdür.
Lakin biz Allahı dərrakəmizlə deyil, mənəviyyatımızla dərk edirik.
Susuzluq suyun mövcudluğunu sübut etdiyi kimi, bizim ədalətə can atmağımız da ədalətin mövcudluğuna bir dəlildir. Ədalət yer üzərində yoxdur, o qalib gəlməlidir, bu da ki ancaq o dünyada Ədalət məhkəməsi oladuqda mümkündür.
Sufi alim İbn-Ərəbi "Yaradıcını kim yaradıb" sualını inkar edərək demişdir ki, belə sual ancaq zəif ağıllı adamlarda yarana bilər. Hər bir şeyin mövcudluğuna dəlil Allahdır bu mövcudluğu da Allahın mövcudluğuna sübut axtarmaq olmaz.
"İşıqdır" demək, o demək deyil ki gündüzdür. Bu sadəlövlük olardı. Lakin biz desək ki, "gündüzdür" buradan aydın olur ki,"işıqdır"
Öz kəlamında Allah buyurmuşdur: Mən dəlili Özüm yaradıram, Mənim Özümə isə dəlil yoxdur.
Bu o deməkdir ki, bizim yer kürəsinin, günəşin, ayın mövcudluğu Allahın mövcudluğuna dəlildir. Allah elə bir dəlildir ki, ona heç bir sübut lazım deyil, çünki bu öz-özlüyündə reallıqdır və O, yer üzərində hər bir şeyə sübutdur.
Kainatın sərt və möhkəm nizamında , təbiətin pozulma qanunlarında, dünyanın gözəlliyində, bizi əhatə edənlərdən heç bir şeyin təkrar olunmasında - həyatın gözəlliklərində, ağacların yarpaqlarında, tovuz quşunun lələklərində, kəpənəklərin qanadlarında, güllərin ətrində, bülbülün nəğməsində, şimşək parıltısında, küləyin səsində, insanların mühakimə və əməllərində ulduzların və kainatın qarışıqlı əlaqəsində - kainat adlanan bütün bu gözəl, dahiyanə simfoniyada Allahın mövcudluğu görünür.
Quran bizi belə mübahisələrdən qısa aydın və inandırıcı ayələrlə qoruyur:
" De ki: O Allah birdir, Allah möhtac deyildir. O əzəli və əbədidir. O nə doğmuş, nə də doğulmuşdur. Onun heç bir tayı və bərabəri yoxdur." ( İxlas surəsi 112 surə)
Biz şiə olduğumuza görə axır sözü imamlarımızın hədisləri ilə bitirirəm. Bir nəfər İmam Sadiqə (ə) yaxınlaşdı və dedi: Allahın varlığını necə isbat etmək olar. Mən ümumiyyətlə Allaha inanmıram. İmam (ə) qənaətbəxş bir cavab verdi. İmam buyurdu: "Mənim varlığım Allahın var olmasına dəlildir. Çünki mən mövcudam Allah mütləq şəkildə mövcuddur." O şəxs dedi: Bu axı necə olur? İmam (ə) buyurud: "Ya mən öz-özümü yaratmışam, yəni mən mövcud idim və özümü (sonra) yaratdım. Bu ki, məntiqə ziddir, çünki əgər mən mövcud idimsə, o zaman nə üçün özümü (yenidən) yaratmalı idim? Axı mən artıq mövcud idim. Yaxud mən ümumiyyətlə mövcud deyildim və mövcud olmaya-olmaya mən özümü yaratdım! Yəni yoxluq, varlığa (yaranmağa) səbəb oldu ki, buda məntiqə ziddir." O şəxs dedi mən səhv edirmişəm (yanılmışam) və çıxıb getdi.
İnşallah 2-ci hissədə bu suala cavab verəcəyik.
Niyə siz təsdiq edirsiniz ki, Allah birdir? Niyə Allahlar çox ola bilməz? Belə olduqda onlar arasında vəzifələri bölüşdürmək olardı-biri insanların allahı, o biri heyvanların allahı, üçüncüsü günəşin allahı və s.?
Hər kimin sualı olsa şərhdə yazsın inşallah cavablandırılacaq.
Qeyd: Bütün xəbərlərimi dəyişdirməmək şərti ilə hər kəslə paylaşmanızı halal edirəm. Yaxşı işlərə, hidayətə vəsilə olun...
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6720
Bu gün: 0
