Haramdan doğulan uşağın əlamətləri
İmam Sadiq (ə) buyurdu:
Haramdan doğulmuş uşağın bir neçə əlaməti var:
1. Peyğəmbərin (s) nəsli olan biz Əhli-beytə düşmənçilik edər.
2. Yad qadınlarla kəbinsiz əlaqədə olmağa (zinaya) meyilli olar.
3. Dini yüngül sayar.
4. Camaatla pis rəftar edər.
Deməli, bünövrəsi qanunsuz işlə qoyulmuş şəxsdə, günaha və qanunsuz hərəkətlərə meyl daha çoxdur.
Bu bəhsdən belə nəticəyə gəlirik ki, «irsiyyət qanunu» islam dinində və müasir elmdə isbata ehtiyacı olmayan bir məsələdir. Yə’ni insanın qanunsuz yolla dünyaya gəlməsi onda günaha meylli olmağa və günah işlər görməyə zəmin yaradır.
Ailədə mehribanlıq yaratmaq
Övladın düzgün tərbiyə olunmasında ailədə olan mehribanlıq və səmimiyyət qədər tə’sirli amil yoxdur. Ata və ana övladlarının tərbiyə aldığı mühiti öz mehribanlıqları ilə sağlam saxlamalıdırlar. Çünki uşağın tərbiyəsində birinci şərt, ailənin daxili sağlamlığıdır. Ailədə mehribanlığın yaranması üçün isə birinci şərt ata və ananın bir-birinə qarşılıqlı məhəbbət bəsləmələridir.
İslam Peyğəmbəri (s) buyurur:
خَيْرُكُمْ خَيْرُكُمْ لاَِهْلِهِ وَاَنا خَيْرُكُمْ لاَهْلِي
«Öz ailəsi ilə mehribanlıqla davranan şəxs sizlərin ən yaxşısıdır. Mən özüm də beləyəm (ailəmlə mehriban davranıram).»
Biharül-ənvar kitabında (103-cü cild, 223-226-cı səhifələr) insanın öz həyat yoldaşına məhəbbət bəsləməsi haqqında çoxlu hədislər vardır. Bu hədislərin birində İmam Sadiq (ə) buyurur:
«Bizim dostlarımız o şəxslərdir ki, öz həyat yoldaşlarına daha çox məhəbbət bəsləyirlər».
O həzrət başqa bir hədisdə buyurur:
«Peyğəmbərlərin gözəl xüsusiyyətlərindən biri budur ki, onlar öz həyat yoldaşlarına məhəbbət göstərərdilər».
Bir şəxs Peyğəmbərin (s) hüzurunda ikən dedi:
«Ömrümdə heç vaxt uşaq öpməmişəm».
O şəxs gedəndən sonra Peyğəmbər (s) buyurdu:
هذا رَجُلٌ عِنْدي اِنَّهُ مِنْ أَهْلِ النّار
«Mənim nəzərimcə, bu kişi cəhənnəm əhlidir.»
Yunis ibni Ribat deyir: İmam Sadiq (ə) Peyğəmbərdən (s) belə bir hədis nəql etdi:
رَحِمَ اللهُ مَنْ اَعانَ وَلَدَهُ عَلى بِرِّهِ
«Allahın rəhməti olsun o şəxsə ki, övladına yaxşı işlər görməkdə kömək etsin.»
Mən imam Sadiqə (ə) ərz etdim:
«Yaxşı işlərdə ona nə cür kömək etsin?». Cavabımda buyurdu:
يَقْبَلُ مَيْسُورَهُ وَيَتَجاوَزُ عَنْ مَعْسُورِهِ وَلا يَرْهَقُهُ وَلا يَخْرِقُ بِهِ
«Övladının əlindən gələn qədər işini qəbul etsin, onu bir işə məcbur etməsin və ona axmaq və nadan deməsin».
Qeyd edilənlərdən belə bir nəticə hasil olur ki, övladın düzgün tərbiyəsi onu mə’nəvi və insani dəyərlərə sövq edir. Əksinə onun tərbiyə olunmaması günahın və pozğunluğun qapısını onun üzünə açır.
Kitabın adı: Günahşünaslıq
Müəllif: Möhsin Qəraəti