Aşura səhnəsində üstün həyatın cilvəsi
Bismillahir-rəhmanir-rəhim
Aşura insanın hədəfini bəyan və təfsir etmiş, onu zahir etmişdir. Elə ki, hədəf məlum oldu, insanın həqiqəti və insani həyatın həqiqəti özünü göstərir. Yəni, Aşurada insanın üstün həyatı bəyan olur. İnsanın yaşamalı olduğu ən üstün həyat Aşura səhnəsində təcəssüm etmişdir.
Ona görə də Aşura ziyarətində deyilir:
"اللَّهُمَّ اجْعَلْ مَحْيَايَ مَحْيَا مُحَمَّدٍ وَ آلِ مُحَمَّدٍ وَ مَمَاتِي مَمَاتَ مُحَمَّدٍ وَ آلِ مُحَمَّد"
"İlаhi, həyаtımı Muhəmməd və Аli Muhəmmədin həyаtı kimi, ölümümü Muhəmməd və Аli Muhəmmədin ölümü kimi qərаr vеr". ("Bihar əl-ənvar", c. 98, səh. 292)
Aşura ziyarətində insanın həqiqi istəyi bəyan olunub. İnsan müsibətə qərq olduqdan sonra Allahdan əhli-beytə (ə) verdiyi həyatı istəyir, yəni insanın həyatı orda təfsir olmuşdur.
Namazın təqibində də oxunan duaların birində gəlib:
"اللَّهُمَّ أَحْيِنِي عَلَى مَا حَيِيَ عَلَيْهِ عَلِيُّ بْنُ أَبِي طَالِبٍ (ع) وَ أَمِتْنِي عَلَى مَا مَاتَ عَلَيْهِ عَلِيُّ بْنُ أَبِي طَالِبٍ (ع)"
"İlahi, mənə o həyatı ver ki, Əliyyibni Əbi Talib (ə) onunla diri idi, mənə o ölümü ver ki, Əliyyibni Əbi Talib (ə) onunla dünyadan getmişdir". ("Kamiluz-ziyatat", səh. 45)
Yəni, gününəvvəlindən öz maddi və təbii həyatın üçün yeni fəaliyyətə və işə başlayırsan, həmin əvvəldən gərək öz həqiqi və üstün insani həyatına da diqqət edəsən.
Üstün həyat tövhid sayəsində
Üstün həyat tövid cazibəsinin təsiri altındadır. İnsan o həyata diqqət etməlidir. Tövhid yolunda formalaşmış həyat barəsində deyilir:
"هَلِ الْعَيْشُ إِلَّا هَكَذَا؟!"
"Həyat bundan başqa bir şeydirmi?" ("Əl-kafi", c. 8, səh. 229).
Bəşəriyyət aləmi tövhiddə fani olur. Bu maddi həyat tövhidsiz öz mənasını tapmır.
Batinin fəth edilməsi
Elə ki, insanın həqiqəti zahir oldu, özünün insanlıq gizliliklərini və batinini göstərəcək. İnsanda gizliliklər və sirlər vardır. Lakin batinin bu sir və gizlilikləri açılmır. İnsan öz batininin sirlərini tapmağa çalışmalıdır. Heç özünü kəşf və fəth etmisənmi? İnsanlar özlərindən qıraqda özlərini fəth etmək istəyirlər, amma öz həqiqətlərindən qafildirlər və öz sirlərini kəşf və fəth edə bilmirlər.
Hədisdə gəlib ki, insan zahirdə mücahiddir, amma batində mücahid deyil. Zahirdə fəthə çatmışdır, lakin batində hələ də öz daxili zəxirə və ehtiyatlarını fəth etməmişdir. Gərək əvvəl özünü fəth edəsən. Elə ki, insanın batini fəth oldu, insanın sirr və həqiqəti özünü göstərəcək. Əgər insanın vücudu bu yolda hərəkət etsə, tövhid rəngini və iyini alsa, insanın bütün əməlləri tövhid yolunda və xeyir olacaq. Qurani-kərim buyurur:
"قُلْ كُلٌّ يَعْمَلُ عَلى شاكِلَتِه"
"De: "Hərə öz qabiliyyətinə görə iş görər". ("İsra" surəsi, ayə 84)
Yəni, öz niyyət və hədəfini fəth edə bilmisənmi? Bəşəriyyət aləmindən xaric olub, tövhid aləminə daxil ola bilmisənmi?! Bəşəriyyət aləmini gərək tövhid yolunda fəna edəsən. Bəşəriyyət aləminin fəna olması, yəni dünya ləzzətlərinin mələkut aləmində fəna olması. Sonra cərgəyə daxil olub diyə bilərsən:
"السَّلَامُ عَلَيْكَ وَ عَلَى الْأَرْوَاحِ الَّتِي حَلَّتْ بِفِنَائِك..."
"Sаlаm оlsun sənə və о ruhlаrа ki, sənin qаrşındа təzim еtdilər". ("Bihar əl-ənvar", c. 98, səh. 187)
Hazırladı: Füruği-Tövhid Təhqiqat Qrupu