Aşura səhnəsində üstün həyatın cilvəsi
Bismillahir-rəhmanir-rəhim
Ruhların İmam Hüseynə (ə) qovuşması
"Şəfaus-sudur" kitabının müəllifi yazır: "Ərəb qrammatikası ilə götürsək gərək deyilsin: "və ələl əcsadil-ləti həllət bifinaik". Bəs nə üçün deyilir: "və ələl ərvahil-ləti həllət bifinaik"? Bu ona görədir ki, onlar bəşəriyyət aləmini fəna ediblər və bütünlüklə ruh olublar. Bəşəriyyət aləmi özünü tamamilə unutmuşdur və onların canları həzrətlə Kərbəlaya gəlmişdi".
İmamın (ə) hüzurunda olmaq üçün bəşəriyyət aləmindən əl çəkmək lazımdır. İmama (ə) qovuşan insanın ruhu olur və imam (ə) insanın canı olur. Aləmin qütbü imamdır (ə).
"أَجْسَادُكُمْ فِي الْأَجْسَادِ وَ أَرْوَاحُكُمْ فِي الْأَرْوَاح"
"Cəsədləriniz cəsədlərdə və ruhlarınız ruhlarda". ("Bihar əl-ənvar", c. 98, səh, 132)
Yəni, bütün canların canı sizsiniz! Gərək onların vüsalına çatasan.
İmam Hüseynin (ə) nurani hüzuruna yetişənlərin hamısı can və ruh olublar.
Bəşəriyyət aləmindən xaric ola bilən bir kəs vəhdətə qovuşa bilər. Əgər bəşəriyət aləmindən xaric ola bilməsə, imamla (ə) vəhdətə qovuşa bilməz və "biz əhli-beytdəndir" ərazisinə daxil ola bilməz.
İmam Hüseynin (ə) ziyarətində bir məqamda həm həzrət Əba Əbdillaha (ə) salam verirsən, həm də həzrətin yaxınlığında hülul etmiş ruhlara. Bu yəni, vəhdət!
Rububiyyət, ubudiyyətin nəticəsi
"Əba Əbdillah" ifadəsi ilə xitab edərək salam verirsən. Ya Əba Əbdillah, yəni ey Allahın bəndəsi. Bu imam Hüseynin (ə) künyəsidir və o həzrət uşaq olarkən bu künyə ona verilmişdir.
"مَرْحَباً بِكَ يَا أَبَا عَبْدِ اللَّهِ يَا زَيْنَ السَّمَاوَاتِ وَ الْأَرَضِين"
"Xoş gəlmisən, ey Əba Əbdillah, ey göylərin və yerlərin zinəti". ("Bihar əl-ənvar", c. 36, səh. 205)
Bu kəlam Kərbəlada öz zühurunu tapmışdır. Übudiyyətin batinində rububiyyət yaranımış və Allahın izni ilə aləmdə insanların mürəbbisi, tərbiyəçisi olmuşdur.
Bu müqəddəs zatlar Mütəal Allah tərəfindən bu aləmdə rububiyyət edirlər. Çünki insan, insan olmaq üçün gərək ilahi tərbiyə altında olsun. Bu rububiyyət və tərbiyəni imam və kamil insan öz öhdəsinə almışdır ki, bu vasitə ilə ilahi rububiyyət təcəlla etsin.
İmamlar (ə) bəşəriyyətin atası
Ya Əba Əbdillah! Bəndəlik yolunu getmək istəyən birisinə atalıq edin! İmamların (ə) hamısı bəşəriyyətin atalarıdır. Amma bu imam Hüseyndə (ə) öz zühurunu tapmışdır. Əba Əbdillahın (ə) vücudu ilə ilahi rububiyyət təşri nizamında qaldı. İmam (ə), Kərbəlada xüsusi bir dəstəni özü ilə aparmq üçün onlara atalıq etdi. Allahın izni ilə onları tərbiyə etdi, Allaha tərəf aparmaq üçün onların hamısının mahiyyətini dəyişdi.
Onların hamısı bəşər idilər, lakin ilahi tərbiyə onların hamısını vahid ruh etdi. Hətta, o xristian da qətligahda imamın (ə) surətinə bir neçə anlıq baxmağı ilə bu salama şamil olanlara qoşuldu:
"السَّلَامُ عَلَيْكَ وَ عَلَى الْأَرْوَاحِ الَّتِي حَلَّتْ بِفِنَائِك"
"Sаlаm оlsun sənə və о ruhlаrа ki, sənin qаrşındа təzim еtdilər". ("Bihar əl-ənvar", c. 98, səh. 187)
Onlar bəşəriyyət aləmindən xaric oldular və üstün həyata tərəf yüksəldilər, imam Hüseynin (ə) onda olduğu bir həyata daxil oldular.
Bacarıq odur ki, belə bir həyata yetişək, öz vücudumuzu və xislətimizi belə dəyişək və aləmin yaxşıları ilə ünsiyyət bağlayaq. Bütün insanları hamılıqla üstün həyata daxil etmək üçün onu bu yola hidayət edən Kəbrəla dərsi budur. Kərbəla dərsi öz hidayəti ilə bu salamın insanlara şamil olmasını istəyir:
"السَّلَامُ عَلَيْكَ وَ عَلَى الْأَرْوَاحِ الَّتِي حَلَّتْ بِفِنَائِك"
"Sаlаm оlsun sənə və о ruhlаrа ki, sənin qаrşındа təzim еtdilər ". ("Bihar əl-ənvar", c. 98, səh. 187)
Hazırladı: Füruği-Tövhid Təhqiqat Qrupu
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6734
Bu gün: 2
