Öz mövqeini bil
İnsan öz həyatı boyu bu aləmdəki baxış, söz və həyatına aid hər bir şeydə hansı mövqedə dayanmasını bilməli və bir an da olsun öz Sahibindən qəflətdə olmamalıdır.
«بِكُمْ فَتَحَ اللَّهُ وَ بِكُمْ يَخْتِمُ اللَّه»
"Allah (xilqət aləmini) sizinlə başlmışdır. Sizinlə də sona yetirəcək”. ("Əl-kafi”, c. 4, səh. 576.)
Həyatda fəthə çatmaq istəyirsənmi? Özün təkbaşına buna çata bilməzsən. Çünki Fəttah
(Fəth edən) Allahdır. O qapını açmalıdır. İnsan özünü fəttah bilsə, qəflət və süquta başlayacaq. Biz heç nəyik və yoxuq. Biz bir ovuc torpağıq.
Bəzi hədislərdə gördüm ki, merac gecəsi Allah öz Peyğəmbəri (s) ilə bir cümlə fars dilində danışaraq buyurmuşdur: "Nə edim bir ovuc torpaqla, onu bağışlamaqdan savayı”. Biz bir ovuc torpağıq. Amma Pərvərdigari-Aləm bu bir ovuc torpağın daxilində, bütün aləmləri onda toplaya bilən bir aləm yaradıb.
أ تزعم انّك جرم صغير و فيك انطوى العالم الأكبر
İmam Sadiq (ə) buyurdu:
«الصورة الانسانية هي أكبر حجّة للَّه على خلقه و هي الكتاب الذي كَتَبَه اللَّه بيده»
"İnsanın surəti Allahın öz xəlqinə ən böyük höccətidir. O, Allahın öz əli ilə yazdığı bir kitabdır”. ("Təfsiri Safi”, c. 1, səh. 92.)
Bu, insanın həqiqətidir. Görün, Allah tövhid süzməsində bir ovuc torpaqla nələr etmişdir! Özünə bax, de, mən bir ovuc torpağam, İlahi! Necə ola bilər, bir ovuc torpaq fəttah olsun və qapıları açsın?!
Diqqət etmək lazımdır ki, aləmdə bütün izn və icazələr, İmam Zamanın (ə) əli ilədir. "Allah (xilqət aləmini) sizinlə başlmışdır. Sizinlə də sona yetirəcək”. Gərək o həzrətin iznini əldə edə biləsən. Harada olsan, ağaya diqqət etməlisən. Çünki bütün qıfılların açarı o həzrətin əlindədir və onun vasitəsilə fəthə yetişə bilərsən.
Heyif ki, zahiri ad-san bizi özünə məşğul etmişdir. Bu ad-sanla tanınır və tanıyırıq. Bu adlara bağlı olmamalıyıq, xüsusilə də biz tələbələr.
Əmir əl-möminin Əli (ə) buyurur: "Yüklərinizi yüngülləşdirin”. ("Nəhcül-bəlağə”, səh. 242.) Özünüzə ağır yük götürməyin, məqsədinizə çatmaq üçün bağlılıqlarınızı kənara qoyun. Məqsəd, Əmir əl-möminin Əlinin (ə) özüdür. Özünü Əmir əl-möminin Əliyə (ə) qovuşdur. Həzrət Yusif (ə) o əzəməti ilə Allaha deyir:
تَوَفَّنِي مُسْلِمًا وَأَلْحِقْنِي بِالصَّالِحِينَ
"Mənim canımı müsəlman olaraq al və məni əməlisalehlərə qovuşdur!” ("Yusif” surəsi, ayə 101.)
Aləmdə elə kəslər vardır ki, peyğəmbərlər də onlara qovuşmaq arzusundadır. Onlar, Əhli-beytdir (ə).
Vilayətə yetişməyimiz və onda fəna olmağımız üçün Allah yol göstərib. Çünki biz məna aləmində çox uşağıq. Elə bilməyin ki, büluğ həddinə yetişmişik. Elə bilməyin ki, 30, 40 və ya 50 yaşımız varsa, hər şeyi tapmışıq. Məna aləmində hətta, ibtidai məktəbə də getməmişik. Yeni mərifət ardınca olmalısan.
Mütəal Allah həzrət Davuda (ə) vəhy etdi:
«جَدِّد السَّفینَةَ، فَإنَّ البَحرَ عَمیقٌ عَمیق»
"(Ey Davud) Öz gəmini təzədən düzəlt. çünki dərya çox-çox dərindir”. ("Cəvahirul-sunniyyə”, səh. 67.)
Bu köhnə gəmi ilə dənizə girmə. Yəni bu köhnə mərifətlə yol getmə. Allah rəhmət etsin mərhum Əllamə Cəfərini. Bu şeri çox oxuyurdu:
Bizaram, sənin tanıdığın köhnə allahdan
Hər an mənim üçün təzə bir Allah var.
Allah təzələnmir. Mərifət təzələnməlidir. Nə qədər bu köhnə mərifətinə qane olmaq istəyirsən?! Bəs, nə vaxt dəyişəcəksən?! Bu aləm, dərin dəryadır, boğularsan! Bağlılıqlarını kənara qoy ki, həqiqətə çatasan.
Hazırladı: Füruği-Tövhid Təhqiqat Qrupu
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6678
Bu gün: 0
