Fatimə (s) tövhid çıraqdanı
Həzrət Zəhra (s) məhşərə daxil olanda Allah-taala tərəfindən əmr olunar:
"يَا أَهْلَ الْجَمْعِ نَكِّسُوا رُءُوسَكُمْ وَ غُضُّوا أَبْصَارَكُمْ حَتَّى تَجُوزَ فَاطِمَةُ"
"Ey məhşər əhli, hamınız gözlərinizi örtün, Fatimə keçsin". ("Bihar əl-ənvar", c. 37, səh. 70.)
Rəvayətdə vardır ki, hamı başlarını aşağı salarlar, hətta peyğəmbərlər, övliyalar, siddiqlər və şəhidlər də. Bu necə əzəmətdir ki, Allah-taala ona baxmağa icazə vermir?! Ümumiyyətlə, bir kəsin baxma bilmək gücü varmı? Bir kəs Günəşə baxa bilirmi?! Əgər baxsa kor olar!
Axirət aləmində Fatimə (s) təcəlla edəcək. Ora Fatimənin (s) təcəlla etdiyi yerdir. Heç bir gözün Fatiməni (s) görmək gücü yoxdur. Çünki o, tövhid mişkatıdır (çıraqdanıdır). Tövhid mişkatı, yəni bütün ilahi nurları onda toplaşmışdır. Mişkat, yəni çıraqdan. Bütün çıraqları çıraqdana qoyurlar.
Quran buyurur:
"اللَّهُ نُورُ السَّماواتِ وَ الْأَرْضِ مَثَلُ نُورِهِ كَمِشْكاةٍ فيها مِصْباحٌ الْمِصْباحُ في زُجاجَةٍ الزُّجاجَةُ كَأَنَّها كَوْكَبٌ دُرِّيٌّ يُوقَدُ مِنْ شَجَرَةٍ مُبارَكَةٍ زَيْتُونَةٍ لا شَرْقِيَّةٍ وَ لا غَرْبِيَّة"
"Allah göylərin və yerin nurudur. Onun nuru, içində çıraq olan bir taxçaya (çıraqdana) bənzər; taxçadakı o çıraq bir qəndilin içindədir, o qəndil isə, sanki parlaq bir ulduzdur. O çıraq nə şərqdə, nə də qərbdə (aləmin ortasında) olan mübarək bir zeytun ağacından yandırılır". ("Nur" surəsi, ayə 35.)
Bu ayə Quranın çox heyrətamiz ayələrindəndir.
Tövhid nurunun taxçası, çıraqdanı var. Bəşərin ilahi nuru dərk etmək tutumu yoxdur və tövhid nuru o çıraqdandan təcəlli etməlidir.
İmam Sadiq (ə) buyurur: "Mişkat (Çıraqdan) Fatimədir". ("Bihar əl-ənvar", c. 23, səh. 304.)
Allahu Əkbər! Allahu Əkbər! Fatimənin (s) vücudu necə vücuddur?! Biz nə bilirik?!
Heç bir xam bişmiş hal tapa bilməz
Bəs, söz qısa olsun, vəssəlam!
İbadət mehrabında dayandıqda onun vücudundan nur təcəlli edir. Təkcə Yer aləmində deyil, onun nuru cənnətdə də təcəlli edir. Cənnət əhli birdən görərlər ki, Günəş saçdı və cənnətin bütün mərtəbələrini tamamilə əhatə etdi. Deyərlər: İlahi, Özün Quranda buyurmusan ki, "Orada günəş görməzlər". ("İnsan" surəsi, ayə 13.) Allah buyurar: "Bu Günəş, yaxud Ay nuru deyil. Əli və Fatimə bir şeydən xoşları gəlib güldülər və onların nurundan cənnət işıqlandı". ("Mənaqibi ali Əbi Talib", c. 3, səh. 329.)
İmamlar (ə) Allahın tövhid çıraqdanında qərar verdiyi çıraqlardır. Əgər bu müqəddəs zatlar olmasaydı, hamı sönərdi.
"مَنْ أَتَاكُمْ نَجَا وَ مَنْ لَمْ يَأْتِكُمْ هَلَك"
Sizə tərəf gələn nicat tapmış, sizdən üz çevirən isə həlak olmuşdur. ("Mən la yəhzəruhu əl-fəqih", c. 2, səh. 613.)
"بِكُمْ فَتَحَ اللَّهُ وَ بِكُمْ يَخْتِمُ اللَّه"
Allah (xilqət aləmini) sizinlə başlamışdır. Sizinlə də sona yetirəcək. ("Əl-Kafi, c. 4, səh. 576.")
Ona görədir buyurur:
"یا احمد لَوْلاكَ لما خَلَقْتُ الأفْلاكَ"
"Əgər sən olmasaydın fələkləri yaratmazdım".
Fatimə (s) Allahın camalına baxır
Bir gün Rəsuli-əkrəm (s) Fatiməyə (s) buyurur: "Qızım, məndən bir hacət istə". Fatimə (s) deyir ki, atacan, Kərim (Allahın) vəchinə baxmaqdan başqa bir şey istəmirəm. ("Əlxəsaisul-Fatimiyyə", Şeyx Məhəmməd Baqir Əlkəcuri, c. 2, səh. 385.)
Bizim dualarımız əhli-beytin (ə) duaları ilə fərqlidir. İmam Baqir (ə) dua etdikdə demir ki, mənə çörək ver. Dua edərək deyir:
اللَّهُمَّ إِنِّي أَسْأَلُكَ مِنْ بَهَائِكَ بِأَبْهَاهُ وَ كُلُّ بَهَائِكَ بَهِيٌّ اللَّهُمَّ وَ أَسْأَلُكَ بِبَهَائِكَ كُلِّهِ اللَّهُمَّ إِنِّي أَسْأَلُكَ مِنْ جَمَالِكَ بِأَجْمَلِهِ وَ كُلُّ جَمَالِكَ جَمِيلٌ اللَّهُمَّ وَ أَسْأَلُكَ بِجَمَالِكَ كُلِّهِ اللَّهُمَّ إِنِّي أَسْأَلُكَ مِنْ جَلَالِكَ بِأَجَلِّهِ وَ كُلُّ جَلَالِكَ جَلِيل"
"İlahi, Sənin nuraniyyətinin bütün dərəcələrinin haqqına and verib Səndən istəyirəm! İlahi, Sənin cəmalının ən gözəl dərəcəsinin haqqına and verib Səndən istəyirəm, halbuki, Sənin cəmalının bütün dərəcələri gözəldir!" ("İqbal əl-əmal", c. 1, səh. 34.)
İlahi, biz nə vaxt belə bir mərifət tapacayıq?! Əgər bu mərifətdən azca dada bilsək, dünya və onda olan hər bir şeydən doyub, uçarıq!
Fatimə (s) buyurdu: "Allahın vəchinə baxmaqdan başqa bir şey istəmirəm".
Hazırladı: Füruği-Tövhid Təhqiqat Qrupu
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6712
Bu gün: 0
