Fatimə (s) mənim ürəyimdir
Peyğəmbər (s), Fatimənin (s) əlindən tutaraq buyurdu:
"مَنْ عَرَفَ هَذِهِ فَقَدْ عَرَفَهَا وَ مَنْ لَمْ يَعْرِفْهَا فَهِيَ فَاطِمَة هِيَ قَلْبِيَ الَّذِيبَيْن جَنْبَي"
Bu Fatimədir (s). Kim bunu tanımırsa, mən ona başa sala bilərəm. Bu ürəyimin parasıdır. Mənim ruhumdur. ("Bihar əl-ənvar", c. 43, səh. 54.)
O, mənim qəlbimdir, o mənim canımdır, o mənim bütün həqiqətimdir! Mərifət əhli həzrət Fatimə Zəhranı (s) Muhəmmədiyyə (s) həqiqəti adlandırırlar.
O, Peyğəmbərin (s), həqiqətidir. O, bütün həqiqətlərin nazil olduğu bir zərfdir. Ona görə Mütəal Allah buyurur:
"إِنَّا أَعْطَيْنا كَالْكَوْثَر"
(Ya Peyğəmbər!) Həqiqətən, Biz sənə Kövsər bəxş etdik! ("Kovsər" surəsi, ayə 1.)
Kövsər, bütün həqiqətlərin nazil olduğu bir zərfdir. Bütün həqiqətlər Peyğəmbərin (s) qızında zühur etmişdir. Allah, Peyğəmbərə (s) buyurur:
"وَلَسَوْفَ يُعْطيكَ رَبُّكَ فَتَرْضى"
"Həqiqətən, Rəbbin sənə bəxş edəcək və sən (Ondan) razı qalacaqsan!" ("Zuha" surəsi, ayə 5.)
Bir iş edəcəm ki, Mənim bəxş etdiklərimə razı olasan. Peyğəmbərin (s) razı olduğu bəxşiş Fatimənin (s) vücududur.
Peyğəmbərin (s) ərş aləmindən Cəbrailin (ə) vasitəsilə aldığı Peyğəmbərin (s) canının zərfiyyətidir. Qurani-kərim buyurur:
"نَزَلَ بِهِ الرُّوحُ الْأَمِينُ عَلَىٰ قَلْبِكَ لِتَكُونَ مِنَ الْمُنْذِرِينَ"
"Onu Ruhul-əmin (Cəbrail) endirdi: (Günahkarları Allahın əzabı ilə) qorxudan (xəbərdar edən) peyğəmbərlərdən olasan deyə, sənin qəlbinə (nazil etdi)" ("Şüəra" surəsi, ayə 193-194.)
Ruhul-əmin bütün həqiqətləri Peyğəmbərin (s) qəlbinə nazil edir, amma Peyğəmbər (s) buyurdu: "Mənin qəlbim Fatimədir". Həqiqətən, görün Fatimə Zəhranın (s) necə böyük əzəməti vardır?!
Cəbrailin (ə) Fatimə Zəhraya (s) nazil olması
Həzrət Zəhranın (s) əzəməti barədə Kafi kitabında belə bir hədis vardır:
"إِنَّ فَاطِمَةَ مَكَثَتْ بَعْدَ رَسُولِ اللَّهِ(ص) خَمْسَةً وَ سَبْعِينَ يَوْماً وَ كَانَ دَخَلَهَا حُزْنٌ شَدِيدٌ عَلَى أَبِيهَا وَ كَانَ جَبْرَئِيلُ(ع) يَأْتِيهَا فَيُحْسِنُ عَزَاءَهَا عَلَى أَبِيهَا وَ يُطَيِّبُ نَفْسَهَا وَ يُخْبِرُهَا عَنْ أَبِيهَا وَ مَكَانِهِ وَ يُخْبِرُهَا بِمَا يَكُونُ بَعْدَهَا فِي ذُرِّيَّتِهَا وَ كَانَ عَلِيٌّ(ع) يَكْتُبُ ذَلِكَ فَهَذَا مُصْحَفُ فَاطِمَةَ(ع)"
Həzrət Zəhra (s) Peyğəmbərdən (s) sonra 75 (yaxud 95) gün yaşadı. Bu müddət ərzində o çox qəm-qüssələrə dözdü. Cəbrail bu müddətdə ardıcıl olaraq ona nazil olurdu, atasının əzasına görə ona başsağlığı verirdi, o biri aləmdəki məqamını ona xəbər verirdi, həmçinin dünyanın gələcək hadislələrindən, övladlarının həyatları barədə ona danışırdı. Əli (ə) də bunları yazırdı. Bütün bunları topladı və "Mushəfi-Fatimə" oldu. ("Əl-Kafi", c. 1, səh. 241).
Uyğunluq cəhətindən Cəbrailin (ə) dərəcəsində olmalısan ki, elmin daşıyıcısı sənin qəlbinə nazil olsun. Bu necə uyğunluqdur ki, Cəbrail-əminin (ə) Fatimənin (s) canına nazil olmasına, qeyb aləminin həqiqətləri barədə onunla danışmağa səbəb olmuşdur?! Həzrət Əli (ə) Cəbrailin (ə) Fatiməyə (s) ilhamlarını və sözlərini yazırdı və bu yazılar "Mushəfi-Fatimə (ə)" adı ilə tanındı.
Hazırladı: Füruği-Tövhid Təhqiqat Qrupu