Namazın ucadan və astadan oxunması
Sual 451: Qadınlar məğrib və işa namazlarının birinci və ikinci rəkətlərinin qiraətini ucadan oxuya bilərlərmi?
Cavab: İcazəlidir. Amma əgər naməhrəm onun səsini eşitsə və bir surətdə ki, səsini naməhrəmə eşitdirmək ona haram olsa, ehtiyata əsasən gərək ahəstə oxusun. Əgər qəsdən ucadan oxusa, ehtiyata əsasən namazı batildir.
Sual 452: Zöhr və əsr namazlarından başqa namazlarda ucadan oxumağın həddi nə qədərdir?
Cavab: Ürfü (ümumi camaat) baxımından uca oxumaq qədəridir.
Sual 453: Mənim bacım namazını ucadan oxuyur, belə ki, onun səsi yanaşı otaqda eşidilir. Namazın mətninin hamısını bir neçə dəfə təkrar edir və namazı çox uzadır. Qadınlar üçün belə namaz qılmaq icazəlidirmi?
Cavab: Qadınlar, zöhr və əsr namazlarını vacib ehtiyata əsasən, ahəstə qılmalıdırlar, amma başqa namazlarda ucadan qılmaqla, ahəstə qılmaqda ixtiyarlıdırlar.
Sual 454: Zöhr namazının hansı hissəsi ucadan oxuna bilər?
Cavab: Təkbirləri və zikrləri ucadan oxumaq olar.
Sual 455: Kişi hansı namazları ucadan və hansı namazları ahəstə qılmalıdır? Bu hökm təkcə həmd və surənin qiraətinə şamil olur, ya namazın başqa vaciblərinə də aid olur? Təkbir, Həm və surənin "Bismillah"ı və təshibati-ərbəə barədə hökm nədir?
Cavab: Vacib ehtiyata əsasən, kişi sübh, məğrib və işa namazlarının Həmd və surəsini, həmçinin onun "Bismillah"ını ucadan oxumalıdır. Qalan hissələr vacib deyil.
Kitabın adı: İstiftaat, Şəri suallara cavablar
Müəllif: Ayətullah Əl-Uzma Seyid Əli Hüseyni Sistani