Qəmə vurmaq
Müqabil tərəfin iddiası- Qəmə vurmağın haramlığı və yaxud Quran
və Sunnəyə zidd olması sübut olunmayıb:
Qəmə vurmağın caizliyini (icazəli olduğunu) iddia edənlər belə
deyirlər:
" Qəmə vurmağın caizliyinə işarə olunan rəvayətləri qəbul
etmək məcburiyyətindəyik ( Xanım Zeynəbin (s.ə.) kəcavənin sütunu
ilə başına vurması və İmamın (ə) buna etiraz etməməsi və digər bu
kimi bəyan etdikləri dəlillər kimi). Yaxud da deyirlər ki, Quran və
Sünnədə bu barədə, nə icrasına nə də qadağasına heç bir
nəssaşkar dəlil) gəlməmişdir. Bu sonradan baş vermiş işdir.
Sonradan baş verən hər bir işdə fiqhi qanun və meyar budur ki,
haramlığı sübut olmadığı təqdirdə həmin iş mübahdır (yəni, caizdir)
və heç bir günahı yoxdur.
Bəli, bu dəlillərə qarşı tərəfin qəmə vurmaq barədə haram fətva
verən bəzi hissə alimləri etiraz edərək demişlər: Qəmə vurmaq
özünə zərər yetirməkdir, zərər yetirmək isə şəriətdə haramdır!
Qəmə vurmağın caizliyini qəbul edənlər isə onlara belə cavab
verirlər: Qəmə vurmaq tam zərər olmadığına görə haram deyil.
Əksinə birbaşa ölüm ilə nəticələnən, bir üzvün məhv olması və
yaxud kəsilməsi və buna oxşar hallar haramdır.
Bəziləri də "Ünvani-sanəvi” ilə qəmə vurmağı haram etmiş və
demişlər: Həqiqətən, qəmə vurmaq insanlarda Əhli-beyt (ə)
məzhəbinə nifrət yaradır.
Digər bir dəstə bunlara belə cavab verir: Qəmə vurmaqla heç də məzhəbə nifrət yaranmır. Əksinə bu misilsiz, əvəzolunmaz aşkarlıq
məzhəbi tanıtdırır və yayır. Vilayətə bağlı olanların bənzərsiz
sevgisini və İmam Hüseynə (ə) əvəzolunmaz məhəbbət və sevgini
eks etdirir.
Qəmə vurmağı riya hesab edənlər yanlış düşüncədədirlər. Riya
yalnız insanlar arasında yaxşı hesab olunan işlərdə olur. Qəmə
vuranlar bilirlər ki, digərlərindən əlavə öz həmməzhəblərindən də
bəzilərinin qınaq obyektinə çevriləcəklər. Bununla belə dediyimiz
kimi savab qazanmaq ümidi ilə bunu edirlər. Qəmə vurmaq hüzn və
fəryad əlamətlərindən bir nişanə olması şərt deyil və müstəhəb bir iş
olması mümkündür. Beləliklə, hüzn və fəryad çərçivəsinə daxil
olduğuna və həmçinin İslam şüarı kimi də müşahidə olunduğuna
görə müstəhəbliyinə də fətva vermək olar.
Hər halda, bu iş təqlidi bir məsələdir. Əgər mükəlləfin təqlid etdiyi
müctəhid qəmə vurmağı caiz bilsə (icazə versə), mükəlləf bu işi
etməsində müstəqildir. Əgər təqlid etdiyi müctəhid icazə verməsə, bu
iş onun üçün əsla caiz deyil. Qəmə vurmaqda da digər bəzi
əməllərdəki kimi fətva fərqləri mövcuddur.
Ardı var...
Kitabın adı: Kərbəla həqiqətləri
|
Mətndə qramatik səhv var? Onu siçan ilə seçin və
"Ctrl+Enter" düyməsini sıxın (Savab qazanmağa çalışın) |
Bilgilendirme
Yorum Ekleyebilmeniz için Sitemize Kayıt Olmanız Gerekmektedir.