Qəmə vurmaq
Ardı...
Baş yarmaq, zəncir vurmaq və qan çıxartmaqla bağlı islamın böyük
merceyi təqlid alimlərinin fikrləri:
Ayətullah Seyyid Əli Xamenei: "Qılıncla baş yarmaq sonradan
uydurulmuş bir əməldir və dinlə əlaqəsi olmayan işlərdəndir. Heç
şübhə yoxdur ki, Allah da onun həyata keçirilməsinə razı deyil.
Ümumiyyətlə, məzhəbin zəifləməsinə və onun qeyri-ciddi bir şəkildə
tanıtdırılmasına səbəb olan əməllərə icazə verilmir."
Mərhum Ayətullah Seyyid Əbul-Həsən İsfahani: "Qılıncla baş yarmaq
haramdır."
Mərhum Ayətullah Seyyid Möhsün Həkim: "Qılıncla baş yarmaq dini
bir iş deyil və heç bir savabı yoxdur. Bu iş islamın, müsəlmanların və
Əhli-Beytin zərərinədir."
Mərhum Ayətullah Seyyid Əbul Qasim Xoi: "Qılıncla baş yarmaq
haqqında heç bir sübut yoxdur və onun müstəhəb (savab gətirən
əməl) sayılması üçün heç bir fiqhi əsas mövcud deyil."
Mərhum Ayətullah Seyyid Möhsün Əmin Cəbəl Amuli: "Qılıncla baş
yarmaq və yas mərasimlərində bu qəbildən olan əməllər ağlın
hökmünə və şəriətə görə haramdır. Dünyada faydası və axirətdə də
heç bir savabı olmayan başı yaralamaq, şəriətimizdə haram edilmiş
cana əziyyət vermək anlamına gəlir. Bu əməl Əhli-Beytin xalqın
gözündən düşməsinə və onların vəhşi simada əks etdirilməsinə
səbəb olub. Heç şübhə yoxdur ki, bu kimi əməllər şeytan
vəsvəsələrindən qaynaqlanır və bu işlərdə Allahın, Peyğəmbərin və
Əhli-Beytin razılığı yoxdur. Əlbəttə, bu əməllərin adlarını dəyişdirmək
onun mahiyyətini və şəriətdə haram olmasını dəyişdirə bilməz."
Mərhum Ayətullah Şəhid Seyyid Muhamməd Baqir Sədr: "Bu kimi
işlər cahil insanların işidir. Odur ki, alimlər davamlı olaraq bu kimi
işləri qadağan etmiş və haram olduğunu bildirmişlər."
Mərhum Ayətullah Fazil Lənkərani: "Qılıncla baş yarmaq mövzusu
xalqın İmam Hüseynə (ə) daha çox marağ göstərməsinə sövq
etdirmədiyi və onun müqəddəs hədəflərinə çatdırmadığı kimi pis
nəticələr verməsinə də səbəb olur. Buna görə də İmam Hüseyn (ə) məktəbinə bağlı insanlar bu işlərdən uzaq durmalıdır. Hətta öncədən
bu işə nəzir etmiş olsalar belə nəzirləri düzgün hesab edilmir."
Mərhum Ayətullah Şəhid Mürtəza Mütəhhəri: "Bu kimi mərasimlər
Ortodoks xristianlarının mərasimlərindən qaynaqlanıb."
Mərhum Ayətullah Məhəmməd Cavad Muğniyə: "Xoş olmayan bu
işlər bidətdir (sonradan qondarmadır). Din və məzhəbdə heç bir yeri
yoxdur."
Mərhum Ayətullah Meşkini: "Bu kimi işlər İslam şəriətində qəbul
edilmir və bunlardan bəziləri zatən haramdır. Müsəlmanlar bu çeşid
əməlləri İmam Hüseynin yas mərasimlərinə daxil etməkdən
çəkinməlidirlər."
Ayətullah Cavadi Amuli: "İslamın zorakı din kimi tanınmasına və
matəm məclislərinin təhqir edilməsinə səbəb olan əməllərə icazə
verilmir. Qılıncla baş yarmaq və bunun kimi əməllərdən uzaq durmaq
tövsiyə edilir."
Ayətullah Məkarim Şirazi: "Yas və matəm məclislər islam
düşmənlərinin bəhanə gətirmələrinə və sui-istifadə etmələrinə səbəb
olmayacaq şəkildə həyata keçirilməlidir. Mərasimlərin ciddiliyi
qorunmalıdır. Bununla bağlı məzhəbin ləkələnməsinə səbəb olacaq
işlərdən – sinə və baş yarmaq, kəsici alətlər vasitəsilə zəncir
vurmaqdan – çəkinin."
Ayətullah Məzahiri İsfahani: "Qılıncla baş yarmaq və bunun kimi
işlərə icazə verilmir."
Ayətullah Seyyid Kazım Hairi: "Qılıncla baş yarmaq kimi xurafatlar
İslam dininin pis tanınmasına səbəb olur."
Ayətullah Nuri Həmədani: "Yas tutan əzizlər, qılıncları öz başlarınıza
vurmaq əvəzinə islam
torpağlarını işğal etmiş insanara qarşı mübarizə aparın."
Ayətullah Şeyx Muhamməd Yaqubi: "Ağıldan kənar əməllərin
edilməsi, cana zərər vermək, din və Əhli-Beyt məktəbinə xəyanət və
təhqirə səbəb olacaq işlərə icazə verilmir. Buna görə də xəncər
vurmaq və kəsici alətlərlə bədəndən qan çıxartmaqdan çəkinmək
lazımdır."
Ayətullah Muhamməd Mehdi Asifi: "Bu işlər Aşuranın ülvi mesajının
xalqa çatmasında pis təəssurat yaradır və İmam Hüseyn
ardıcıllarının hörmətdən düşməsinə səbəb olur."
Ayətullah Seyyid Əli Sistani: "Yas və matəmə ləkə gətirəcək işlərdən
çəkinək lazımdır"
Mərhum Ayətullah Mirzə Cavad Təbrizi: "Yas tutan əzizlər məzhəbin
ləkələnməsi və islam düşmənlərinin sui istifadə etməsi üçün zəmin
yaratmamalıdırlar. Yas mərasimi məzhəbin adına ləkə gətirməyəcək
şəkildə keçirilməlidir."
Kitabın adı: Kərbəla həqiqətləri
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6677
Bu gün: 0
