Qanalma

Başyarma görüntülərini psixoloq, nevroloq, travmatoloq və digər tibb mütəxəssislərinə təkcə göstərməniz kifayətdir ki, bunun onlarla ciddi ziyanları barədə məlumat alasınız. Bu ziyanlara nümunə kimi iltihab, travma, psixi pozuntular, qanaxma və digər fəsadları göstərmək olar.

Bundan əlavə, başyarma zamanı dəfələrə ölüm halları baş verib.

Aşağıdakı fotoşəkil başyarmanın nəinki zərərli olduğuna, hətta ölümə gətirib çıxardığına dair inkaredilməz fakt ortaya qoyur. Bu ölüm hadisəsi ötən il Aşura günü Kərbəlada baş vermişdi.

Kərbəla, 2013

Siz hansı məntiqlə bu işə savab deyirsiniz?!

Bəzilərinin "başyarmanın zərəri yoxdur” cümləsini hansı məntiqlə dediklərini anlamıram. Bundan böyük zərərmi var?!

Bundan əlavə, başyarmanın insan bədəninə zərəri olmasa belə, bu vəhşiliyi dini ayin kimi qələmə vermək dinə ən böyük xəyanətdir. Belə olduqda isə nəinki savab deyil, hətta böyük günah sayılır!

Bu bidətin dinə və Əhli-beyt məzhəbinə vurduğu ləkə kifayət qədərdir. Buna misal olaraq, başyaranlarla zombilərin şəkillərinə diqqət etsəniz, nə qədər oxşarlığın olduğuna şahid olarsınız. Yeganə fərq budur ki, başyaranlar cəmiyyət üçün daha qorxuncdur. Çünki zombilərdən fəqli olaraq, onların özünə ciddi xəsarət yetirməsi realdır.

Yuxarıdakı şəkillər zombilərin, aşağıdakılar isə başyaranlarındır:

Daha geniş və praktik izahı aşağıdakı 4 videoçarxımızdan ala bilərsiniz.

(Qəmə - Sünnət, ya bidət?)

http://www.youtube.com/watch?v=BIfV3UAmxLg

(Ayətullah Məkarim Şirazi - Qəmə düşmən qılıncı)

http://www.youtube.com/watch?v=DOhzvTGJ8i8

(Qəmə vurmaq və İslamın təhrifi)

http://www.youtube.com/watch?v=e_VxAPOTTT0

(Qəmənin ictimai zərərləri)

http://www.youtube.com/watch?v=ZOwG79UlcyY

4- "Əsalə əl-İbahə” qaydası

Son zamanlar dəbə düşən bəhanələrdən biri də, üsul elminin "əsalə əl-İbahə” qaydasıdır. Bu qaydaya əsasən, haramlığına dəlil olmayan hər bir əməl icazəlidir.

Bu qaydanı irəli sürənlərin gülməli iddası budur ki, məsumlar tərəfindən başyarmaya heç bir qadağa qoyulmadığından, bu əməl icazəlidir. Yəni bu iş məsumlar dövründə olmayan maşın, işıqfor və digər yeniliklərlə eyni hökmdədir.

Cavab: Fiqhdən, başyarmanın olduqca mənfi təsirlərində azca xəbəri və azacıq məntiqi olan heç kəs belə nəticə çıxarmaz. Üsul elmində bu qaydadan o zaman istifadə olunur ki, hər hansı iş barədə hədislərdə göstəriş gəlməməsindən əlavə, həmin iş ağla zidd və fəsadlı da olmamalıdır. Göstərilən nümunələr (maşın, işıqfor) nəinki fəsad mənbəyi deyil, düzgün istifadə olunarsa, hətta insanların yaşamının rahatlaşması üçün gözəl vasitələrdir. Yuxarıda göstərilən faktlar isə, başyarmanın bunun tam əksinə olduğunu göstərir.

Bundan əlavə, üsul elminin "La zirar” (ciddi zərərin haramlığa bais olması) qaydası və dini insanların gözündə pis cilvələndirməsi də bu işin qətiyyətlə haram olduğuna dəlalət edir.

5- Qədim alimlərin başyarma barədə rəyi

Söz bitəndə və dəlilsiz qalanda sofistlik edərək belə bir sual verirlər: Başyarma haram idisə, qədim alimlər nə üçün buna icazə vermişlər? Əgər qədimdə müstəhəb olubsa, indi də ən azı icazəli olduğu şübhəsizdir.

Cavab: Bu sualın qarşısında bir neçə  maraqlı sual yaranır. Biri budur ki, siz məsumlardan daha ağıllı və uzaqgörənsinizmi?! Başyarma onların ağlına gəlmirdi və onu siz kəşf etdiniz, yoxsa onların zamanında qəmə və qılınc olmayıb?! Hətta bu barədə bir hədis belə tapılmadığı halda hansı ağıl, məntiq və qaydaya əsasən bunu icazəli bilirsiz?! Əgər qədimdə bir şeyin icazəli olub-olmadığını arqument götürsək, məsumlar yüzillər öncə yaşayıb və onların zamanında belə bir əzadarlıq tipi olmayıb.

Bundan əlavə, qədimdə belə bu bidətə qarşı çıxan kifayət qədər fəqih mövcud olub. Bəzən buna qarşı çıxan müctəhidləri cəmiyyətdə kafir kimi qələmə veriblər. Buna misal olaraq, Şeyx Əbülhəsən İsfahanini göstərmək olar.

Bu əmələ Aşura günü icazə verən qədim alimlər isə iki dəlilə əsaslanırdılar.

1-Başyarmanın zərərsiz olduğunu düşünürdülər;

2-Bu əmələ qarşı çıxmağı İmam Huseynə (ə) hörmətsizlik kimi başa düşürdülər.

Yuxarıdakı faktlar hər iki təfəkkürün yanlış olduğunu isbat edir.

Bu vaxtacan isə heç bir fəqih başyarmanı vacib bilməyib. Bunun vacib sayılmadığı və İslam düşmənlərinin bundan sui-istifadə edərək şiəliyə nifrət yaratdığı bir halda bu işdən çəkinmək yaxşı olmazmı?!

Hətta fərz edək ki, baş yarmaq  Peyğəmbər sünnəsidir. Məgər sünnəni yerinə yetirmək vacibdirmi? O zaman qəmə vuran şəxs, niyə gözünə sürmə çəkmir? Axı Peyğəmbər sünnəsidir. Səbəb budur ki, bizim cəmiyyətdə bu əməli yerinə yetirsə abrı gedəcək. Çünki cəmiyyətimizdə bir kişinin bu əməli yerinə yetirməsinə pis baxırlar. Bunun üçün də öz abrının getmə qorxusu bu sünnənin yerinə yetirməsinə mane olur. Bəs necə olur ki, İslamın abrı həmin şəxsi düşündürmür.

Və sonda

Tarix boyu Aşura günü baş yarmağa qarşı çıxan alimlər bu bidəti təbliğ edənlər tərəfindən daim təhqir və təkfir olunublar. Günümüzdə də bunun şahidi oluruq. O qılıncı düşmən başına vurmalı olan halda öz başına vuranlar, başda Ayətullah Xamenei olmaqla başyarmanı haram bilən bütün müctəhidləri İmam Hüseyn (ə) düşməni adlandırırlar.