Allahın salamı və rəhməti üzərinizə olsun. İnşallah bu xəbərimdə İmam Hüseynin (ə) Rüqəyya adlı qızı olubmu? sualına araşdıraraq tarixi sübutlarla cavab verəcəm. Çünki bəzi şəxslər tarixdə Rüqəyya (s.ə)-ın olmasına şübhə edirlər. Mən bu şübhələri oxuyanda ağlımda çoxlu suallar yarandı. Bəs Rüqəyya (s.ə) qəbri deyilen yer onda bu qəbr nədir? Kimin qəbridir? Bəs Babəl-Həvaic 7 nəfərdi biridə Rüqəyyadı deyir alimlərimiz bəs onda bu alimlərimizin dedikləri yalandır? Bəs Xanım Rüqəyyaya təvəssül edənlər və Allahın izni ilə Xanım Rüqəyyanın şəfa verdiyi xəstələr yalandır ? Axı yalan olsaydı onun ziyarətində möcüzə baş verməzdi? Axı Alimlərimizin, Müctehidlərimizin, Üləmalarımızın qarşısında məddahlar Rüqəyya (s.ə) rozası, mərsiyəsi oxunur heı onlar demirlər ki, bunu oxumayın səhvdi belə adlı İmam Hüseynin (ə) qızı yoxdu yalan olsaydı axı dediyim bu sözləri deyərdilər. Və ən çox düşündüyüm bu idi Mən özüm 3-4 yaşlarımdan Rüqəyya (s.ə) mənə tanıtdırıblar və indiyənə kimi nə dərdim olub ona təvəssül etmişəm. Allah qəbul edib. Axı necə olarki, bu Rüqəyya yalan ola axı mən şahidi olmuşam Rüqəyya (ə) necə şəfaət etdiyini. Axı bunlar yalan ola bilməz deyib suallarıma cavab axtardım axırı ki, tarixi sübutlarla Şükür Allaha cavab tapdım. İmam Hüseynin (ə) Xanım Rüqəyya adlı qızı olub. İndi o sübutlari sizlərə təqdim edirəm.
1.Həzrət imam Hüseyn (ə), atası həzrət Əlini (ə) və anası Fatimə Zəhranı (s.ə) çox sevirdi. Ona görə də hər vaxt, Mütəal-Allah ona övlad əta etsəydi, əgər oğlan olsaydı, atası Əlinin (ə) və qız olsaydı, anası Fatimə Zəhranın (s.ə) adını o körpəyə qoyurdu. Sonra onları bir-birindən seçmək üçün, hər birinə bir ləqəb verirdi. Həzrət Rüqəyyənin (ə) də adı Fatimə olub və imam Hüseynin (ə) kiçik qızı olduğu üçün ona Fatimeyi Süğra ləqəbini verib.(Ərəb adətinə görə bir insana bir nece ləqəb verəllərmiş bu 3 yaşli Fatiməyə də Fatimeyi Suğra (yəni kiçik Fatimə) və Rüqəyya ( yəni yuxari və yuxari aparmaq,tərəqqi etmək) ləqəbi verilmişdi) İmam Hüseyn (ə) həzrət Rüqəyyəni (s.ə) çox sevirdi və gecələr onu öz qucağında yatızdırırdı. ( kitab.Həzrəti Rüqəyya (s.ə).Müəllif Seyid Zahir.)
2. Bu böyük tarixi şəxsiyyətlər yazıb kitablarında məsələn:İrbili Kəşful-ğummə kitabında 2 cildi, 250-ci səhifədə , Əllamə Hairi Məalis-sibteyn kitabı 2 cild, 214-cü səhifədə Həmzavinin Ən-nəfəhat kitabından və aşağıda adları gələcək bir çox tarixçilər İmam Hüseynin (ə) Rüqəyyə adlı dördüncü qızının da olduğunu bildirirlər.
3. Xanımın adı çəkilən hədislər
Əllamə Məclisi deyir: Bu hədisi mötəbər kitablarda gördüm.
Həzrət Zeynəb (s) Kufədə İmamın (ə) mübarək başın nizədə görəndə İmama (ə) dedi:
یا اخی فاطم الصغیرة کلمها فقد کاد قلبها ان یذوبا
Ey qardaşım! Bu kiçik Fatimə ilə danış. Ürəyi qəm-qüssədən az qalır əriyib suya dönsün. (Biharul-ənvar, cild 45, səhfə 115)
Şiənin rical alimləri tərəfindən mötəbər sayılan İmam Sadiqin (ə) səhabəsi Seyf ibn Ümeyr İmam (ə) hüzurunda İmam Hüseynin (ə) müsibətləri barədə yazdığı şeiri oxuyur. Bu şeirdə iki dəfə Həzrət Rüqəyyənin adını çəkir. (Əl-müntəxəb,Tureyhi, səhfə 435)Şeir uzun olduqundan bir hissəsini qeyd edirem.
Şeirin tərcüməsi:
İmamından ayrıldığı zaman səbir-qərar Səkinədən ayrıldı.
Rüqəyyə o kəsdir ki, paxıllar gücsüz və zəifliyinə görə onun qəlbini yandırdılar.
Bunlar qiyamət günü Ondan üzr istəməyə məcbur olacaqlar. Amma onlar üzrü olmayacaq
Həzrət ÜmmüGülsüm də hər an göz yaşlarını parça ilə üzündən silir.
Mən heç vaxt ÜmmüGülsüm, Səkinə və Rüqəyyəni unutmaram.Onlar İmam Hüseyn (ə) üçün ah-nalə və həsrətlə ağlayardılar.
İmam Sadiq (ə) isə ona heç bir etiraz etmir. Əgər İmam Hüseynin (ə) Rüqəyyə adlı qızı olmasaydı, İmam Sadiq (ə) Seyfə mütləq etiraz edərdi. Çünki Əhli-beyt həmişə şiələrinin səhvlərini düzəltmiş və onları azğınlığa sürüklənməkdən qorumuşlar.
4. Lut ibn Yəhya ibn Səid ( vəf.158.h.q) tərəfindən Kərbəlanın tarixi haqda yazılmış ən qədim kitab "Məqtəli-Əbimixnəf” də Həzrət Rüqəyyənin adı İmamın Hüseynin(ə) qızlarının sırasında gəlmişdir. Hətta tək şiə yox sünni alimidə kitabında qeyd edib Əhli-sünnə alimlərindən olan Şeyx Qunduzi kitabında İmam Hüseynin (ə) altı aylıq körpəsinin hadisəsin nəql etdikdən sonra Məqtəli-Əbimixnəfdən İmam Hüseynin (ə) ailəsi ilə vidalaşma hadisəsini belə nəql edir:İmam Hüseyn (ə) ailəsi ilə vidalaşanda belə uca səslə buyurdu: Ey ÜmmüGülsüm, Ey Səkinə, Ey Rüqəyyə, Ey Atikə, Ey Zeynəb, Ey əhli-beytim məndən sizə salam olsun. (Yəni, sizi Allaha tapşırıram.) (Yənabiul-məvəddət, səhfə 346, Ehqaqul-həqq, cild 11, səhfə 633)
5.Şərani kimi məşhurlaşmış böyük əhli-sünnə alimlərindən olan Əbdülvəhab ibn Əhməd Şafei (vəf.973.h.q) Əl-minən kitabında belə bir faktı nəql edir:
"İmam Hüseynin (ə) qızı Rüqəyyə Darul-xəlifə məscidinin yaxınlığındakı ziyarətgahda Əhli-beytdən olan bir neçə şəxslə birlikdə dəfn olunub. Həzrət Rüqəyyənin qəbir daşının üstə belə yazılmışdı:
Bu Peyğəmbər (s) ailəsi ilə və Hüseynin qızı Şəhid Rüqəyyə vasitəsi ilə şərafət tapmış bir evdir .” (Məalis-sibteyn, c 2, s 171)
6.Əbül-Həsən Əli ibn Əbilqasim Beyhəqi (vəf.565.h.q) İmam Hüseynin (ə) övladları haqda yazır:
Yeddinci təbəqə Hüseynilərdir…….Hüseynilər Hüseyn ibn Əlinin övladlarıdır. İmam Hüseynin (ə) övladlarından Zeynəlabidindən, Fatimədən, Səkinədən və Rüqəyyədən başqa heç kim qalmayıb. (Lubabul-ənsab cild 7. səhfə 326)
7.Rüqəyyə xanımın qəbrinin təmiri zamanı baş verən hadisə: Bu hadisə təqribən yüz əlli il bundan əvvəl Dəməşq şəhərində baş verib. Seyid İbrahim Dəməşqi adlı bir alim deyir: Mənim üç qızım var idi. Oğlum yox idi. Bir Həzrət Rüqəyyə xanım böyük qızımın yuxusuna gəlib, buyurur :
Atana de ki, şəhərin rəhbərinə desin, mənim qəbrimə su dolub. Mən qəbirdə əziyyətdəyəm. Qəbrimi təmir etsinlər. Seyid İbrahim şəhərin rəhbəri əhli-sünnə olduğundan ona heç nə demir. İkinci gün Xanım ortancıl qızın yuxusuna, üçüncü gün axırıncı qızın yuxusuna gəlir. Amma Seyid İbrahim gedib, şəhərin rəhbərinə bir söz demir. Axırda Xanım Seyidin öz yuxusuna gəlib, qəzəblə buyurur: Niyə şəhərin rəhbərinə demirsən?
Seyid sühb tezdən gedib hadisəni şəhər rəhbərinə danışır. Şəhər rəhbəri alimlərə göstəriş verir ki, qüsl edib, təmiz paltar geyinsinlər. Xanımın hərəmi kimin əli ilə açılsa, həmin şəxs qəbri açacaq. Hərəm yalnız Seyid İbrahimin əli ilə açılır. Qəbri açanda gördülər ki, bədəni yaralarla dolu üç-dörd yaşlı bir qız uşağı, amma bədəni sağlam vəziyyətdə.(yəni bədən yaralıdır amma çürüməmişdi yəni sağlam insan kimidir sanki ölməmiş ) Amma qəbir su ilə dolub. Seyid uşağı götürmək üçün qəbrə daxil olanda qəşş edir. Ayılanda deyir: Allah Yezidə lənət etsin! Biz elə bilirdik ki, Yezid qız üçün mürdəşir və kəfən göndərib. İndi bildim ki, bunlar yalan imiş. Xanımı öz köynəyi ilə dəfn ediblər.
Seyid Xanımı qucağına alır. Qəbrin təmiri üç gün çəkir. Üç gün yalnız namaz vaxt Onu qucağından yerə qoyur. Seyid deyir: Bu üç gündə aclıq hiss etmədim. Qəbrin təmiri başa çatdıqdan sonra Xanımı dəfn edirlər. (Məalis-sibteyn, cild 2, səhfə 101-102)
Yuxarıdakı dəlillərdən belə qənaətə gələ bilərik ki, İmam Hüseynin (ə) Səkinə, Fatimə, Rüqəyyə və Zeynəb adlı dörd qızı olmuşdur. Həzrət Rüqəyyənin adı şiənin mənbələrinin müəllifləri də Xanımın adını hicrətin əvvəllərində yazılmış Məqtəli-Əbimixnəf kitabı və bəzi hədislərə əsasən öz əsərlərində İmamın (ə) qızlarının sırasında qeyd etmişlər. Bundan əlavə Xanımın adını öz kitabında qeyd edən ən qədim mənbə hicrətin 565-ci ildə vəfat etmiş Beyhəqidir ki, Şeyx Müfiddən təxminən 150-il sonra, ondan sonra isə İmaduddin Təbəri və İrbilidir. Bu dəlilləri daha möhkəmləndirən Rüqəyyə xanımın qəbrinin təmiri zamanı baş verən hadisədir. Qəbrin açılması prosesində şəxsən iştirak edən Seyid İbrahim qəbirdə az yaşlı və zərbələrin təsirindən bütün bədəni yara olan bir qız uşağı olduğunu bildirir.Bundan əlavə Rüqəyya (s.ə) in Allahin izni ilə şəfa verdiyi insanlar özləri bir sübutdur. Bu xüsusiyyətlər tarix kitablarında Rüqəyyə xanım haqda deyilən xüsusiyyətlərlə tam uyğundur. Və bundan başqa sübutlar istəyirsizsə və Xanımın şəfa verdiyi şəxslər haqqında məlumat almaq istəyirsizsə şərhlərdə yaza bilərsiz İnşaAllah şərhlərinizi cavablandiracam. Xəbərimi axira kimi oxuduğunuz üçün sizlərə təşəkkür edirəm Allah sizlərdən razi olsun
Xanım Rüqəyyanin (s.ə) pak ruhuna salavat zikr edək
Əllahummə salli əla Muhəmmədin və ali Muhəmməd
Əllahummə salli əla Muhəmmədin və ali Muhəmməd
Əllahummə salli əla Muhəmmədin və ali Muhəmməd
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6678
Bu gün: 0
