Xanım Xədiceyi-Kubra (s.ə)-ın fəzilətləri və vəsiyyəti
Allahın salamı və rəhməti üzərinizə olsun. Bu gün müsəlmanların mənəvi anası Həzrəti Xədiceyi-Kubranın vəfat günüdür. Bu münasibətlə bütün müsəlmanlara başsağlığı verirəm.
Xanım Xədicey-Kubra haqqında tarixdə çox məlumat vardır. Hər dövürdə Allaha itaət edənlər, və şeytana itaət edən insanlar olduğu kimi o dövürdə də belə insanlar olub. Şeytana itaət edənlər Əhli-beytə və onların tərəfdarlarına zülm ediblər və onlar barədə yalan sözlər yayıb və tarixə yazıblar. Amma Əhli-beyt təraftarlarıda həqiqəti olduğu kimi tarixə qeyd ediblər. Çox şükür ki Allah daim haqqı aşkar edir. Nə qədər pis insanlar Xanım Xədiceyi-Kubranın fəzilətlərini gizlədib yalan yazsalar da yenə Allah fəzilətlərini aşkar edib və edəcəkdir...
Anamız Xədiceyi-Kubranın ən birinci fəziləti budur ki, ilk müsəlman qadın olub. İmam Əli (ə) "Qasiyə" xütbəsində Xədicə haqqında buyurur: "İslamın əvvəlindəki çətin anlarda, İslam dini Rəsulullah (s)-ın Xədicənin evindən başqa heç bir evə daxil olmamışdı. Məndə onların üçüncüsü idim." (Nəhcül-bəlağədə 192-cı xütbə)
Xanım Xədicə on üç məsumun anası və bir məsumunda həyat yoldaşı olub. Xədiceyi-Kubranın məqamı-fəziləti, Peyğəmbər (s)-ın başqa həyat yoldaşlarında yoxdur. Sual oluna bilər ki, məsum Peyğəmbərin yoldaşı olduğunu bilirik, bəs necə olur ki on üç məsumun anasıdır?
Cavabımız bu olar ki: Fatimeyi-Zəhra (s.ə) anası Xədiceyi-Kubra idi və Əli (ə)-da uşaqlıqdan Xədiceyi-Kubra böyütmüşdü və Xanım Xədicə Əli (ə)- ın da mənəvi anası idi.
İmam Həsən (ə) buyurur: "Mən Xədicənin-Kubranın oğluyam"
İmam Hüseyn (ə) Aşurada meydanda buyurur: "Mən Xədiceyi-Kubranın oğluyam..."
İmam Səccad (ə) Şamda əsir olanda buyurur: "Mən Xədiceyi-Kubranın oğluyam."
Xanım Xədiceyi-Kubra o qədər fəzilətə malikdir ki İmam Zaman (ə)- ın "Nüdbə" duasında ona salam göndərilir. Elə Əhli-beytin anası olduğu üçün Əhli-beytə zülm edənlər Xanım Xədicəyə də zülm etmişlər. O Xanımın Allah yanında məqamı o qədər uca idi Allah Cəbraildan ona salam göndərir. Allah onun kəfənini də Cənnətdən göndərib. Xanımın fəzilətləri daha çoxdur biz bir az yazdıq ki, xəbər çox uzun yorucu olmasın.
Bəzi tarixçilər Xədicey-Kubra haqqında da yazıblar ki: Xədiceyi-Kubra Peyğəmbər (s)-a ilə evlənməzdən öncə Əbu Halət İbn Zurarə Təmimi və Ətiq İbni Aiz Məxzumi adlı şəxislərlə ailə həyatı qurmuş və ərlərinin hər ikisi dünyadan getmişdilər. Amma bunu Alimlərimiz araşdırmışdılar nəticədə alimlərin nəzərincə Həzrət Xədiceyi-Kubra Peyğəmbər (s)-a ilə evlənməzdən öncə heç evlənməmişdir. Tarixi araşdıranda Alimlərimiz deyirlər ki :" Tarixdə Əbu Halət İbn Zurarə Təmimi və Ətiq İbni Aiz Məxzumi adlı şəxislər olmayıb. Əgər belə bir şəxslər olsaydı heç olmasa bir məlumat yazılardı. Çünki tarixdə bir şəxsin adı yazılarsa o şəxis haqqında məlumatda yazılır, amma bu şəxlər haqqında heçnə yoxdur."
Xanım Xədicənin əmisi Vərəqə ərəblər arasında savadlı bir şəxs kimi tanınmışdır. O Tövratı və İncili çoxlu mütailə etdiyi üçün onları çox gözəl bilirdi.
O tez-tez deyərdi: "Qureyş tayfasından bir nəfər insanları hidayət etmək üçün Allah tərəfindən peyğəmbərliyə seçiləcək və sərvətli bir qadınla ailə həyatı quracaq" Həzrət Xədicə bir gün yuxuda gördüki günəş Məkkənin üzərində dövrə vurub yavaş-yavaş aşağı enərək onun evinə daxil oldu. Xanım Xədicə öz yuxusunu əmisi Vərəqəyə danışdı Vərəqə dedi: "Şöhrəti aləmi bürüyəcək bir kişi ilə ailə quracaqsan."(Biharul-ənvar 6-cı cild səhfə 104)
Bu və başqa müəmmalara görə deyilir ki Xanım Xədiceyi-Kubra Peyğəmbər (s)-dan öncə heç evli olmayıb.
Xanım Xədiceyi-Kubra islam yolunda bütün malını infaq etdi. Bütün müsəlman və qeyri-müsəlmanlar yazırlar ki:"Dinin dünyaya yayılması Peyğəmbərin gözəl əxlaqı, Əlinin qılıncı və Xədicənin varı-dövləti oldu."
Xədiceyi-Kubra "Şəbi Əbi Talib" mühasirəsi zamanı həyatının ən çətin dövrünü yaşadı. Şəbin mühasirəsindən çıxdıqdan bir il sonra (besətin doqquzuncu, ya onuncu ili) Peyğəmbər (s)-in vəfalı sirdaşı Əbu Talibin vəfatından üç gün sonra dünyasını dəyişdi. Peyğəmbər (s)-a həmin ili "Hüzn və qəm-qüssə" ili adlandırdı.
Peyğəmbər (s)-a Xədicəni ona göstərdiyi mehribanlıqları və fədakarlıqları heç vaxt unutmurdu. Həmişə onu xatırlayıb və salam deyərdi. Həzrət onun haqqında buyrardı:"Hamı məni təkzib edəndə Xədicə məni təsdiq edərdi. Hamı məndən uzaqlaşanda, o mənə iman gətirdi. Məni tək-tənha qoymadı və müdafiə etdi. Allah ona rəhmət etsin.!"
Xədiceyi-Kubra vəsiyyət edəndə Peyğəmbər (s)-a dedi: "Məndən razısan? Əgər hardasa mənim sənə qarşı biganəliyimi hiss edibsənsə məni bağışla"
Peyğəmbər (s)-a buyurdu: "Əsla! Sən mənə qarşı biganə olmadın."
İkinci vəsiyyəti bu idi. "Bu Fatiməni (s.ə) sənə əmanət verirəm qoyma heç kim onun qəlbini qırsın, və qoyma kimsə onun üstünə qışqırsın." Sonraki vəsiyyətini dedi: Fatimə (s)-ya deyəcəm. Peyğəmbər otağı tərk edəndən sonra Fatimə (ə)-ya dedi: "Atana de mənim kəfənim yoxdur, məni öz çiynindəki əbasına büksün."
Peyğəmbər (s)-a ona özü qusul verdi və öz əbasına bükdü. Allah cənnətdən kəfən göndərdi, Cəbrail onu gətirdi Peyğəmbər (s)-a verdi. Peyğəmbər (s)-a öz əbası üzərindən o cənnət kəfənini ona bükdü və qəbrə qoymazdan öncə özü o qəbrə daxil olub uzandı, sonra durub öz yarını özü əli ilə dəfn etdi. Tarixdə ikinci belə hadisəni Əli (ə) edib. O Fatimə (s.ə) dəfn etməzdən öncə qəbrə daxil oldu, uzandı. Sonra durub Fatimə (s.ə)-nı öz əli ilə qəbrə qoydu...
Xanım Xədiceyi-Küba (s.ə)-ya salavat hədiyyəmiz olsun.
Əllahummə salli əla Muhəmmədin və ali Muhəmməd
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6741
Bu gün: 1
