Şeyx Kuleyni imam Əli Nəqidən (ə) nəql edir ki, o həzrət belə buyurub: "İmam Hüseynin (ə) məzarı kənarında bu ziyarətnaməni oxu:
Salam olsun sənə, ey Əba-Əbdillah! Salam olsun sənə, ey Allahın yer üzündəki höccəti və məxluqatına şahidi! Salam olsun sənə, ey Rəsulullahın övladı! Salam olsun sənə, ey Əli Mürtəzanın oğlu! Salam olsun sənə, ey Fatimeyi-Zəhranın oğlu! Şəhadət verirəm ki, həqiqətən, sən şəhadətə qovuşana qədər namazı bərpa etdin, zəkat verdin, (insanları) yaxşılıqlara dəvət etdin, pisliklərdən çəkindirdin və Allah yolunda layiqincə cihad etdin! Diri və şəhid ikən Allahın salamı olsun sənə!
Sonra sağ yanağını qəbrin üzərinə qoyub de:
Şəhadət verirəm ki, həqiqətən, sənin (öz işlərinlə bağlı) Rəbbin tərəfindən aydın dəlil və sübutun var idi! Ey Rəsulullahın övladı, mən günahlarımı iqrar etdiyim halda, hüzuruna gəlmişəm ki, Rəbbinin dərgahında mənə şəfaət edəsən!
Sonra imamların hər birinin adını çəkə-çəkə de:
Şəhadət verirəm ki, həqiqətən, siz Allahın höccətlərisiniz!
Daha sonra bu cümləni de:
Öz yanında mənim üçün əhd-peyman yaz! Mən həmin əhd-peymanı yeniləmək üçün hüzuruna gəlmişəm. Elə isə Rəbbinin dərgahında mənim xeyrimə şəhadət ver ki, həqiqətən, sən (Allah dərgahında) şahidsən!
Kitabın adı: Məfatihul Cinan