Belə əhd eyləmişəm ey bacı cananım ilən
Ərseyi-Kərbübəladə boyanam qanım ilən.
Çünki, bu cami-əcəldə şəkərü şəhdim var
Bu səbəbdən, susuz ölməgliyə cox cəhdim var
Aləmi-Zərrdə, canan ilə bir əhdim var
Varam öz eylədiyim, əhd ilə peymanım ilən.
Bacı əhdim budu, bu çöldə gərək qanə batam
Qanımı, Əkbərimin qanına şövq ilə qatam
Can verib təşnə, gərək isti qum üstündə yatam
Cismi-məcruhum ilə, sineyi-suzanım ilən.
Budur əhdim ki, quram burda gərək məclisi-raz
Qan içində eliyəm,Həqq ilə bir razü niyaz
Can verən vəqtdə, meydanda qılam bacı, namaz
Dəstəmazım ola bu şərt ilə öz qanım ilən.
Düşdü İbrahim əgər, şövqi-həvayi-eşqə
Etmədi tab, vəli dərdü bəlayi-eşqə
Bircə qurban ilə o, gəldi Minayi-eşqə
Gəlmişəm mən bura, yetmiş iki qurbanım ilən.
Çəkmərəm qəm dəmi-şəmşirdə, şəmşir nədür?
Xəncərü tiğ nədür? nizə nədür? tir nədür?
Məclisi-vəslə qədəm qoymağa tə'xir nədür?
Mən bu bəzmə gedirəm, başım ilən canım ilən.
Zövrəqi-cismimə var lücceyi-xun içrə nicat,
Təşneyi-eşqə verir suzi-ətəş, abi-həyat
İçmərəm, gər tuta dünya üzünü abi-Fərat
Bəzmi-vəslə gedirəm, bu ləbi-ətşanım ilən.
Haq yolunda susuz ölmək, demə zəhmətdi mənə
Gözümə ox dəyə gər, eyni-məhəbbətdi mənə
Aləmi-eşqdə, hər zəhməti rahətdi mənə
Dözərəm,yüz belə zəhmətlərə bir canım ilən.
Çəkmərəm minnət ədudən, çəkərəm bu ətəşi
Bacı,eşq aləminin coxdu belə keşməkeşı
Səni bazarə çəkəllər, çü əsiri-Həbəşi
Şami-şum içrə,əyali-Şəhi-Şğrdanım ilən.
Əhli-Kufə,yetirir zülmünü itmamə, bacı
Bədənimdə dəxi qoymazla qala camə, bacı
Nizələrdə aparallar başımı Şamə, bacı
Bədənim yerdə qalır, peykəri-üryanım ilən.
Şamdə, məclisi-işrət quralar, söz demərəm
Kuçəvü bamdə səf-səf duralar, söz demərəm
Xeyziran çubi nə qədri vuralar, söz demərəm
Bəzmi-əğyardə mən, bu ləbi-dəndanım ilən.
Zeynəb ərz eylədi- qardaş, bilirəm ruzi-cəza
Sən ilə Həşrə gəlir başlar əlində, şühəda
Üsəranı başıma cəm'edərəm mən də, əxa
Gələrəm Məhşərə, bu zülfi-pərişanım ilən.
Ümmətə cümlə şəfaət edərəm mən, mən ilən
Kərbəladə bulaşan qanuva pirahən ilən,
Şimri-dunun yaxasından tutaram,şivən ilən
İstərəm qanuvi, bu çaki-giribanım ilən.
Ya Huseyn, hövli-qiyamətdə yetiş imdadə
Raciyəm, bircə ümidim sənə var Üqbadə
Ağlaram, olsa həyatım nə qədər dünyadə
Gecə-gündüz, sənə bu dideyi-giryanım ilən.
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6678
Bu gün: 0
